କେବେ ବସ୍ ରେ ସଫେଇ କାମ ତ କେବେ ଠେଲାରେ ୱେଟର କାମ କରି ପୋଷୁଥିଲେ ପେଟ : ଏସିଆନ୍ ପାରା ଗେମ୍ସରେ ସ୍ୱର୍ଣ୍ଣ ଜିତି ଇତିହାସ ରଚିଲେ ଦିବ୍ୟାଙ୍ଗ ନାରାୟଣ ଠାକୁର
ଜନ୍ମରୁ ହିଁ ଦିବ୍ୟାଙ୍ଗ ଥିବା ନାରାୟଣ ଠାକୁରଙ୍କୁ ୮ ବର୍ଷ ବୟସ ହୋଇଥିବା ବେଳେ ପିତାଙ୍କ ନିଧନ ହୋଇଯାଇଥିଲା । ତା’ପରେ ୮ ବର୍ଷ ପର୍ଯ୍ୟନ୍ତ ସେ ଏକ ଅନାଥାଳୟରେ ରହିବାକୁ ବାଧ୍ୟ ହୋଇଥିଲେ । ସେ ଢ଼ାବାରେ କାମ କଲେ ଓ ଡିଟିସି ବସ୍ ରେ ସଫେଇ କାମ କଲେ । ନାରାୟଣ ଠାକୁର ଜାକର୍ତ୍ତାରେ ଚାଲୁଥିବା ଏସିଆନ୍ ପାରା ଗେମ୍ସରେ ୧୦୦ ମିଟର ଟି ୩୫ ଦୌଡ ପ୍ରତିଯୋଗିତାରେ ସ୍ୱର୍ଣ୍ଣ ଜିତି ଇତିହାସ ରଚିଲେ । ରିପୋର୍ଟ ମୁତାବକ, ଠାକୁରଙ୍କ ବାମ ପଟେ ହେମି ପେରେସିସ୍ ସମସ୍ୟା ଅଛି । ଏହା ଏକ ଏମିତି ସମସ୍ୟା ଯଦ୍ୱାରା ମସ୍ତିଷ୍କରେ ଷ୍ଟ୍ରୋକ୍ କାରଣରୁ ବାମ ଭାଗର ଅଙ୍ଗ ଅଚଳ ହୋଇଯାଏ । ଉତ୍ତର-ପଶ୍ଚିମ ଦିଲ୍ଲୀର ଝୋପଡିରେ ରହୁଥିବା ୨୭ ବର୍ଷୀୟ ଠାକୁରଙ୍କ ପାରା ଆଥଲେଟ୍ ହେବାର କାହାଣୀ ବହୁତ ପ୍ରୋତ୍ସାହନ ପୂର୍ଣ୍ଣ ।
Kanak News is now on WhatsApp
Join and get latest news updates delivered to you via WhatsApp
ଠାକୁର କ୍ରିକେଟ୍ ଖେଳିବାକୁ ଚାହୁଁଥିଲେ, କିନ୍ତୁ ଏମିତି ହୋଇପାରିଲାନି ।ସେ ଖେଳର ବିକଳ୍ପ ଖୋଜିପାରିବେ ବୋଲି ବର୍ଷ ୨୦୧୦ରେ ସେ ଅନାଥାଳୟ ଛାଡିଦେଲେ ଓ ବସ୍ତିକୁ ରହିବାକୁ ଗଲେ । ସେତେବେଳେ ତାଙ୍କ ବସ୍ତିକୁ ବି ଭାଙ୍ଗି ଦିଆଯାଇଥିଲା । ତାଙ୍କ ପାଖରେ ଅନ୍ୟ କୈାଣସି ବିକଳ୍ପ ନଥିଲା ଓ ଟଙ୍କାର ମଧ୍ୟ ଅନେକ ସମସ୍ୟା ଥିଲା । ଦୁଇ ଓଳି ଖାଇବା ଯୋଗାଡ କରିବା ପାଇଁ ଡିଟିସି ବସରେ ସଫେଇ କରିଥିଲେ । ତା’ପରେ ବଂଚିଥିବା ସମୟରେ ରାସ୍ତା କଡରେ ଠେଲାରେ ୱେଟର ଭାବେ କାମ କରୁଥିଲେ । ତଥାପି ବି ଖେଳ ପ୍ରତି ତାଙ୍କର ରୁଚି କମିନଥିଲା ।
ଠାକୁର ଏକମାତ୍ର ଭାରତୀୟ, ଯିଏ ଏସିଆଡ୍ ବା ଏସିଆନ୍ ଗେମରେ ଆଥଲେଟିକ୍ ୧୦୦ ମିଟର ଟି ୩୫ ପ୍ରତିଯୋଗିତା ଜିତିଛନ୍ତି । ତାଙ୍କୁ ପିଏମ୍ ୪୦ ଲକ୍ଷ ଟଙ୍କାର ଚେକ୍ ଦେଇଛନ୍ତି । ଠାକୁର କହିଛନ୍ତି କି, ସେ ଦିଲ୍ଲୀ ସରକାର ଠାରୁ ବି କିଛି ପୁରସ୍କାର ଆଶା କରନ୍ତି ।