ଦିଲ୍ଲୀପ ରାୟଙ୍କ ପୁଅ ଇଙ୍ଗିତ,କ’ଣ ବୁଝାପଡୁଛି, ଘର ବାହୁଡ଼ାର ବେଳ ଆସିଛି କି, କେବେ ସାମିଲ ହେବେ ।
ଚଳିତ ମାସ ଶେଷ ସୁଦ୍ଧା ନିଷ୍ପତି ନେବେ ବିଜେପିର ବରିଷ୍ଠ ନେତା ତଥା ରାଉରକେଲା ବିଧାୟକ ଦିଲ୍ଲୀପ ରାୟ ।
କନକ ବ୍ୟୁରୋ: ରାଉରକେଲା ବିଧାୟକ ଦିଲ୍ଲୀପ ରାୟ, ବିଧାୟକ ପଦ ଏବଂ ଦଳରୁ ଇସ୍ତଫା ଦେବା ନେଇ ସଙ୍କେତ ଦେବା ପରେ ସରଗରମ ହୋଇଛି ରାଜ୍ୟ ରାଜନୀତି । ତେବେ ଦିଲ୍ଲୀପ ଯଦି ବିଜେପି ଛାଡ଼ନ୍ତି ତେବେ କେଉଁ ଦଳରେ ମିଶିବେ ତାକୁ ନେଇ ଏବେ ରାଜ୍ୟ ରାଜନୀତିରେ ହଟଚମଟ ସୃଷ୍ଟି ହୋଇଛି । ଏହାରି ମଧ୍ୟରେ ଦିଲ୍ଲୀପଙ୍କ ପୁଅ ଜୟନ୍ତ ରାୟଙ୍କ ଫେସବୁକ୍ ପୋଷ୍ଟ କିଛି ମାତ୍ରାରେ ସ୍ପଷ୍ଟ କରିଛି ଯେ ଦିଲ୍ଲୀପଙ୍କ ଗତି କେଉଁ ଦଳଆଡ଼େ ବୋଲି ।
Kanak News is now on WhatsApp
Join and get latest news updates delivered to you via WhatsApp
ଦିଲ୍ଲୀପ ରାୟଙ୍କ ପୁଅ ଜୟନ୍ତ ରାୟ ତାଙ୍କ ନିଜ ଫେସବୁକ ପେଜରେ ବିଜେଡ଼ିର ଦଳୀୟ ଶଙ୍ଖ ଚିହ୍ନକୁ କିଛି ସମୟ ତଳେ ପୋଷ୍ଟ କରିଥିବା ଦେଖିବାକୁ ମିଳିଛି । ବାପା ଦିଲ୍ଲୀପ ରାୟଙ୍କ କହିବା ମୁତାବକ ରାଉରକେଲାବାସୀଙ୍କ ଦୀର୍ଘଦିନର ଦାବି ପୂରଣ ନହେବାରୁ ଦିଲ୍ଲୀପ ରାୟ ଚଳିତ ମାସ ଶେଷ ସୁଦ୍ଧା ବିଧାୟକ ପଦରୁ ଇସ୍ତଫା ଦେବା ପରୋକ୍ଷରେ ଇଙ୍ଗିତ କରିଥିଲେ । ଏପରିକି ଦିଲ୍ଲୀପ ରାୟ ବିଜେପିରୁ ଇସ୍ତଫା ଦେବା ନେଇ ଚର୍ଚ୍ଚା ଜୋର ଧରିଥିବାବେଳେ ଦିଲ୍ଲୀପଙ୍କ ପୁଅ ଜୟନ୍ତ ରାୟଙ୍କ ଫେସବୁକ ପୋଷ୍ଟ ଦିଲ୍ଲୀପଙ୍କ ଘର ବାହୁଡ଼ାକୁ ଏକ ପ୍ରକାର ସ୍ପଷ୍ଟ କରିଥିବା ଚର୍ଚ୍ଚା ଜୋର ଧରିଛି ।
ତେବେ ଦିଲ୍ଲୀପଙ୍କ ପୁଅ ଜୟନ୍ତଙ୍କ ପୋଷ୍ଟ ବିଜେପି ଶିବିରରେ ମଧ୍ୟ କମ୍ପନ ସୃଷ୍ଟି କରିପାରେ । କାରଣ ରାଉରକେଲାରେ ଯେଉଁ ଦ୍ୱିତୀୟ ସେତୁ କଥା କହି ପ୍ରତିଶ୍ରୁତି ଦେଇଥିଲେ ମୋଦି ତାହା’ ବର୍ତ୍ତମାନ ପର୍ଯ୍ୟନ୍ତ ପୂରଣ ହୋଇପାରି ନାହିଁ । ତେଣୁ ଯଦି ଦିଲ୍ଲୀପ ଘରକୁ ଫେରନ୍ତି ଅର୍ଥାତ୍ ବିଜେଡ଼ିରେ ସାମିଲ ହୁଅନ୍ତି ତେବେ ରାଉରକେଲାରେ ବିଜେପି ପାଇଁ ସମସ୍ୟା ସୃଷ୍ଟ ହୋଇପାରେ ବୋଲି ରାଜନୈତିକ ବିଶେଷଜ୍ଞମାନେ ମତ ପ୍ରକାଶ କରିଛନ୍ତି । ତେବେ ଦିଲ୍ଲୀପଙ୍କ ପୁଅ ଜୟନ୍ତଙ୍କ ଫେସବୁକ୍ ପୋଷ୍ଟ କହୁଥିବା କଥା କେବେ ଆଉ କେଉଁଠି ସମ୍ପୂର୍ଣ୍ଣ ହେବ ଏବଂ ବାପା ଦିଲ୍ଲୀପ କେବେ ବିଜେଡ଼ିରେ ସାମିଲ ହେବେ ତାହା ଉପରେ ସମସ୍ତଙ୍କ ନଜର ରହିଛି ।