ଯୁବତୀଙ୍କ ମହାନତା ! ନିଜ କ୍ୟାରିୟରକୁ ପଛ କରି ଦୁର୍ଗମ ଅଂଚଳର ପିଲାଙ୍କୁ ଦେଖେଇଲେ ଶିକ୍ଷାର ଆଲୋକ , ପାଲଟିଲେ ଅନେକଙ୍କ ଆଦର୍ଶ
ସମାଜରେ ଏମିତି କିଛି ମଣିଷ ଥାନ୍ତି ଯେଉଁମାନେ କିଛି ଭିନ୍ନ କରିବାକୁ ଚେଷ୍ଟା କରିଥାନ୍ତି । ନିଜର କ୍ୟାରିୟରକୁ ପଛ କରି ସେମାନେ ସମାଜର ମଙ୍ଗଳ ପାଇଁ ମନପ୍ରାଣ ଢାଳିଦେଇଥାନ୍ତି । ଆଉ ସମାଜରେ ଏକ ସ୍ୱତନ୍ତ୍ର ପରିଚୟ ସୃଷ୍ଟି କରନ୍ତି । 
ଏମିତି ଜଣେ ହେଲେ ୨୨ ବର୍ଷୀୟା ଦିପଶିଖା ଛେତ୍ରୀ । ଦିଲ୍ଲୀର ଜଣେ ନ୍ୟୁଟ୍ରିସନିଷ୍ଟ ଥିଲେ ସେ । ନିଜକୁ ଏହି କ୍ଷେତ୍ରରେ ପ୍ରତିଷ୍ଠିତ କରିବାକୁ ତାଙ୍କ ପାଖରେ ଅନେକ ସୁଯୋଗ । କିନ୍ତୁ ତାଙ୍କର ଲକ୍ଷ୍ୟ ଥିଲା କିଛି ଭିନ୍ନ । କୌଣସି ଉଚ୍ଚ ବେତନର ଚାକିରି ଅପେକ୍ଷା ସେ ଦେଶର ଦୁର୍ଗମ ଅଂଚଳର ପିଲାମାନଙ୍କର ଉନ୍ନତି ଚାହିଁଥିଲେ । ସେଥିପାଇଁ ଚାକିରି ଛାଡି ସେ ରାଜସ୍ଥାନର ଏକ ଦୁର୍ଗମ ଗାଁ ଭୁଲ୍ଲାକୁ ଚାଲିଆସିଥିଲେ । ସେଠାକାର ପିଲାମାନଙ୍କର ଶିକ୍ଷାର ଉନ୍ନତି ପାଇଁ କାର୍ଯ୍ୟ କରିଥିଲେ । ଫଳରେ ସେହି ପିଲାମାନଙ୍କର ଜୀବନରେ କିଛି ଉନ୍ନତି ହୋଇଥିଲା । ଦିପଶିଖାଙ୍କୁ ମିଳିଥିଲା ତାଙ୍କର ପରିଶ୍ରମର ଫଳା ଆଉ ଏଥିରେ ସେ ହୋଇଥିଲେ ସନ୍ତୁଷ୍ଟ ।
Kanak News is now on WhatsApp
Join and get latest news updates delivered to you via WhatsApp
ଭୁଲ୍ଲା ଗାଁର ରାଜକୀୟ ମାଧ୍ୟମିକ ବିଦ୍ୟାଳୟ ଦିପଶିଖାଙ୍କ ନଜର ପଡିବା ଆଗରୁ ଏହି ସ୍କୁଲର ଅବସ୍ଥା ଥିଲା ଅତ୍ୟନ୍ତ ଶୋଚନୀୟ । ଏହି ସ୍କୁଲକୁ ପ୍ରତିଦିନ ପ୍ରାୟ ୫-୬ କିଲୋମିଟର ଦୂରରୁ ଚାଲି ଚାଲି ଆସୁଥିଲେ ପିଲାମାନେ । ଆଉ ଏଥିରେ ଯାହା ସେମାନଙ୍କ ପକ୍ଷେ କଷ୍ଟକର ଥିିଲା , ତାହା ଥିଲା ଅନୁପଯୁକ୍ତ ସ୍କୁଲ୍ ବ୍ୟାଗରେ ବହି ଭର୍ତ୍ତି କରି ଆଣିବା ତା ସାଙ୍ଗକୁ ପ୍ରଥମରୁ ଦଶମ ଶ୍ରେଣୀ ପର୍ଯ୍ୟନ୍ତ ପିଲାମାନଙ୍କ ପାଇଁ ଥିଲା ଗୋଟିଏ ଶ୍ରେଣୀ ଗୃହ । ବର୍ଷାଦିନେ ଏହାର ଅବସ୍ଥା ଆହୁରି ଶୋଚନୀୟ ହୋଇପଡୁଥିଲା । କାହିଁକିନା ସ୍କୁଲ ଛାତରୁ ବର୍ଷା ପାଣି ପଡୁଥିଲା । ପିଲାମାନଙ୍କ ବସିବା ପାଇଁ ନଥିଲା ଟେବୁଲ୍ କି ଚେୟାର । ଏସବୁ ଦେଖିବା ପରେ ନିଜକୁ ରୋକି ପାରିନଥିଲେ ଦିପଶିଖା । ଦ୍ୱିତୀୟବାର ଚିନ୍ତା ନକରି ସେ ଆରମ୍ଭ କରିଦେଇଥିଲେ ପ୍ରୟାସ ।
ଏଥିରେ ତାଙ୍କୁ ପୂର୍ଣ୍ଣ ସହଯୋଗ କରିଥିଲେ ତାଙ୍କ ବାପା । ଅବସରପ୍ରାପ୍ତ ଆର୍ମି ଅଫିସର ଥିବା ତାଙ୍କ ବାପା ମଧ୍ୟ ସମାଜ ମଙ୍ଗଳ ଦିଗରେ ବିଭିନ୍ନ କାର୍ଯ୍ୟ କରୁଥିଲେ । ବାପାଙ୍କ ଠାରୁ ହିଁ ପ୍ରୋତ୍ସାହନ ପାଇଥିଲେ ଦିପଶିଖା । ସ୍କୁଲର ଦୂରାବସ୍ଥା ଦେଖିବା ପରେ ତାଙ୍କର ପ୍ରଥମ କାର୍ଯ୍ୟ ଥିଲା ସ୍କୁଲର ଶିକ୍ଷକ ଓ ଶିକ୍ଷୟିତ୍ରୀମାନଙ୍କ ସହ ଆଲୋଚନା କରିବା । ସେମାନଙ୍କ ସହ ଆଲୋଚନାରୁ ଜଣାପାରିଥିଲେ କି ପୁରା ସିରୋହୀ ଜିଲ୍ଲାରେ ଏହି ସ୍କୁଲ ଶିକ୍ଷାହାରରେ ପୁରା ପଛରେ ପଡିଯାଇଛି । ଏହା ତାଙ୍କୁ ଆହୁରି ବ୍ୟଥିତ କରିଥିଲା ଏବଂ ସେ ଏହାକୁ ଦୂର କରିବା ପାଇଂ ଲାଗିପଡିଥିଲେ । ଏହାପରେ ତାଙ୍କର ଦ୍ୱିତୀୟ କାର୍ଯୟ ଥିଲା ସ୍କୁଲ୍ ପିଲାମାନଙ୍କ ସହ ସମୟ ବିତେଇବା । ପ୍ରାୟ ଏଳମାସ କ୍ଲାସରୁମରେ ପିଲାମାନଙଯକ ସହ ରହିବାରୁ ସେ ଜାଣପାରିଥିଲେ ପିଲାମାନଙ୍କ ମନରେ ନୂତନ ଧାରାରେ ଶିକ୍ଷା ଗ୍ରହଣ କରିବାର ପ୍ରବଳ ଆଗ୍ରହ ରହିଛି । କିନ୍ତୁ ଆର୍ଥିକ ଅଭାବ କାରଣରୁ ସେମାନଙ୍କୁ ସେହି ସୁବିଧା ସୁଯୋଗ ମିଳିପାରୁନାହିଁ ।
ସମସ୍ତ ଅନୁସନ୍ଧାନ ଶେଷ ହେବା ପରେ ଆରମ୍ଭ ହୋଇଥିଲା ଦିପଶିଖାଙ୍କ କାର୍ଯ୍ୟଧାରା । ପ୍ରଥମେ ସେ ପିଲାମାନଙ୍କୁ ଦେଇଥିଲେ ଏକ ଡେସ୍କକିଟ୍ । ସ୍କୁଲ୍ ବ୍ୟାଗ ସହ ଏଥିରେ ରହିଥିଲା ପଢିବା ପାଇଁ ଡେସ୍କ । ଏହି ସୁବିଧା ପିଲାମାନଙ୍କ ପଢା ପ୍ରତି ଆଗ୍ରହ ବଢାଇବା ସହ କ୍ଲାସରୁମରେ ସୁରୁଖୁରୁରେ ବସି ପଢିବାର ସୁଯୋଗ ଦେଇଥିଲା । ସଂପୂର୍ଣ୍ଣ ସ୍କୁଲର ରୂପରେଖ ବଦଳାଇବା ପାଇଁ ଦିପଶିଖା ଆରମ୍ଭ କରିଥିଲେ ଅନଲାଇନ୍ କ୍ୟାମ୍ପେନ ‘ବ୍ରିଙ୍ଗିଙ୍ଗ ହୋପ୍ ଟୁ ଏଜୁକେସନ୍’ । ଏହି କ୍ୟାମ୍ପେନ୍ ମାଧ୍ୟମରେ ମିଳିଥିବା ସାହାଯ୍ୟକୁ ସଂପୂର୍ଣ୍ଣ ଭାବେ ସ୍କୁଲର ଉନ୍ନତିରେ ବିନିଯୋଗ କରିଛନ୍ତି ଦିପଶିଖା । ସାଧାରଣ ସ୍କୁଲମାନଙ୍କ ପରି ଏହି ସ୍କୁଲରେ ମଧ୍ୟ ପିଲାମାନେ ସମସ୍ତ ସୁବିଧା ପାଉଛନ୍ତି । କେବଳ ସ୍କୁଲର ଉନ୍ନତି ଦିଗରେ ନୁହେଁ ,ଗାଁରେ ସୁସ୍ଥ ପରିବେଶ ସୃଷ୍ଟି କରିବା ଦିଗରେ ମଧ୍ୟ ସେ ନେଇଛନ୍ତି ଅନେକ ପଦକ୍ଷେପ । ସ୍ୱାସ୍ଥ୍ୟ ସମ୍ବନ୍ଧିତ ବିଭିନ୍ନ ବିଷୟ ଉପରେ ଲୋକମାନଙ୍କୁ ସଚେତନ କରାଇଛନ୍ତି ସେ । ସେଥିପାଇଁ ଗ୍ରାମବାସୀଙ୍କ ଖୁବ୍ ପ୍ରିୟ ହୋଇଯାଇଛନ୍ତି ସେ ନିଜ ଖୁସିକୁ ଛାଡି ସେ ଲୋକମାନଙ୍କର ଉନ୍ନତିରେ ଲାଗିଥିବାରୁ ପାଇଛନ୍ତି ଅନେକ ପ୍ରଶଂସା । ଆଜି ଦିପଶିଖାଙ୍କ ଯୋଗୁଁ ଦୁର୍ଗମ ଅଂଚଳର ଏହିମାନେ ପାଇଛନ୍ତି ନୂଆ ଜୀବନ । ସାଜିଛନ୍ତି ଶିକ୍ଷାର ଆଲୋକବର୍ତ୍ତିକା । ଆଉ ଏହାର ସବୁ ଶ୍ରେୟ କେବଳ ଦୀପଶିଖା ।