ଅନେକ ଲୋକ ଗୋଡ ଉପରେ ଗୋଡ ରଖି ବା ଗୋଡରେ ଗୋଡକୁ ଛନ୍ଦି ରଖି ବସିଥାନ୍ତି । ଏହାକୁ ଆରାମଦାୟକ ବୋଲି ମନେ କରା ଯାଇଥାଏ, କିନ୍ତୁ ଆପଣ କ’ଣ ଜାଣନ୍ତି କି ଏଭଳି ବସିଲେ, ଶାରୀରିକ ସମସ୍ୟା ଦେଖା ଦେଇଥାଏ ।
Kanak News is now on WhatsApp
Join and get latest news updates delivered to you via WhatsApp
ଚିକିତ୍ସକମାନଙ୍କ ମତ ଅନୁଯାୟୀ ଆପଣ ଯେତେବେଳେ ଅଧିକ ସମୟ ଧରି ଜଂଘ ଉପରେ ରଖି ବସନ୍ତି, ସେତେବେଳେ ଆପଣଙ୍କର ମାଂସପେଶୀ ସ୍ଥାଣୁ ଭଳି ହୋଇ ଯାଇଥାଏ । କେତେକ କ୍ଷେତ୍ରରେ ଏହା ସାମୟିକ ଓ ଆଉ କେତେକଙ୍କ କ୍ଷେତ୍ରରେ ଏହା ସ୍ଥାୟୀ ସମସ୍ୟା ସୃଷ୍ଟି କରିଥାଏ । ଦୀର୍ଘ ସମୟ ଧରି ଗୋଡ ଉପରେ ଗୋଡ ରଖି ବସିଲେ ନର୍ଭ ପଲ୍ସି ଉପୁଜିଥାଏ । ନାଡିର ଗତି ମନ୍ଥର ହୋଇ ଯାଇଥାଏ । ଏଭଳି ପରିସ୍ଥିତି ଉପୁଜେ ଯେ, ଆପଣ ନିଜର ଗୋଡ ଉଠାଇ ଠିଆ ମଧ୍ୟ ହେବାକୁ ଅସମର୍ଥ ହୁଅନ୍ତି ।
ଖାଲି ସେତିକି ନୁହେଁ ଏଭଳି ସ୍ଥିତିରେ ବସିଲେ ଆପଣଙ୍କର ରକ୍ତ ଚାପ ମଧ୍ୟ ବୃଦ୍ଧି ପାଇଥାଏ । ଏହା ଦୀର୍ଘ ସମୟ ଧରି ସମସ୍ୟା ସୃଷ୍ଟି କରିଥାଏ ।
ଦୀର୍ଘ ସମୟ ଧରି ଗୋଡ ଉପରେ ଗୋଡ ରଖି ବସିଲେ, ଶିରା ଗଣ୍ଠିଗଣ୍ଠିଆ ହୋଇ ଯାଇଥାଏ । ଏହା ଶରୀରକୁ ଯନ୍ତ୍ରଣା ମଧ୍ୟ ଦେଇଥାଏ ।
ଏଣୁ କଦାଚିତ୍ ଗୋଡ ଉପରେ ଗୋଡ ରଖି ବସିବାରେ ଅଭ୍ୟସ୍ତ ନ ହେବା ପାଇଁ ଚିକିତ୍ସକମାନେ ପରାମର୍ଶ ଦେଇଛନ୍ତି ।