ଭୁଲରେ ବି ଏହି ପରିବାକୁ ଫ୍ରିଜରେ ରଖନ୍ତୁ ନାହିଁ ! ସର୍ଭେରୁ ଆସିଲା ଚମକାଇଦେଲା ଭଳି ସତ ।
ରୋଷେଇଶାଳରେ ଫ୍ରିଜ୍ ଖୁବ୍ ମହତ୍ତ୍ୱପୂର୍ଣ୍ଣ ଭୂମିକା ନିଭାଇଥାଏ । ଖାଦ୍ୟକୁ ନଷ୍ଟ ହେବାରୁ ବଞ୍ଚାଉଥିବା ଏହି ଗ୍ୟାଜେଟ୍ ଯେତିକି ଲାଭଦାୟକ ସେତିକି ହାନିକାରକ । ତେବେ ପରିବା ଭିତରେ ଆଳୁ ହେଉଛି ନିତ୍ୟ ବ୍ୟବହାର୍ଯ୍ୟ ପରିବା । ଯାହାକୁ ଫ୍ରିଜରେ ରଖିବା ଦ୍ୱାରା ଏଥିରେ ଥିବା ଷ୍ଟାର୍ଚ ଆଳୁକୁ ମିଠା କରିଦେଇଥାଏ । ତେବେ ଏହି ଚିନି ଭଳି ଲାଗୁଥିବା ଆଳୁ ପରବର୍ତ୍ତୀ ସମୟରେ ଏକ ବିଷାକ୍ତ ରାସାୟନିକ ପଦାର୍ଥ ହୋଇଯାଏ । ଏହି ଆଳୁକୁ ଖାଇବା ଦ୍ୱାରା ଶରୀର ବିଭିନ୍ନ କ୍ୟାନ୍ସରର ଆକ୍ରୋଶରେ ଚାଲି ଆସିଥାଏ ।
Kanak News is now on WhatsApp
Join and get latest news updates delivered to you via WhatsApp
ଫୁଡ୍ ଷ୍ଟାଣ୍ଡାର୍ଡ ଏଜେନ୍ସି ଦ୍ୱାରା କରାଯାଇଥିବା ଏକ ଷ୍ଟଡି ମୁତାବକ,ଫ୍ରିଜରେ ରଖାଯାଇଥିବା ଆଳୁକୁ ଯେତେବେଳେ ରନ୍ଧାଯାଇଥାଏ ସେତେବେଳେ ଆଳୁରେ ଥିବା ଏମିନୋ ଏସିଡ୍ ରେ ଏହି ଚିନି ଭଳି ଦ୍ରବ୍ୟ ମିଶିଯାଇ ଏକ୍ରାଇଲାମାଇଡ୍ ନାମକ ଏକ କେମିକାଲ୍ ଉତ୍ପନ୍ନ କରିଥାଏ । ଆମେରିକାନ୍ କ୍ୟାନ୍ସର ସୋସାଇଟି ମତରେ ଯେଉଁ ଖାଦ୍ୟ ପଦାର୍ଥରେ ଷ୍ଟାର୍ଚ ଭଳି ପଦାର୍ଥ ଦେଖିବାକୁ ମିଳେ ତାହାକୁ ଫ୍ରାଏ କିମ୍ବା ରୋଷ୍ଟ କଲେ ତାହା ଉଚ୍ଚ ତାପମାନ ସଂପର୍କରେ ଆସିଥାଏ । ଏହା ଏକ୍ରାଇଲାମାଇଡ୍ କେମିକାଲ୍ ସଂସ୍ପର୍ଶରେ ଆସିଥାଏ । ଏହି କେମିକାଲ୍ ର ବ୍ୟବହାର ପେପର୍ ତିଆରି କରିବା,ପ୍ଲାଷ୍ଟିକ ପ୍ରସ୍ତୁତ କରିବା ଏବଂ କପଡାକୁ ଡାଇ କରିବାରେ ବ୍ୟବହାର କରାଯାଇଥାଏ । ଏହାକୁ ୨୦୦୨ ମସିହାରେ ପରୀକ୍ଷା କରାଯାଇଥିଲା ଏବଂ ଏହାପରେ ମଧ୍ୟ କେତେକ ପରୀକ୍ଷା କରାଯାଇଛି ଯେଉଁଥିରୁ ଏହି ତଥ୍ୟ ସାମ୍ନାକୁ ଆସିଛି ଯେ ଉଚ୍ଚତାପରେ ଏଭଳି ପରିବାକୁ ଖାଉଥିବା ଲୋକଙ୍କ ମଧ୍ୟରେ ବିଭିନ୍ନ ପ୍ରକାରର କ୍ୟାନ୍ସରର ଲକ୍ଷଣ ଦେଖାଦେଇଛି । ଏହି ସର୍ଭେରୁ ଜଣାପଡୁଛି ଯେ ଆଳୁକୁ ଫ୍ରିଜରେ ନରଖି କୌଣସି ଶୁଖିଲା ସ୍ଥାନରେ ସାମାନ୍ୟ ତାପମାନରେ ରଖିବା ଆବଶ୍ୟକ । ଏକ୍ସପର୍ଟଙ୍କ କହିବାନୁସାର ଆଳୁକୁ ରାନ୍ଧିବା ପୂର୍ବରୁ ଏହାର ଚୋପାକୁ କାଟି ୧୫ ରୁ ୩୦ ମିନିଟ୍ ପର୍ଯ୍ୟନ୍ତ ପାଣିରେ ଭିଜେଇ ରଖିବା ଦରକାର । ଏଭଳି କରିବା ଦ୍ୱାରା ଆଳୁରେ ଏକ୍ରାଇଲାମାଇଡ୍ କେମିକାଲ୍ ପ୍ରସ୍ତୁତ ହେବାର ଆଶଙ୍କା କମ୍ ହୋଇଥାଏ ।