ଢେଙ୍କାନାଳ ସେବାଶ୍ରମରେ ଯୌନ ଶୋଷଣ ଅଭିଯୋଗ ମାମଲା : ଶାଖା ପରିଚାଳକ ସୀମାଂଚଳ ନାଏକ ଅଟକ
ଜିଲ୍ଲା ଶିଶୁ ଅଧିକାରୀଙ୍କ ଏତାଲା ଆଧାରରେ ପୋଲିସର କାର୍ଯ୍ୟାନୁଷ୍ଠାନ
କନକ ବ୍ୟୁରୋ : ଢେଙ୍କାନାଳର ସେଲଟର ହୋମରେ ଶାରୀରିକ ଶୋଷଣ ଅଭିଯୋଗରେ ପୋଲିସର କାର୍ଯ୍ୟାନୁଷ୍ଠାନ । କନକ ନ୍ୟୁଜରେ ଘନଘନ ଖବର ପ୍ରସାରଣ ପରେ କ୍ରିୟାଶିଳ ହେଲା ପ୍ରଶାସନ । ସେଲଟର ହୋମର ଶାଖା ପରିଚାଳକ ସୀମାଂଚଳ ନାୟକଙ୍କୁ ଅଟକ ରଖିଛି ଢେଙ୍କାନାଳ ପୋଲିସ । ସେପଟେ ହୋଇଥିବା ଅଭିଯୋଗର ତଦନ୍ତ କରୁଛି ୫ ଜଣିଆ ଟିମ । ଶିଶୁ ସୁରକ୍ଷା ଅଧିକାରୀ ଓ ଶିଶୁ ମଙ୍ଗଳ କମିଟି ସଦସ୍ୟ ଏହି ଟିମରେ ଅଛନ୍ତି । ଢେଙ୍କାନାଳ ବେଲଟିଗିରିି ଠାରେ ଥିବା ଗୁଡ ନ୍ୟୁଜ ଇଣ୍ଡିଆ ନାମକ ସ୍ୱେଚ୍ଛାସେବୀ ଅନୁଷ୍ଠାନରେ ନାବାଳିକାଙ୍କୁ ନିର୍ଯାତନା ଦିଆଯାଉଥିବାର ଅଭିଯୋଗ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଘଟଣା ପଦାକୁ ଆସିବା ପରେ ଏହି ଅଭିଯୋଗ କରିଥିବା ଦୁଇ ପିଲାଙ୍କୁ ଜୋରଜବରଦସ୍ତ ତାଙ୍କ ଘରକୁ ପଠାଇ ଦିଆଯାଇଥବା ସୂଚନା ମିଳିଛି । ଏହାସହ ଘଟଣା ସର୍ମ୍ପକରେ ସଂସ୍ଥାର ଏକ ଇଂଟରନାଲ ମେଲ କନକ ନ୍ୟୁଜର ହସ୍ତଗତ ହୋଇଛି । ଭୁବନେଶ୍ୱରରେ ଥିବା ସଂସ୍ଥାର ହେଡ ଅଫିସରୁ ସେଲଟର ହୋମ ପରିଚାଳକଙ୍କୁ ଏହି ମେଲ ପଠାଯାଇଛି । ଯେଉଁଥିରେ ଘଟଣା ସମ୍ପର୍କରେ ପିଲାମାନେ କଣ କହିବେ ସେ ନେଇ ନିର୍ଦ୍ଦେଶ ଦିଆଯାଇଛି । ଗୁଡ ନ୍ୟୁଜ ଇଣ୍ଡିଆ ସଂସ୍ଥାର ମୁଖ୍ୟ ଫୟାଜ ରେହେମାନ ଝିଅଙ୍କୁ ସମ୍ବେଦନଶୀଳ ଅଙ୍ଗକୁ ଛୁଇଁବା ସହ ତାଙ୍କୁ ଚୁମ୍ବନ ଦେଉଥିବାର ଅଭିଯୋଗ ହୋଇଥିଲା ।