କନକ ବ୍ୟୁରୋ : ରାଜଧାନୀ ରେଳଷ୍ଟେସନରୁ ମିଳିଲା ଡାକ୍ତରଙ୍କ ମୃତଦେହ । ଭୁବନେଶ୍ୱର ୧ ନମ୍ବର ପ୍ଲାଟଫର୍ମରୁ ଅବସରପ୍ରାପ୍ତ ଶିଶୁ ବିଶେଷଜ୍ଞ ଡାକ୍ତର ରବୀନ୍ଦ୍ରନାଥ ରଥଙ୍କ ମୃତଦେହ ମିଳିଛି । ଟ୍ରେନ୍ରୁ ଖସି ପଡ଼ି ରବୀନ୍ଦ୍ରଙ୍କ ମୃତ୍ୟୁ ହୋଇଥିବା ପୁଲିସ୍ ଅନୁମାନ କରୁଥିବା ବେଳେ ପରିବାର ଲୋକ ହତ୍ୟାର ଅଭିଯୋଗ ଆଣିଛନ୍ତି । ପରିବାର ପ କ୍ଷରୁ କୁହାଯାଇଛି, ସିସିଟିଭି ଫୁଟେଜରୁ ରବିନ୍ଦ୍ର ଟ୍ରେନରେ ଚଢିବା କିମ୍ବା ଓହ୍ଲାଇବାର କୌଣସି ପ୍ରମାଣ ନାହିଁ । ତେବେ ସିସିଟିଭି ଫୁଟେଜ ଅସ୍ପଷ୍ଟ ରହିଛି । ରବୀନ୍ଦ୍ର ରାଜଧାନୀର ଏକ ଘରୋଇ ହସ୍ପିଟାଲରେ କାମ କରୁଥିଲେ । ଭୁବନେଶ୍ୱର ସାମନ୍ତରାପୁର ଅଂଚଳରେ ରବୀନ୍ଦ୍ରଙ୍କ ପରିବାର ରହୁଥିଲେ । ମୃତଦେହକୁ ଜବତ କରିବା ପରେ କମିଶନରେଟ୍ ପୁଲିସ୍ ଛାନଭିନ୍ ଜାରି ରଖିଛି ।
Kanak News is now on WhatsApp
Join and get latest news updates delivered to you via WhatsApp
ଜିଆରପି ଇନ୍ସପେକ୍ଟର ଭରତ ସାହୁଙ୍କ ଠାରୁ ମିଳିଥିିବା ସୂଚନା ଅନୁଯାୟୀ, ଭୁବନେଶ୍ୱରର ଓଲ୍ଡ ଟାଉନ୍ ଥାନା ଅଞ୍ଚଳରେ ରୁହନ୍ତି ଡାକ୍ତର ରବୀନ୍ଦ୍ର ନାଥ ରଥ । ସେ ଅବସର ପରେ ଭୁବନେଶ୍ୱର ମହାନଗର ନିଗମ(ବିଏମସି) ଡାକ୍ତରଖାନାରେ ଚୁକ୍ତି ଭିତ୍ତିରେ ନିଯୁକ୍ତି ପାଇଥିଲେ । ଆଜି ସକାଳେ ସେ ଭୁବନେଶ୍ୱର ରେଲେଓ୍ଵ ଷ୍ଟେସନର ୧ ନମ୍ବର ପ୍ଲାଟ୍ଫର୍ମରେ ପୁରୀ- ହାଓଡ଼ା ଟ୍ରେନରେ ଚଢ଼ୁଥିବା ବେଳେ ଟ୍ରେନ୍ରୁ ଖସି ପଡ଼ିଥିଲେ। ଗୁରୁତର ଭାବେ ଉଦ୍ଧାର କରାଯାଇ ତାଙ୍କୂ ଡାକ୍ତରଖାନା ନିଆଯାଇଥିଲା । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି ।