କେନ୍ଦୁଝର ଡାକ୍ତରଖାନାରେ ଅନ୍ଧାରୀ ଚିକିତ୍ସା । ବିଜୁଳି ଆଲୁଅ ନଥିବାରୁ ମୋବାଇଲ ଲାଇଟରେ ହେଲା ରୋଗୀଙ୍କ ଅପରେସନ୍ । ସ୍ୱାସ୍ଥ୍ୟବସ୍ଥା ବିଗିଡିବାରୁ ପଠାଇ ଦେଲେ କଟକ
କନକ ବ୍ୟୁରୋ: ପୁଣି ସାମ୍ନାକୁ ଆସିଲା ସ୍ୱାସ୍ଥ୍ୟ ସେବାର ଆଉ ଏକ ବିକଳ ଚିତ୍ର । ବିଜୁଳି ଆଲୁଅ ନଥିବାରୁ ମୋବାଇଲ ଲାଇଟରେ ହେଲା ରୋଗୀଙ୍କ ଅପରେସନ୍ । ଆଉ ଯେତେବେଳେ ରୋଗୀଙ୍କ ଅବସ୍ଥା ସଂକଟାପନ୍ନ ହେବାରେ ଲାଗି ତାକୁ କଟକ ବଡ ମେଡ଼ିକାଲକୁ ସ୍ଥାନାନ୍ତର କରାଯାଇଛି । ଏଭଳି ଏକ ଅଭାବନୀୟ ଘଟଣା ଘଟିଛି କେନ୍ଦୁଝର ଜିଲ୍ଲା ମୁଖ୍ୟ ଡାକ୍ତରଖାନାରେ ।
Kanak News is now on WhatsApp
Join and get latest news updates delivered to you via WhatsApp
କେନ୍ଦୁଝର ବଡବିଲ ଓଏମସି ଗେଷ୍ଟ ହାଉସ୍ ନିକଟରେ ଥିବା ବସ୍ତିରେ ଜଣେ ମହିଳାଙ୍କୁ କିଛି ଦୁର୍ବୃତ୍ତ ମରଣାନ୍ତକ ଆକ୍ରମଣ କରିଥିଲେ । ତାଙ୍କ ବେକକୁ ଧାରୁଆ ଅସ୍ତ୍ରରେ ହାଣି ଦେଇଥିଲେ । ଫଳରେ ମହିଳାଙ୍କୁ ପ୍ରଥମେ ବଡବିଲ ହସ୍ପିଟାଲ ଓ ପରେ ଜିଲ୍ଲା ସଦର ହସ୍ପିଟାଲରେ ଭର୍ତି କରାଯାଇଥିଲା ।
ହେଲେ ସଦର ହସ୍ପିଟାଲରେ ଲାଇନ୍ ନଥିବାରୁ ବାଧ୍ୟ ହୋଇ ଡାକ୍ତରମାନେ ମହିଳାଙ୍କ ଅପରେସନ ମୋବାଇଲ ଲାଇଟରେ କରିଥିଲେ । ପରେ ଅବସ୍ଥା ସଂକଟାପନ୍ନ ହେବାରୁ ତାଙ୍କୁ କଟକ ବଡ ମେଡ଼ିକାଲରୁ ସ୍ଥାନାନ୍ତର କରାଯାଇଛି ।