କନକ ବ୍ୟୁରୋ : ମଣିଷକୁ ସର୍ମ୍ପକର ନୂଆ ପରିଭାଷା ଶିଖାଇଛନ୍ତି କୁକୁର ଓ ମାଙ୍କଡ । ଯେତେବେଳେ ବର୍ଷା ପାଣିରେ ଉବୁଟୁବୁ ହେଉଛି ପୂରା କଟକ ସହର ସେତେବେଳେ କୁକୁର ପିଠିରେ ବସି ମାଙ୍କଡ ନିଜ ଗନ୍ତବ୍ୟସ୍ଥଳକୁ ବାହାରିପଡିଛି । ଆଉ କୁକୁର ଓ ମାଙ୍କଡ ମଧ୍ୟରେ ଥିବା ଏଭଳି ଅନାବିଳ ପ୍ରେମକୁ ଦେଖି କଟକବାସୀ ମଧ୍ୟ ତାଜୁବ ।
Kanak News is now on WhatsApp
Join and get latest news updates delivered to you via WhatsApp
ଶନିବାର ଲଗାଣ ବର୍ଷାରେ ପୂରା କଟକ ସହର ପାଣିରେ ଉବୁଟୁବୁ ହେଉଥିବା ବେଳେ ଏକ ଭିନ୍ନ ଦୃଶ୍ୟ ଦେଖିବାକୁ ମିଳିଥିଲା । କଟକର ଗଳିକନ୍ଦିରେ ପାଣି ଲହଡି ଭାଙ୍ଗୁଥିବା ବେଳେ ଲୋକେ ନାହିଁ ନଥିବା ଅସୁବିଧାର ସମ୍ମୁଖୀନ ହୋଇଥିଲେ । କିନ୍ତୁ ଅନ୍ୟପଟରେ କୁକୁର ପିଠିରେ ବସି ମାଙ୍କଡ ପାଣି ପାର ହେଉଥିବାର ବିରଳ ଘଟଣା ଦେଖିବାକୁ ମିଳିଛି । ଯାହା ସ୍ୱାର୍ଥପର ମଣିଷ ସମାଜ ପାଇଁ ଏକ ନିଆରା ଉଦାହରଣ ସୃଷ୍ଟି କରିଛି । ସର୍ମ୍ପକର ମୂଲ୍ୟବୋଧ କଣ ତାହା ମଣିଷକୁ ଶିଖାଇଛନ୍ତି କୁକୁର ଓ ମାଙ୍କଡ । ସାଧାରଣତଃ କୁକୁର ଓ ମାଙ୍କଡ ପରସ୍ପର ବିରୋଧୀ । କିନ୍ତୁ ଯେତେବେଳେ କୁନି ମାଙ୍କଡଟି ବର୍ଷାରେ ଅସୁବିଧାରେ ପଡିଛି ସେତେବଳେ ସାହାଯ୍ୟ କରିବା ପାଇଁ ମଣିଷ ବଦଳରେ କୁକୁର ଚାଲି ଆସିଛି । ଖାଲି ଏତିକି ନୁହେଁ ଅତି ଆଦରରେ ନିଜ ପିଠିରେ ବସାଇ ପାଣି ପାର ମଧ୍ୟ କରାଉଛି । ଆଉ ଦୁଇ ପଶୁଙ୍କ ମଧ୍ୟରେ ଏଭଳି ପ୍ରେମ ସଭ୍ୟ ମଣିଷ ସମାଜ ପାଇଁ ସର୍ମ୍ପକର ନୂଆ ଉଦାହରଣ ସୃଷ୍ଟି କରିଛି ।