କନକ ବ୍ୟୁରୋ : ତିନିଦିନିଆ ଆମେରିକା ଗସ୍ତରେ ଯାଇ ୱାସିଂଟନରେ ପହଂଚିବା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଭବ୍ୟ ସ୍ୱାଗତ କରିଛି ଟ୍ରମ୍ପ ପ୍ରଶାସନ । ଏପରିକି ମୋଦିଙ୍କୁ ଜଣେ ପ୍ରକୃତ ବନ୍ଧୁ ବୋଲି ସମ୍ବୋଧନ କରି, ଅନେକ କୂଟନୈତିକ ପ୍ରସଙ୍ଗରେ ତାଙ୍କସହ ଆଲୋଚନା କରିବାକୁ ଆଗ୍ରହୀ ବୋଲି ସୂଚନା ଦେଇଛନ୍ତି ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ସୋମବାର ଆଲୋଚନା ଟେବୁଲରେ ଏକାଠି ବସିବାକୁ ଯାଉଛନ୍ତି ବିଶ୍ୱର ଦୁଇ ସର୍ବବୃହତ ଗଣତନ୍ତ୍ରର ନେତା । ହ୍ୱାଇଟ ହାଉସରେ ଦୁଇ ନେତାଙ୍କ ମଧ୍ୟରେ ବିଭିନ୍ନ ଦ୍ୱିପାକ୍ଷିକ ପ୍ରସଙ୍ଗ ଓ ପ୍ରତିନିଧି ସ୍ତରୀୟ ଆଲୋଚନା କାର୍ଯ୍ୟକ୍ରମ ରହିଛି ।
Kanak News is now on WhatsApp
Join and get latest news updates delivered to you via WhatsApp
ପ୍ରଥମଥର ଲାଗି ହ୍ୱାଇଟ ହାଉସରେ ମୋଦିଙ୍କ ପାଇଁ ଆୟୋଜନ ହୋଇଛି ନୈଶଭୋଜି ।ଟ୍ରମ୍ପ କ୍ଷମତାକୁ ଆସିବା ପରେ ପ୍ରଥମକରି ବିଦେଶୀ ନେତାଙ୍କ ପାଇଁ ହ୍ୱାଇଟ ହାଉସରେ ହୋଇଥିଲା ଡିନର । ତେବେ ଚୀନ ଓ ଜାପାନ ପ୍ରଧାନମନ୍ତ୍ରୀଙ୍କ ପାଇଁ ବାହାରେ ଆୟୋଜନ ହୋଇଥିଲା ନୈଶଭୋଜି ।
ଆଲୋଚନା ଏଜେଣ୍ଡା :
– ଦୁଇ ବିଶ୍ୱ ନେତାଙ୍କ ଭିତରେ ପ୍ରତିରକ୍ଷା ସଂପର୍କୀତ ଦ୍ୱିପାକ୍ଷିକ ଆଲୋଚନା ହେବ
– ଆମେରିକାଠାରୁ ୨୨ଟି ମାନବବିହୀନ ଗାର୍ଡିଆନ ଡ୍ରୋନ କିଣିବାକୁ ହୋଇପାରେ ଚୁକ୍ତି
– ଭାରତୀୟ ନୈସେନାର ଶକ୍ତି ବୃଦ୍ଧିରେ ସହାୟକ ହେବ ୨ବିଲିୟନ ଡଲାର ଡ୍ରୋନ୍ ଡିଲ
– ଆତଙ୍କବାଦ ବିରୋଧୀ ମିଳିତ ଲଢେଇ ଓ ସୁରକ୍ଷା ସହଯୋଗ ନେଇ ଚୁକ୍ତି ସମ୍ଭାବନା
– ବିିଶ୍ୱ ଜଳବାୟୁ ପରିବର୍ତ୍ତନ ନେଇ ମଧ୍ୟ ଦୁଇ ନେତାଙ୍କ ଭିତରେ ହେବ ଆଲୋଚନା
ଆଲୋଚନା ହେବନାହିଁ
– ଏଚ-୧ (ବି) ଭିସା ପ୍ରସଙ୍ଗରେ ମୋଦି ଓ ଟ୍ରମ୍ପଙ୍କ ମଧ୍ୟରେ ଆଲୋଚନା ସମ୍ଭାବନା କମ୍
ଟ୍ରମ୍ପଙ୍କ ସହ ଆଲୋଚନା ପୂର୍ବରୁ ଆଜି ୱାସିଂଟନରେ ଆପେଲର ଟିମ୍ କୁକ, ଗୁଗୁଲର ସୁନ୍ଦର ପିଚାଇ, ମାଇକ୍ରୋସଫ୍ଟର ସତ୍ୟ ନାଡେଲାଙ୍କ ସମେତ ପ୍ରାୟ ୨୦ଜଣ ଟପ୍ ସିଇଓଙ୍କୁ ଭେଟୁଛନ୍ତି । ଏହାପରେ ଭର୍ଜିନିଆରେ ଏକ ନୈଶ ଭୋଜିରେ ଯୋଗଦେବା ସହ ଆମେରିକାରେ ଥିବା ଭାରତୀୟଙ୍କୁ ସାକ୍ଷାତ କରିବେ ପ୍ରଧାନମନ୍ତ୍ରୀ ମୋଦି । ଯେଉଁଥିରେ ପ୍ରାୟ ୬ଶହ ପ୍ରତିନିଧି ସାମିଲ ହେବେ ।