କନକ ବ୍ୟୁରୋ : ପୁଣି ବିଜେଡିରେ ଅର୍ନ୍ତଦ୍ୱନ୍ଦକୁ ଇସାରା କରି ଗୁରୁତ୍ୱପୂର୍ଣ୍ଣ ଟୁଇଟ୍ କରିଛନ୍ତି ବିଜେଡି ସାଂସଦ ବୈଜୟନ୍ତ ପଣ୍ଡା । ବିଜେଡି ଆତ୍ମସମୀକ୍ଷା କରୁ ବୋଲି ଖବର କାଗଜରେ ଆର୍ଟିକିଲ୍ ଲେଖି ବିବାଦ ଘେରକୁ ଆସିଥିଲେ ଏହି ବିଜେଡି ସାଂସଦ । ଆଜି ଟୁଇଟ୍ କରି ବୈଜୟନ୍ତ କହିଛନ୍ତିି ବିଜେଡିରେ ଏବେ ଚାରିଆଡେ ଅସନ୍ତୋଷ ଦେଖାଦେଇଛି । ଟୁଇଟରେ ସେ ଲେଖିଛନ୍ତି ଦଳରୁ କାଲି ଜଣେ ଯାଇଥିଲେ ଏବଂ ଆଜି ଜଣେ ଗଲେ ।
Kanak News is now on WhatsApp
Join and get latest news updates delivered to you via WhatsApp
ଅର୍ଥାତ ଗତକାଲି ଯାଜପୁର ବଡଚଣାର ଅମର ନାୟକ ବିଜେପିରେ ଯୋଗ ଦେବା ଏବଂ ଆଜି ବରିଷ୍ଠ ନେତା ଜୟରାମ ପାଙ୍ଗୀ ବିଜେପିରେ ଯୋଗ ଦେବାକୁ ଇସାରା କରିଛନ୍ତି ବିଜେଡିର ଏହି ବରିଷ୍ଠ ସାଂସଦ । ବୈଜୟନ୍ତ ଆହୁରି ମଧ୍ୟ ଲେଖିଛନ୍ତି ଯେ ଗତ ସପ୍ତାହରେ ସେ ନେଇ ସତର୍କ କରାଇଥିଲେ କିନ୍ତୁ ଦଳର ନେତାମାନେ ଏହାର ପ୍ରତିବାଦ କଲେ । ମନ୍ତ୍ରୀମଣ୍ଡଳରେ ୧୮ଟି ଜିଲ୍ଲା ମନ୍ତ୍ରୀ ଶୂନ୍ୟ ରହିବା ନେଇ ପରୋକ୍ଷରେ କ୍ଷୋଭ ପ୍ରକାଶ କରିଛନ୍ତି ବୈଜୟନ୍ତ ।
କହିଛନ୍ତି ଜନସଂଖ୍ୟାର ଏକ ବଡ ଭାଗକୁ ପ୍ରତିନିଧିତ୍ୱ ମିଳିଲା ନାହିଁ । ତେଣୁ ଚାରିଆଡେ ଏବେ ଅସନ୍ତୋଷ ଦେଖାଦେଇକ୍ତି । ମନ୍ତ୍ରୀମଣ୍ଡଳ ଅଦଳବଦଳ ପରେ ବିଭିନ୍ନ ସ୍ଥାନରେ ବିଜେଡି ନେତା ଅସନ୍ତୋଷ ପ୍ରକାଶ କରୁଥିବାବେଳେ ବୈଜୟନ୍ତଙ୍କ ଏହି ଟୁଇଟ୍ ଦଳ ପାଇଁ ଅଡୁଆ ଆହୁରି ବଢ଼ାଇ ଦେଇପାରେ । କିଛି ଦିନ ପୂର୍ବରୁ ବିଜେଡି ସାଂସଦ ତଥାଗତ ଶତପଥୀ ଏକ ଟୁଇଟ୍ କରି ପରୋକ୍ଷରେ ବୈଜୟନ୍ତଙ୍କୁ ଇସାରା କରି କହିଥିଲେ ବିଜେଡିର ଏହି ବରିଷ୍ଠ ନେତା ଦଳକୁ ଭାଙ୍ଗିବା ପାଇଁ ଚେଷ୍ଟା କରୁଛନ୍ତି । ଏବଂ ବିଜେପି ସହ ମିଶି ଏହି ଷଡଯନ୍ତ୍ର କରାଯାଉଛି ବୋଲି ସେ ଅଭିଯୋଗ କରିଥିଲେ ।