ଡଲଫିନ କରୁଥିଲା ଗୁଇନ୍ଦାଗିରି ! ବମ ଖଞ୍ଜିବା ସହ ସବମେରିନ ଓ ଜାହଜଙ୍କୁ ଧ୍ୱଂସ କରିବାରେ ଥିଲା ମାହିର

35

ଏବେ ଅଧିକାଂଶ ଦେଶ ମଧ୍ୟରେ ଛାୟାଯୁଦ୍ଧ ଲାଗି ରହିଛି । ଆଉ ଏଭଳି ସମୟରେ ଶତ୍ରୁପକ୍ଷର ରଣନୀତି ଜାଣିବା ପାଇଁ ଅଧିକାଂଶ ଦେଶ ଗୁଇନ୍ଦାଗିରି କରୁଛନ୍ତି । ତେବେ କେବଳ ଯେ ମଣିଷ ଗୁଇନ୍ଦାଗିରି କରନ୍ତି ତାହା ନୁହେଁ ବରଂ ଶତ୍ରୁପକ୍ଷର ଟିକନିକି ଖବର ଜାଣିବା ପାଇଁ ପଶୁ ଓ ପକ୍ଷୀ ମାନଙ୍କୁ ମଧ୍ୟ ଗୁଇନ୍ଦାଗିରି କାର୍ଯ୍ୟରେ ନିୟୋଜିତ କରାଯାଇଥାଏ । ପୂର୍ବରୁ ଅନେକ ଉଦାହରଣ ଦେଖିବାକୁ ମିଳିଛି । ଗୁଇନ୍ଦାଗିରି କରୁଥିବା ସମୟରେ ଅଧିକାଂଶ ବ୍ୟକ୍ତି ଦେଶ ସହିତ ବେଇମାନି କରିଥିବାର ନଜିର ରହିଛି । କିନ୍ତୁ ୟୁକ୍ରେନର ଏକ ଡଲଫିନ ଗୁଇନ୍ଦାଗିରି କରୁୁଥିବା ସମୟରେ ଶତ୍ର୍ରୁପକ୍ଷର ହାତରେ ଧରାପଡ଼ିବା ପରେ ପ୍ରାଣତ୍ୟାଗ କରିବା ଅପାଣଙ୍କୁ ଆଶ୍ଚର୍ଯ୍ୟ କରିବ ।

ଏକ ଗଣମାଧ୍ୟମ ରିପୋର୍ଟ ଅନୁଯାୟୀ, ୟୁକ୍ରେନ ସେନା ଏହି ଡ଼ଲଫିନକୁ ନୌସେନାର ମିଶନ ପାଇଁ ସ୍ପେଶାଲ ଟ୍ରେନିଂ ଦିଆଯାଇଥିଲା । ଏହି ଡଲଫିନକୁ ଏଭଳି ଭାବରେ ଟ୍ରେନିଂ ଦିଆଯାଇଥିଲା ଯାହା ଜାଣିଲେ ଆପଣ ଆଶ୍ଚଯ୍ୟ ହେବେ । ଏହି ଡ଼ଲଫିନଟି ଶତ୍ରୁପକ୍ଷର ଗୁଇନ୍ଦାଗିରି କରିବା ସହ ବମ ଖଞ୍ଜିବ. ଜାହାଜ ଓ ସବମେରିନକୁ ଧ୍ୱଂସ କରିବା ଓ ନୌସେନାକୁ ଛୁରୀ କିମ୍ବା ଗୁଳିରେ ଆହତ କରିବା ପାଇଁ ଟ୍ରେନିଂ ପାଇଥିଲା ।

ସୁତ୍ର ଅନୁଯାୟୀ, ୨୦୧୪ ମସିହାରେ କ୍ରିମିଆକୁ ଋଷ ଅଧିକାର କରିବା ପରେ ଡ଼ଲଫିନଟି ଋଷ ସେନା କବଳକୁ ଚାଲିଯାଇଥିଲା । ଆଉ ଏହାପରେ ସମସ୍ତ ଡ଼ଲଫିନ ମରିଯାଇଥିବା ସୂଚନା ଦେଇଥିଲା ୟୁକ୍ରେନର ଏକ ଗଣମାଧ୍ୟମ ସଂସ୍ଥା । ଉକ୍ତ ଗଣମାଧ୍ୟମ ସଂସ୍ଥା ଅନୁଯାୟୀ, ଏହି ଡ଼ଲଫିନ ଗୁଡ଼ିକ ଋଷ ଅଧିକାରୀଙ୍କ କଥା ନ ମାନୁନଥିଲେ, ଋଷ ସୈନିକଙ୍କୁ ଆକ୍ରମଣକାରୀ ଭାବି ସେମାନଙ୍କ ଦ୍ୱାରା ଦିଆଯାଉଥିବା ଖାଦ୍ୟ ଖାଉନଥିଲେ । ଅନେକ ଦିନ ଧରି ଭୋକିଲା ରହିବା ପରେ ଏହି ଡ଼ଲଫିନ ଗୁଡ଼ିକର ମୃତ୍ୟୁ ହୋଇଥିଲା ।

ଏହି ଡ଼ଲଫିନ ଗୁଡ଼ିକୁ ଆୟତ୍ତ କରିବା ପାଇଁ ଟ୍ରେନିଂ ଦେଉଥିବା ଅଧିକାରୀ ଏକ ସ୍ପେଶାଲ ସିଟି ମାରୁଥିଲେ । ଯାହାଦ୍ୱାରା ଡ଼ଲଫିନ ଗୁଡ଼ିକ ଟ୍ରେନରଙ୍କ କଥା ମାନୁଥିଲେ ।ଋଷ ସେନା ଏହି କୌଶଳ ହାସଲ କରି୍ଥିଲେ ମଧ୍ୟ ଡ଼ଲଫିନ ଗୁଡ଼ିକ ଋଷ ସେନା ଅଧିକାରୀଙ୍କ କମାଣ୍ଡ ମାନି ନଥିଲେ । ଡ଼ଲଫିନ ଗୁଡ଼ିକ ମଧ୍ୟ କୁକୁରଙ୍କ ପରି ବ୍ୟବହାର କରିଥାନ୍ତି । କୁକୁର ନିଜ ଟ୍ରେନର କିମ୍ବା ପାର୍ଟନରଙ୍କ ମୃତ୍ୟୁରେ ଯେପରି ଡ଼ିପ୍ରେସନକୁ ଚାଲିଯାଇଥାଏ ଡ଼ଲଫିନ ଗୁଡ଼ିକ ମଧ୍ୟ ସମାନ ଆଚରଣ କରିଥାନ୍ତି । ଏପରିକି ଏଭଳି କ୍ଷେତ୍ରରେ ଅନେକ ସମୟରେ ଡ଼ଲଫିନ ଗୁଡ଼ିକର ମୃତ୍ୟୁ ମଧ୍ୟ ହୋଇଥାଏ ।