ଭାରତ ମାଟିରୁ ପାକିସ୍ତାନକୁ ଚେତାବନୀ ଦେଲା ଆମେରିକା । ଟ୍ରମ୍ପ କହିଲେ ନିଜ ମାଟିରୁ ଆତଙ୍କବାଦ ହଟାଉ ପାକିସ୍ତାନ । ନହେଲେ ଆତଙ୍କବାଦକୁ ଏ ବିଶ୍ୱ କ୍ଷମା ଦେବନି…
କନକ ବ୍ୟୁରୋ: ଭାରତ ମାଟିରୁ ପାକିସ୍ତାନକୁ ଚେତାବନୀ ଦେଲେ ଟ୍ରମ୍ପ । ଆତଙ୍କବାଦ ନେଇ ପାକିସ୍ତାନରୁ ଅହମଦାବାଦରୁ କଡା ଚେତେବନୀ । ପାକିସ୍ତାନ ନିଜ ମାଟିରୁ ଆତଙ୍କବାଦକୁ ହଟାଉ । ବିଶ୍ୱରେ ଆତଙ୍କବାଦର ସ୍ଥାନ ନାହିଁ, ମୁଁ ଆତଙ୍କବାଦକୁ କେବେ ବରଦାସ୍ତ କରିବିନାହିଁ ବୋଲି ନମସ୍ତେ ଟ୍ରମ୍ପ କାର୍ଯ୍ୟକ୍ରମରୁ କଡା ଭାଷାରେ ପାକିସ୍ତାନକୁ ଇଙ୍ଗିତ କରି କହିଛନ୍ତି ଟ୍ରମ୍ପ ।
Kanak News is now on WhatsApp
Join and get latest news updates delivered to you via WhatsApp
ତେବେ ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ତାଙ୍କ ଭାଷଣରେ ପାକିସ୍ତାନକୁ କ୍ଷୁବ୍ଧ କରି ନାହାନ୍ତି। ସେ କହିଛନ୍ତି ଯେ ପାକିସ୍ତାନ ବି ତାଙ୍କର ବନ୍ଧୁ ରାଷ୍ଟ୍ର । କିନ୍ତୁ ପାକିସ୍ତାନ ନିଜ ମାଟିରୁ ଆତଙ୍କବାଦର ମୂଳୋତ୍ପାଟନ କରିବା ଉଚିତ । ଆତଙ୍କବାଦ ବିରୋଧରେ କଡ଼ା ପଦକ୍ଷେପ ନେଉ ପାକିସ୍ତାନ । ପାକିସ୍ତାନକୁ ଆତଙ୍କବାଦ ଉପରେ ଲଗାମ ଲଗାଇବାକୁ ପଡ଼ିବ ବୋଲି ଡୋନାଲ୍ଡ ଟ୍ରମ୍ପ ଆହ୍ବାନ ଦେଇଛନ୍ତି।
ସେପଟେ ଗତ ସେପ୍ଟେମ୍ବର ମାସରେ ଯେତେବେଳେ ମୋଦି ଆମେରିକା ଗସ୍ତରେ ଥିଲେ ସେତେବେଳେ ବି ଆତଙ୍କବାଦକୁ ମୁଖ୍ୟ ପ୍ରସଙ୍ଗ କରାଯାଇଥିଲା । ନିଜ ଭାଷଣରେ ମୋଦି ପାକିସ୍ତାନକୁ ଆମେରିକାରୁ ଟାର୍ଗେଟ କରିଥିବା ବେଳେ ଟ୍ରମ୍ପ ମଧ୍ୟ ପାକିସ୍ତାନ ଉପରେ କଡା ଟିପ୍ପଣୀ ଦେଇଥିଲେ ।
ତେବେ ଦୁଇ ଦିନିଆ ଭାରତ ଗସ୍ତରେ ଆସିଥିବା ଟ୍ରମ୍ପ ଅହମଦାବାଦ ପରେ ଆଗ୍ରା ତାଜମହଲ ଯାଉଛନ୍ତି । ପ୍ରେମର ପ୍ରତୀକ ଦେଖିବାକୁ ଟ୍ରମ୍ପ ଦମ୍ପତ୍ତି ଆଗ୍ରାରେ ପହଞ୍ଚିଛନ୍ତି ।