ତ୍ରିରଙ୍ଗାକୁ ଅପମାନ କରିଥିବା ବ୍ୟକ୍ତିଙ୍କ ବିରୋଧରେ ହେଉ କାର୍ଯ୍ୟାନୁଷ୍ଠାନ : ସୋସିଆଲ ମିଡିଆରେ ଭାଇରାଲ ଫଟୋକୁ ନେଇ ଉଠିଲା ଦାବି ।
ଯେଉଁ ପତାକାକୁ ଦେଶରେ ଉଡାଇବା ପାଇଁ ୨ଶହ ବର୍ଷ ଭାରତରେ ରାଜୁତି କରିଥିବା ଇଂରେଜ ସହିତ ରକ୍ତ ଦେଇ ମୃତ୍ୟୁବରଣ କରିଛନ୍ତି ବୀର ପୁରୁଷ ଏବଂ ଭାରତବାସୀ । ସେହି ପତାକାର ଅପମାନ ଓଡିଶା ମାଟିରେ ହୋଇଥିବା ଅଭିଯୋଗ ହୋଇଛି । ଭାରତୀୟ ହେବାର ସଂକେତ ଦର୍ଶାଉଥିବା ବା ବିଶ୍ୱରେ ଭାରତକୁ ପରିଚିତ କରୁଥିବା ତ୍ରିରଙ୍ଗା ପତାକା ଉପରେ ଓଡିଶାର ଜଣେ ବ୍ୟକ୍ତି ନିଜ ଚପଲ ହଳକ ରଖିଥିବା ଫଟୋ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଏଭଳି ଅପରାଧ କରିଥିବା ବ୍ୟକ୍ତି ଜଣକ ବିରୋଧରେ ଭଦ୍ରକ ଜିଲ୍ଲାର ସରୋଜ କୁମାର ପାଲ ରାଜ୍ୟ ସରକାରଙ୍କୁ ଇ-ଅଭିଯୋଗ ଜରିଆରେ ଅବଗତ କରାଇଛନ୍ତି । ଏବଂ ଅନୁରୋଧ କରିଛନ୍ତି ଯେ, ଏହା ଦେଶର ସବୁଠାରୁ ବଡ ଅପରାଧିକ ଘଟଣା ଯେ, ଜଣେ ବ୍ୟକ୍ତି ଭାରତର ଗାରିମା ଓ ପରିଚୟ ବଖାଣୁଥିବା ଜାତୀୟ ପତାକା ଉପରେ ଜୋତା ରଖିବା ଫଟୋକୁ ସୋସିଆଲ ମିଡିଆରେ ଭାଇରାଲ କରାଯାଉଛି । ଏବଂ ସେହି ଭାଇରାଲ ଫଟୋରେ ଥିବା ସମ୍ପୃକ୍ତ ବ୍ୟକ୍ତି କିଏ ଏବଂ କାହିଁକି ଏଭଳି କରୁଛି ତାଙ୍କ ବିରୋଧରେ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରନ୍ତୁ । ଯାହାଫଳରେ ଆଗାମୀ ଦିନରେ କେହି ଏଭଳି କରିବାକୁ ସାହାସ ମଧ୍ୟ ନକରିବେ ବୋଲି ଭଦ୍ରବ୍ୟକ୍ତି ଜଣକ ଚିଠି ଜରିଆରେ ରାଜ୍ୟ ସରକାରଙ୍କୁ ଜଣାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଅଭିଯୋଗ ଅନୁସାରେ ଜଣେ ବ୍ୟକ୍ତି ଜାତୀୟ ପତାକା ଉପରେ ନିଜ ଚପଲ ହଳକ ରଖି ଫେସବୁକରେ ଫଟୋ ପୋଷ୍ଟ କରିଛନ୍ତି । ଯାହାକି ଗତ ୨ମାସ ହେବ ରାଜ୍ୟରେ ଭାଇରାଲ ହେବାରେ ଲାଗିଛି । ଯାହାକୁ ନେଇ ଗତ ଜୁନ ୧୨ ତାରିଖ ଦିନ ରାଜ୍ୟ ସରକାରଙ୍କ ପୂର୍ତ୍ତ ବିଭାଗକୁ ଚିଠି ଲେଖିଥିଲେ ଭଦ୍ରକ ଜିଲ୍ଲାର ସରୋଜ ପାଲ । । ତେବେ ପୂର୍ତ୍ତ ବିଭାଗକୁ ହସ୍ତଗତ ହୋଇଥିବା ଏହି ଇ-ଅଭିଯୋଗ ତାଙ୍କ ବିଭାଗ ଅଧିନରେ ନଥିବାରୁ ସେହି ଚିଠିକୁ ସାଧାରଣ ପ୍ରଶାସନ ବିଭାଗକୁ ପଠାଇଛନ୍ତି ପୂର୍ତ୍ତ ବିଭାଗ । ତେବେ ଏହି ଫଟୋକୁ କିଏ ଭାଇରାଲ କରୁଛି ଏବଂ ଉକ୍ତ ଫଟୋରେଥିବା ଭାଇରାଲ ବ୍ୟକ୍ତିଙ୍କ ସମ୍ପୂର୍ଣ୍ଣ ପରିଚୟ ଓ ଠିକଣାକୁ ନେଇ କାହିଁକି କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ ନାହିଁ ବୋଲି ସରୋଜ ପାଲ ପ୍ରଶ୍ନ କରିଛନ୍ତି । ଏନେଇ ରାଜ୍ୟ ସରକାରଙ୍କ ତୁରନ୍ତ ଦୋଷୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ନେବା ପାଇଁ ଅନୁରୋଧ କରିଛନ୍ତି ସରୋଜ ପାଲ ।
ଯେତେବେଳେ ଜାତୀୟ ସଂଗୀତ ଗାନ ହୁଏ ସେତେବେଳେ ଜାତୀୟ ପତାକା ଅକାଶରେ ଉଡୁଥିବା ମୂହୁର୍ତ୍ତ ପ୍ରତ୍ୟେକ ଭାରତୀୟଙ୍କୁ ଅବର୍ଣ୍ଣନୀୟ ଖୁସି ପ୍ରଦାନ କରିଥାଏ । କେବେ ଇଂରେଜ ମାନଙ୍କ ସାମ୍ନାରେ ଜାତୀୟ ପତାକାକୁ ଅପମାନିତ କରିବାକୁ ଦେଇନଥିବା ଭାରତବାସୀଙ୍କୁ ଏବେ ନିଜ ଦେଶରେ ଜାତୀୟ ପତାକାକୁ ଅପମାନିତ ହେବାକୁ ଦେଖିବାକୁ ମଳିଛି । ତାହା ପୁଣି ଯେଉଁ ସ୍ଥାନରୁ ଜାତୀୟ ପତାକାର ଟେକ ରଖିବାକୁ ଇଂରେଜ ବିରୋଧରେ ପ୍ରଥମ ବିଦ୍ରୋହ ଆରମ୍ଭ ହୋଇଥିଲା ସେହି ଓଡିଶା ମାଟିକୁ ବଦନାମ କରିବା ପାଇଁ ଏଭଳି କରାଯାଉଥିବା ମଧ୍ୟ ଅଭିଯୋଗ ହେଉଛି ।