ଯୌତୁକ ଲୋଭରେ ସଂଜୀଦା ! ଶାରୀରିକ ଏବଂ ମାନସିକ ନିର୍ଯାତନା ଦେଉଥିବା ଅଭିଯୋଗ ଆଣିଲେ ଭାଉଜ
ଯୌତୁକ ଲୋଭରେ ଟେଲି ଦୁନିଆ । କେବଳ ସାଧାରଣ ଲୋକ ନହେଁ ସେଲିବ୍ରିଟି ମଧ୍ୟ ଟଙ୍କା ଲୋଭରେ । ଅଧିକ ଯୌତୁକ ଦାବିରେ ନିଜ ଭାଉଜକୁ ନିର୍ଯାତନା ଦେଉଥିବା ଅଭିଯୋଗ ହୋଇଛି ଛୋଟ ପରଦାର ନାୟିକା ସଂଜୀଦା ଶେଖଙ୍କ ବିରୋଧରେ । ସଂଜୀଦାଙ୍କ ବିରୋଧରେ ଘରୋଇ ହିଂସା ଅଭିଯୋଗ ଆଣିଛନ୍ତି ତାଙ୍କ ଭାଉଜ ଜାକେରବାନୁ ଜାକିର୍ ହୁସେନ୍ ବାଗବାଁ ।
Kanak News is now on WhatsApp
Join and get latest news updates delivered to you via WhatsApp
କେବଳ ସଂଜୀଦା ନୁହେଁ ତାଙ୍କ ପରିବାର ଲୋକଙ୍କ ବିରୋଧରେ ମଧ୍ୟ ଶାରୀରିକ ଏବଂ ମାନସିକ ନିର୍ଯାତନା ଦେଉଥିବା ଅଭିଯୋଗ ଆଣିଛନ୍ତି ଜକେରାବନୁ । ଜାକେରବାନୁ ତାଙ୍କ ନଣନ୍ଦ ସଂଜୀଦା ଶେଖ୍ , ସ୍ୱାମୀ ଅନସ୍ ଅବଦୁଲ୍ ରହୀମ୍ ଶେଖ୍ ଏବଂ ପରିବାରର ଅନ୍ୟ ସଦସ୍ୟ ମାନଙ୍କ ବିରୋଧରେ ସିଆରପିସିର ଧାରା ୧୨୫ ଅନୁଯାୟୀ ମାମଲା ରୁଜୁ କରିଛନ୍ତି ।
ଜାକେରବାନୁଙ୍କ ଅଭିଯୋଗ ଅନୁଯାୟୀ, ସଂଜୀଦାଙ୍କ ପରିବାର ସଦସ୍ୟ ସବୁବେଳେ ତାଙ୍କୁ ଯୌତୁକ ଦାବି କରୁଥିଲେ । ଏପରିକି ଅନେକ ସମୟରେ ତାଙ୍କୁ ମାରପିଟ୍ ମଧ୍ୟ କରୁଥିଲେ । ଏହା ବାଦ୍ ସ୍ୱାମୀ ଅନସ୍ ଅବଦୁଲ୍ ଜଣେ ମଦ ଏବଂ ଡ୍ରଗ୍ସ ଆଡିକଟେଡ୍ ରହିବା ସହ ମ୍ୟାଚ୍ ଫିକ୍ସିଂରେ ମଧ୍ୟ ଅଭିଯୁକ୍ତ ରହିସାରିଛନ୍ତି । ମେ’ ୨୭ ତାରିଖରେ ଜାକେରବାନୁ ନିଜ ବାପାଙ୍କ ସହ କଥା ହେବା ସମୟରେ ସଂଜୀଦା , ଅନସ୍ ଅବଦୁଲ୍ ଏବଂ ତାଙ୍କ ଶାଶୁ ତାଙ୍କ ଉପରେ ଚିଲ୍ଲାଇବାକୁ ଲାଗିଥିଲେ । ଏବଂ ତାଙ୍କୁ ମୁମ୍ବାଇରେ ରହିବାକୁ ମନା କରିଥିଲେ । ଏପରିକି ସମସ୍ତଙ୍କ ସାମ୍ନାରେ ସ୍ୱାମୀ ଅନସ୍ ତାଙ୍କ ଉପରେ ହାତ ଉଠାଇଥିଲେ । ଘଟଣା ପରେ ସେ ଅହମ୍ମଦାବାଦ୍ ହସ୍ପିଟାଲରେ ଭତ୍ତି ହୋଇଥିଲେ ।
ଅନ୍ୟଏକ ରିପୋର୍ଟ ଅନୁଯାୟୀ, ସଂଜୀଦା ଏବଂ ତାଙ୍କ ପରିବାର ପକ୍ଷରୁ ଜାକିରବାନୁଙ୍କ ଅଭିଯୋଗକୁ ଖଣ୍ଡନ କରି ପିଟିସନ୍ ଦେଇଛନ୍ତି । ଯେଉଁଥିରେ କୁହାଯାଇଛି ଜାକିରବାନୁ ସେମାନଙ୍କୁ ଅନେକ ସମୟରେ ଖରାପ ବ୍ୟବହାର କରନ୍ତି ।
ତେବେ କୌଣସି ସେଲିବ୍ରିଟିଙ୍କ ବିରୋଧରେ ଏପରି ଅଭିଯୋଗ ଆସିବାରେ ସଜୀଦା ପ୍ରଥମ ନୁହଁନ୍ତି । ଏହା ପୂର୍ବରୁ ନୱାଜୁଦ୍ଦିନଙ୍କ ବିରୋଧରେ ମଧ୍ୟ ଯୌତୁକ ଜନିତ ନିର୍ଯାତନା ଆଣିଥିଲେ ତାଙ୍କ ସାନ ଭାଇଙ୍କ ସ୍ତ୍ରୀ । ନୱାଜୁଦ୍ଦିନଙ୍କ ସାନ ଭାଇ ମିନାଜୁଦ୍ଦିନଙ୍କ ପତ୍ନୀ ଆଫରିନ୍ ପୁଲିସରେ କହିଥିଲେ ନୱାଜୁଦ୍ଦିନ୍ ଓ ତାଙ୍କ ପରିବାର ଲୋକେ ତାଙ୍କୁ ମିଶି ଦେଉଛନ୍ତି ମାନସିକ ଓ ଶାରୀରିକ ନିର୍ଯାତନା ।
ପୁଲିସ ସୂତ୍ରାନୁସାରେ ମୁଜାଫରନଗର ବୁଢନାରେ ରହୁଥିବା ଫିଲ୍ମ ଅଭିନେତା ନୱାଜୁଦ୍ଦିନ୍ ସିଦ୍ଦିକଙ୍କ ଛୋଟ ଭାଇ ମେରାଜୁଦ୍ଦିନ ସିଦ୍ଦିକଙ୍କ ବିବାହ ଦିଲ୍ଲୀର ଜାଫରାବାଦରେ ହୋଇଥିଲା । ^ୱାଜୁଦ୍ଦିନ ଛୋଟ ଭାଇଙ୍କ ପତ୍ନୀଙ୍କୁ ଯୈାତୁକ ନିର୍ଯାତନା ଓ ମାରପିଟ୍ କରିବାର ପୁଲିସରେ ଅଭିଯୋଗ କରିଛନ୍ତି ନିଜେ ସାନ ଭାଇଙ୍କ ପତ୍ନୀ ଆଫରିନ୍ ।
ପୀଡିତାଙ୍କ ଆରୋପ ଥିଲା ଯେ ବିବାହ ପରେ ଶ୍ୱଶୁର ଘରଲୋକେ ନେଇଥିବା ଯୈାତୁକରେ ସନ୍ତୁଷ୍ଟ ନଥିଲେ । ଅତିରିକ୍ତ ଯୈାତୁକ ପାଇଁ ତାଙ୍କୁ ନାନା ନିର୍ଯାତନା ଦେଉଥିଲେ । ଏପରିକି ଏସପିଙ୍କ ଅଫିସରେ ଆଫରୀନ କହିଥିଲେ ଯେ ତାଙ୍କ ଗର୍ଭରେ ବଢୁଥିବା ପିଲାକୁ ମାରିବା ପାଇଁ ନୱାଜୁଦ୍ଦିନ୍ ପେଟକୁ ପ୍ରହାର କରିଥିଲେ ।