କେଉଁ ବ୍ୟାରେଜରୁ କେତେ ପାଣି ଛାଡୁଛ ଜଣାଇବାକୁ ଦାବି କଲା ଓଡ଼ିଶା ! ମହାନଦୀ ଜଳ ବିବାଦ ପରେ ଆଜି ପ୍ରଥମ ଥର ଓଡ଼ିଶା-ଛତିଶଗଡ ମୁଖ୍ୟଯନ୍ତ୍ରୀଙ୍କ ମଧ୍ୟରେ ବୈଠକ ।
କନକ ବ୍ୟୁରୋ : ମହାନଦୀ ଜଳ ବିବାଦ ପ୍ରସଙ୍ଗରେ ଓଡିଶା ଓ ଛତିଶଗଡ ମଧ୍ୟରେ ଆଲୋଚନା ହୋଇଛି । ସମ୍ବଲପୁର ବୁର୍ଲାଠାରେ ଉଭୟ ପକ୍ଷର ମୁଖ୍ୟ ଯନ୍ତ୍ରୀ ଉପସ୍ଥିତ ରହି ଏନେଇ ଆଲୋଚନା କରିଛନ୍ତି । ମହାନଦୀ ଅବବାହିକାରେ ଅବସ୍ଥିତ ବନ୍ଧଗୁଡିକର ଅବସ୍ଥା ନେଇ ବିଷଦ ଭାବେ ଆଲୋଚନା ହୋଇଛି । ଜଳଭଣ୍ଡାର ଗୁଡିକର ରକ୍ଷଣାବେକ୍ଷଣ ଓ ସୁପରିଚାଳନାକୁ ଗୁରୁତ୍ୱ ଦିଆଯାଇଛି । କେଉଁ ବ୍ୟାରେଜରୁ କେତେ ପାଣି ଛଡାଯାଉଛି ତାହା ଜଣାଇବାକୁ ଛତିଶଗଡକୁ ଦାବି କରିଛି ଓଡିଶା । ତେବେ ମହାନଦୀ ଜଳବିବାଦ ପରେ ଆଜି ପ୍ରଥମ ଥର ଓଡିଶା ଏବଂ ଛତିଶଗଡ ମୁଖ୍ୟଯନ୍ତ୍ରୀଙ୍କ ମଧ୍ୟରେ ବୈଠକ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ସେପଟେ ହୀରାକୁଦ ବନ୍ଧର ଉପରମୁଣ୍ଡରେ ଛତିଶଗଡ ରାଜ୍ୟରେ ଥିବା ସମସ୍ତ ଜଳଭଣ୍ଡାର ଗୁଡିକରୁ ନିଷ୍କାସିତ ହେଉଥିବା ଜଳର ପରିମାଣ ଓ ଏହା ସମୟ ହୀରାକୁଦ ବନ୍ଧ ଅଧିକାରୀଙ୍କୁ ଜଣାଇବା ପାଇଁ ଏହି ବୈଠକରେ ପ୍ରାଧାନ୍ୟ ଦିଆଯାଇଛି । ସେପଟେ କଲମା ବ୍ୟାରେଜରେ ଜଳ ନିଷ୍କାସନ ନେଇ ଗଣମାଧ୍ୟମ ପ୍ରତିନିଧିଙ୍କ ପ୍ରଶ୍ନକୁ ଏଡାଇ ଯାଇଥିଲେ ଛତିଶଗଡ ଜଳସଂପଦ ବିଭାଗ ମୁଖ୍ୟ ଯନ୍ତ୍ରୀ । ତେବେ ଏହା ପ୍ରାଥମିକ ବୈଠକ ହୋଇଥିବା ବେଳେ ପରବର୍ତ୍ତୀ ବୈଠକ ଛତିଶଗଡରେ ହେବ ବୋଲି ଜଣାପଡିଛି ।