ପୁଣି ଧରାପଡିଲା ଚୀନର ଚାଲ : ସାଟେଲାଇଟ୍ ଫଟୋରୁ ଆସିଲା ଡୋକଲାମ ଅଂଚଳରେ ରାସ୍ତା ନିର୍ମାଣର ଚିତ୍ର ।
କନକ ବ୍ୟୁରୋ : ସାଟେଲାଇଟରୁ ଉଠାଯାଇଥିବା ଫଟୋରୁ ଚୀନର ଚାଲ ଧରା ପଡିଛି । ଡୋକଲାମ ଅଂଚଳରେ ପୁଣି ଥରେ ଚୀନ ରାସ୍ତା ନିର୍ମାଣ କରୁଥିବା ସୂଚନା ମିଳିଛି । କେବଳ ଏତିକି ନୁହେଁ ସେଠାରେ ଅନ୍ୟାନ୍ୟ ବ୍ୟବସ୍ଥା ମଧ୍ୟ କରିବାରେ ଲାଗିଛି ଚୀନ । ଡୋକଲାମ କ୍ଷେତ୍ରରେ ଏକ ବଙ୍କା ସଡକ ନିର୍ମାଣ କରି ସେଠାରେ ଥିବା ଭାରତୀୟ କ୍ୟାମ୍ପର ନଜରରୁ ବର୍ତ୍ତିବା ପାଇଁ ଚୀନ ପ୍ରୟାସ କରୁଥିବା ଜଣାପଡିଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ଏହାରି ମଧ୍ୟରେ ଚୀନ୍ ରାଷ୍ଟ୍ରପତି ସି ଜିନପିଙ୍ଗ କହିଛନ୍ତି ଯେ, ତାଙ୍କ ଦେଶରୁ ସେ ୧ଇଂଚ ଜାଗା ମଧ୍ୟ କାହାରିକୁ ନେବାକୁ ଦେବେନାହିଁ । ସିକ୍କିମ-ଭୁଟାନ ଓ ତିବ୍ଦତର ତ୍ରିକୋଣୀୟ କ୍ଷେତ୍ର ଅଂଚଳରେ ଚୀନର ଏହି ନିର୍ମାଣ ଭାରତର ଚିନ୍ତା ବଢାଇଛି । ଡୋକଲାମ ନିକଟରେ ଥିବା ଭାରତୀୟ କ୍ୟାମ୍ପରୁ ପ୍ରାୟ ୪କିଲୋମିଟର ଦୂରରେ ପିପୁଲ୍ସ ଲିବରେସନ ଆର୍ମି ପ୍ରାୟ ଦେଢ କିଲୋମିଟର ଲମ୍ବା ରାସ୍ତା ନିର୍ମାଣ କରୁଛନ୍ତି ।
ଏହି ରାସ୍ତା ନିର୍ମାଣ ଦ୍ୱାରା ଦକ୍ଷିଣ ଡୋକଲାମର ଜାମଫେରି ରିଜରେ ଅତି ସହଜରେ ପହଂଚିପାରିବ ଚୀନ । ଏହା ହେଉଛି ସେହି ସ୍ଥାନ ଯେଉଁଠି ଗତ ଥର ବି ପହଂଚିବାକୁ ବେଶ ପ୍ରୟାସ ଚଳାଇଥିବା ଚୀନ । ଯାହାପରେ ଭାରତ ଓ ଚୀନକୁ ନେଇ ଡୋକଲାମ ବିବାଦ ଆରମ୍ଭ ହୋଇଥିଲା । ଏହା ଭାରତ ପାଇଁ ମଧ୍ୟ ବେଶ ସମ୍ବେଦନଶୀଳ ଅଂଚଳ । କାରଣ ଚୀନ ସେନା ଏଠାରେ ପହଂଚିଗଲେ ଚିକେନ ନେକ କୁହାଯାଉଥିବା ସିଲିଗୁଡି କରିଡର ପାଇଁ ମଧ୍ୟ ବିପଦ ବଢିଯିବ ।