ମାଲିକ ମୁଁହକୁ ଚାଟିଲା କୁକୁର ! କାଟିବାକୁ ପଡିଲା ହାତ ଆଉ ଗୋଡ ।
କୁକୁର ଗୋଟିଏ ଏପରି ପଶୁ ଯାହାକୁ ଘରେ ରଖିବାକୁ ଲୋକମାନେ ବେଶ ପସନ୍ଦ କରିଥାନ୍ତି । କୁକୁର ବିଶ୍ୱାସ ଯୋଗ୍ୟ ପଶୁ ହେବା ସହିତ ନିଜ ମାଲିକ ଏବଂ ପରିବାରର ସୁରକ୍ଷା କରିବଥାଏ । ପୂର୍ବରୁ ମଧ୍ୟ କୁକୁର ତାର ଜୀବନ ଦେଇ ମାଲିକକୁ ବଞ୍ଚାଇବା କଥା ଅନେକ ଶୁଣିବାକୁ ମିଳିଛି । କିନ୍ତୁ ଓି୍ୱସକନସିନ ନାମକ ଏକ ସ୍ଥାନରେ କୁକୁରକୁ ନେଇ ଏପରି ଏକ ଘଟଣା ଘଟିଛି ଯାହା ଶୁଣିଲେ ଆପଣ ଆଶ୍ଚର୍ଯ୍ୟ ହୋଇଯିବେ । କୁକୁର ଚାଟିବା କାରଣରୁ ଜଣେ ବ୍ୟକ୍ତିଙ୍କର ହାତ ଗୋଡ କାଟିବାକୁ ପଡିଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଓି୍ୱସକନସିନ ନାମକ ଏକ ସ୍ଥାନରେ ବାସ କରୁଥିବା ଗ୍ରେଗ୍ ନାମକ ଜଣେ ବ୍ୟକ୍ତିଙ୍କୁ କୁକୁର ବହୁତ ପସନ୍ଦ । ସେ ଅଧିକାଶଂ ସମୟ କୁକୁରମାନଙ୍କ ସହ ବିତାଇଥାନ୍ତି । କିନ୍ତୁ ଗତ କିଛି ଦିନ ତଳେ ଗ୍ରେଗ୍ଙ୍କ କୁକୁର ତାଙ୍କ ମୁଁହକୁ ଚାଟିଥିଲା । କୁକୁର ଲାଳରେ ଥିବା ବ୍ୟାକ୍ଟେରିଆ ତୁରନ୍ତ ତାଙ୍କ ଶରୀରରେ ପ୍ରବେଶ କରିବା ଫଲରେ ତାଙ୍କ ତାଙ୍କ ହାତ ଏବଂ ଗୋଡରେ ଇନଫେକ୍ସନ ହୋଇଯାଇଥିଲା । ଏବଂ ତାଙ୍କର ହାତ ଓ ଗୋଡ କାଟିବାକୁ ପଡିଥିଲା ।
କୁକୁରଙ୍କ ଲାଳରେ ବ୍ୟାକ୍ଟେରିଆ ଥାନ୍ତି । ଏହି ବ୍ୟାକ୍ଟେରିଆ ମଣିଷ ରକ୍ତରେ ମିଶିଲେ ବହୁତ ବଡ ଇନଫେକ୍ସନ ହୋଇଥାଏ । ଏଥି ସହିତ ମଣିଷ ଶରୀରର ରକ୍ତ ଚାପ ମଧ୍ୟ କମିଯାଇଥାଏ । ରକ୍ତ ଚାପ କମ୍ ହେବା ଫଳରେ ହାତ ଗୋଡ କାମ କରିବା ବନ୍ଦ କରିଦେଇଥାଏ । ଯାହା ଫଳରେ ଇନଫେକ୍ସନ ବଢିଯାଏ ଏବଂ ଗୋଡ ହାତ କାଟିବାକୁ ପଡିଥାଏ । ଠିକ୍ ଏହି ଭଳି କିଛି ଘଟଣା ଗ୍ରେଗଙ୍କ ସହ ଘଟିଥିଲା । କୁକୁର ଲାଳରୁ ଇନଫେକ୍ସନ ହୋଇଯିବା କାରଣରୁ ଗ୍ରେଗଙ୍କ ହାତ ଗୋଡ କାଟିବାକୁ ପଡିଥିଲା ।
ଡାକ୍ତରଙ୍କ କହିବା ଅନୁସାରେ, କୁକୁର ପାଳୁଥିବା ୯୯ ପ୍ରତିଶତ ମାଲିକ ଇନଫେକ୍ସନର ଶିକାର ହୋଇନଥାନ୍ତି । କାରଣ କୁକୁରଙ୍କ ଲାଳରେ ବିଶାକ୍ତ ଜୀବାଣୁ ସହିତ କିଛି ଭଲ ଜୀବାଣୁ ମଧ୍ୟ ଥାନ୍ତି । ଏହି ଜୀବାଣୁ ସମସ୍ତ ଲୋକଙ୍କ ଶରୀର ଉପରେ କୁପ୍ରଭାବ ପକାଇନଥାନ୍ତି । ୧୦୦ ରୁ ୧ ପ୍ରତିଶତ ଲୋକ ଏଭଳି ଇନଫେକ୍ସନର ଶିକାର ହୋଇଥାନ୍ତି ।