ବିଧାୟକ ପଦରୁ ଇସ୍ତଫା ଦେଲେ ଦିଲ୍ଲୀପ ରାୟ । ବାଚସ୍ପତିଙ୍କୁ ଭେଟି ଦେଲେ ଇସ୍ତଫା ପତ୍ର ।
ବ୍ରାହ୍ମଣୀ ସେତୁ ଓ ଆଇଜିଏଚ ପ୍ରସଙ୍ଗରେ ଦେଲେ ପଦ ଛାଡିଲେ ଦିଲ୍ଲୀପ
କନକ ବ୍ୟୁରୋ : ବିଧାୟକ ପଦରୁ ଇସ୍ତଫା ଦେଲେ ରାଉରକେଲା ବିଧାୟକ ଦିଲ୍ଲୀପ ରାୟ । ବିଧାନସଭାରେ ବାଚସ୍ପତିଙ୍କୁ ଭେଟି ବିଧାୟକ ପଦରୁ ଇସ୍ତଫା ଦେଇଛନ୍ତି ବିଜେପିର ଏହି ବିଧାୟକ । ଦୀର୍ଘ ଦିନ ଧରି ଚାଲିଥିବା କଳ୍ପନା ଜଳ୍ପନା ଆଉ ଦିଲ୍ଲୀପଙ୍କ ଭବିଷ୍ୟତ ରଣନୀତି ଚର୍ଚ୍ଚା ଭିତରେ ଆଜି ଆସିଛି ସବୁଠାରୁ ବଡ ଖବର । ଆଇଜିଏଚକୁ ସୁପର ସ୍ପେଶାଲିଟି ହସ୍ପିଟାଲ କରିବା ଏବଂ ବ୍ରାହ୍ମଣୀ ଉପରେ ଦ୍ୱିତୀୟ ସେତୁ ପ୍ରସଙ୍ଗକୁ ନେଇ ଦିଲ୍ଲୀପ ଲଗାତର ଭାବେ ନିଜ ଅସନ୍ତୋଷ ଜାହିର କରି ଆସୁଥିଲେ ।
Kanak News is now on WhatsApp
Join and get latest news updates delivered to you via WhatsApp
ସେ ବିଧାୟକ ଥିବା ଯାଏଁ ଏହି କାମ ହୋଇ ପାରିବ ନାହିଁ ଲୋକଙ୍କ ଭିତରେ ଏକ ଧାରଣ ତିଆରି ହୋଇଥିବା ଦିଲ୍ଲୀପ କନକ ନ୍ୟୁଜକୁ ସୂଚନା ଦେଇଥିଲେ । ସେହିଭଳି ଜଣେ କ୍ଷମତାଶାଳୀ ନେତା ସୁନ୍ଦରଗଡରେ ବିଜେପି ଭଲ ପ୍ରଦର୍ଶନ କରୁ ଚାହୁଁନଥିବା ଦିଲ୍ଲୀପ ଅଭିଯୋଗ କରିଥିଲେ । ଦିଲ୍ଲୀପ ଖାଲି ବିଧାୟକ ପଦରୁ ଇସ୍ତଫା ଦେଇନାହାନ୍ତି ବରଂ କେନ୍ଦ୍ରୀୟ ନେତୃତ୍ୱଙ୍କ ନିକଟକୁ ଦଳରୁ ଇସ୍ତଫା ଦେଇଥିବା ନେଇ ଚିଠି ମଧ୍ୟ ଲେଖିଛନ୍ତି । ତେବେ ଆଗାକୁ ଦିଲ୍ଲୀପ ରାୟ କଣ ପଦକ୍ଷେପ ନେବେ ତାଉପରେ ନଜର ରହିଛି ।