ରକ୍ତ ଦାନ, ଜୀବନ ଦାନ । ରକ୍ତଦାନ ମହାପୁଣ୍ୟ । କିନ୍ତୁ ଭାରତରେ ଏବେ ମଧ୍ୟ ରକ୍ତ ପାଇଁ ଅନେକ ଲୋକ ମୃତ୍ୟୁ ବରଣ କରୁଛନ୍ତି । ପ୍ରତିବର୍ଷ ଯେତିକି ରକ୍ତ ଆବଶ୍ୟକ ପଡୁଛି ତାହାଠାରୁ ମଧ୍ୟ କମ ରକ୍ତ ସଂଗ୍ରହ କରାଯାଉଛି । ତେଣୁ ଆବଶ୍ୟକୀୟ ରକ୍ତ ସଂଗ୍ରହ ପାଇଁ ରକ୍ତଦାତାଙ୍କୁ ପୋତ୍ସାହିତ କରିବାକୁ ଝାଡ଼ଖଣ୍ଡ ସରକାର ନିଜ କର୍ମଚାରୀଙ୍କ ପାଇଁ ଏକ ବଡ ଘୋଷଣା କରିଛନ୍ତି । ରଘୁବର ସରକାରଙ୍କ ତରଫରୁ ଘୋଷଣା କରାଯାଇଛି କି, ଯେଉଁ କର୍ମଚାରୀ ସ୍ୱଇଚ୍ଛା ଭାବେ ରକ୍ତଦାନ କରିବେ, ସେମାନଙ୍କୁ ଚାରଦିନ ପାଇଁ ଛୁଟି (ସିଏଲ) ମିଳିବ। ଏପରି ପଦକ୍ଷେପ ଦ୍ୱାରା ରକ୍ତଦାତାଙ୍କ ସଂଖ୍ୟାକୁ ବୃଦ୍ଧି କରାଯାଇପାରିବ।
Kanak News is now on WhatsApp
Join and get latest news updates delivered to you via WhatsApp
ଏହି ଘୋଷଣା ରାଷ୍ଟ୍ରୀୟ ସ୍ୱଚ୍ଛିକ ରକ୍ତଦାନ ଦିବସ ଅକ୍ଟୋବର ୧ରୁ ଲାଗୁ କରାଯାଇଛି। ସୋମବାର ଜାରି କରାଯାଇଥିବା ଘୋଷଣାରେ କୁହାଯାଇଛି, ଝାରଖଣ୍ଡରେ ପ୍ରତିବର୍ଷ ୩,୫୦,୦୦୦ ୟୁନିଟ୍ ବ୍ଲଡ୍ ଆବଶ୍ୟକ ହୋଇଥାଏ। ଏପରି କ୍ଷେତ୍ରରେ ରାଜ୍ୟରେ କେବଳ ୧,୯୦,୦୦୦ ୟୁନିଟ ବ୍ଲଡ୍ ହିଁ ଏକାଠି ହୋଇଥାଏ।
ରାଜ୍ୟର ସ୍ୱାସ୍ଥ୍ୟ, ଶିକ୍ଷା ଏବଂ ପରିବାର କଲ୍ୟାଣ ମନ୍ତ୍ରାଳୟ ସରକାରୀ କର୍ମଚାରୀଙ୍କୁ ରକ୍ତଦାନ ପାଇଁ ପ୍ରେରିତ କରିବା ପାଇଁ ଓ୍ଵାର୍କିଂ ଡେ ମାନଙ୍କରେ ରକ୍ତଦାନ କଲେ ଚାରିଦିନ ପାଇଁ ଆକସ୍ମିକ ଛୁଟି ମଞ୍ଜୁରୀ କରିବା ପାଇଁ ନିଷ୍ପତ୍ତି ନେଇଛନ୍ତି। ତେବେ ଏହି ଛୁଟି ପାଇଁ ରକ୍ତଦାତାଙ୍କୁ ରକ୍ତଦାନ କରିଥିବାର ପ୍ରମାଣ ପତ୍ର ଦେଖାଇବାକୁ ପଡିବ । ଆଉ ଏହାପରେ ହିଁ ଏହି ଛୁଟି ମଞ୍ଜୁର ହେବ । ଆଉ ଏସବୁ ଭିତରେ ରେଡକ୍ରସ୍ ମୁତାବକ ସୋମବାର ଆୟୋଜିତ ରକ୍ତଦାନ ଶିବିରରେ ୭୭୫ ୟୁନିଟ ରକ୍ତ ଏକାଠି ହୋଇଥିଲା।