ଶ୍ରୀମନ୍ଦିର ସଂସ୍କାର ଉପରେ ବିଶେଷଜ୍ଞ କମିଟିର ଜନଶୁଣାଣିରେ ଅସନ୍ତୋଷ : ସୁଧାର ସମ୍ପର୍କରେ ଜଣ ଜଣ କରି ନିଆଯାଉଛି ସେବାୟତ ଓ ଲୋକଙ୍କ ମତ
କନକ ବ୍ୟୁରୋ : ଶ୍ରୀମନ୍ଦିର ସଂସ୍କାର ଉପରେ ବିଶେଷଜ୍ଞ କମିଟିର ଜନଶୁଣାଣି ବେଳେ ଅସନ୍ତୋଷ ସୃଷ୍ଟି ହୋଇଛି । ସୁପ୍ରିମକୋର୍ଟଙ୍କ ନିର୍ଦ୍ଦେଶକ୍ରମେ ରାଜ୍ୟ ସରକାରଙ୍କ ଦ୍ୱାରା ଗଠିତ ୩ ଜଣିଆ ବିଶେଷଜ୍ଞ କମିଟି ଶୁଣାଣି କରୁଛନ୍ତି । କିନ୍ତୁ ବନ୍ଦ କୋଠରୀରେ ଜଣକ ପରେ ଜଣକୁ ଡାକି ଆଲୋଚନା କରାଯାଉଥିବା ବେଳେ ଏହାକୁ ନେଇ ଅସନ୍ତୋଷ ଦେଖାଦେଇଛି । ଜନଶୁଣାଣି କରାଯାଉଥିବା ବେଳେ ବିଶେଷଜ୍ଞ କମିଟି ବ୍ୟକ୍ତିଗତ ଭାବେ ଜଣକ ପରେ ଜଣକୁ ଡାକି କାହିଁକି ଆଲେଚନା କରୁଛନ୍ତି ବୋଲି ଲୋକେ ଓ ସେବାୟତ ପାଟିତୁଣ୍ଡ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଶ୍ରୀମନ୍ଦିର ପରିଚାଳନାରେ ସୁଧାର ଆଣିବା ଲାଗି ଶ୍ରୀମନ୍ଦିର ଅଫିସ ପରିସରରେ ସୁପ୍ରିମକୋର୍ଟଙ୍କ ନିର୍ଦ୍ଦେଶକ୍ରମେ ରାଜ୍ୟ ସରକାରଙ୍କ ଦ୍ୱାରା ଗଠିତ ୩ ଜଣିଆ ବିଶେଷଜ୍ଞ କମିଟି ଶୁଣାଣୀ କରୁଛନ୍ତି । ଉଭୟ ସେବାୟତ ଓ ସର୍ବସାଧାରଣଙ୍କ ମତାମତ ଉପରେ ପ୍ରଥମ ଥର ଲାଗି ଏଭଳି ଜନଶୁଣାଣିର ଆୟୋଜନ କରାଯାଇଛି । ଶ୍ରୀମନ୍ଦିରରେ ବଂଶାନୁକ୍ରମିକ ସେବା ବନ୍ଦ, ରୋଷ ଘରକୁ ଶ୍ରୀମନ୍ଦିର ପ୍ରଶାସନ ନିଜ କର୍ତୃତ୍ୱକୁ ଆଣିବା, ଶୃଙ୍ଖଳିତ ଦର୍ଶନ ବ୍ୟବସ୍ଥା ଭଳି ୧୨ ଆଦେଶକୁ କାର୍ଯ୍ୟକାରୀ କରିବା ପାଇଁ ସୁପ୍ରିମକୋର୍ଟ ନିର୍ଦ୍ଦେଶ ଦେଇଥିଲେ । ଏହାକୁ ନେଇ ଶ୍ରୀମନ୍ଦିର ପ୍ରଶାସନ ଓ ସେବାୟତଙ୍କ ମଧ୍ୟରେ ବାଦବିବାଦ ଲାଗିରହିଥିବା ବେଳେ ଆଜି ଜନଶୁଣାଣି କରାଯାଉଛି ।