ଗ୍ରାମ ରୋଜଗାର ସେବକଙ୍କ ସପକ୍ଷରେ କେନ୍ଦ୍ରମନ୍ତ୍ରୀ : ଜିଆରଏସଙ୍କ ଆନ୍ଦୋଳନକୁ ବିଜେପି ସମର୍ଥନ କରୁଥିବା କହିଲେ ଧର୍ମେନ୍ଦ୍ର ପ୍ରଧାନ
କନକ ବ୍ୟୁରୋ : ଗ୍ରାମ ରୋଜଗାର ସେବକଙ୍କ ସପକ୍ଷରେ କେନ୍ଦ୍ରମନ୍ତ୍ରୀ । ଜିଆରଏସଙ୍କ ଆନ୍ଦୋଳନକୁ ବିଜେପି ସମର୍ଥନ କରୁଥିବା କହିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଜିଆରଏସଙ୍କ ଦାବି ନେଇ ପ୍ରଧାନମନ୍ତ୍ରୀଙ୍କ ସହ ଆଲୋଚନା କରିବେ ବୋଲି ପ୍ରତିଶ୍ରୁତି ଦେଇଛନ୍ତି କେନ୍ଦ୍ରମନ୍ତ୍ରୀ ।
Kanak News is now on WhatsApp
Join and get latest news updates delivered to you via WhatsApp
ଜିଆରଏସଙ୍କ ଆନ୍ଦୋଳନ ବେଳେ ପୁଲିସର ଲାଠିଚାର୍ଜ ପ୍ରସଙ୍ଗରେ ଉତ୍ତର ରଖି କେନ୍ଦ୍ରମନ୍ତ୍ରୀ କହିଛନ୍ତି ପ୍ରଜାତନ୍ତ୍ରରେ ଶାନ୍ତିପୂର୍ଣ୍ଣ ଧାରଣାରେ ଲାଠିଚାର୍ଜ ଗ୍ରହଣୀୟ ନୁହେଁ । ରାଜ୍ୟ ସରକାରଙ୍କୁ ଟାର୍ଗେଟ କରି କହିଛନ୍ତି , ରାଜ୍ୟ ସରକାର ଯଦି ଏତେ ପାରିବାର , ୧୨ ବର୍ଷ ହେଲା ସେମାନେ କାମ କଲେଣି , ଓଡିଶାରେ ଦୈନିକ ଯେତିକି ସର୍ବନିମ୍ନ ମଜୁରୀ ତା ଠାରୁ ବହୁତ କମ୍ ଏମାନଙ୍କୁ ଦିଆଯାଉଛି । ସେମାନେ ନିଜର ନାର୍ଯ୍ୟ ଦାବୀ ମାଗିବା କଣ ଭୁଲ୍ । ଆଲୋଚନା ହିଁ ରାସ୍ତା । ଆଲୋଚନା ନକରି ମାଡପିଟି କରିବା ପ୍ରଜାତନ୍ତ୍ରରେ ବଡ ଚିନ୍ତାଜନକ ବିଷୟ । ଆଉ ଏହା ଏକ ଅତ୍ୟାଚାରୀ ସରକାର ହେବାକୁ ଯାଉଛି ବୋଲି ଧର୍ମେନ୍ଦ୍ର ପ୍ରଧାନ କହିଛନ୍ତି । ଧର୍ମେନ୍ଦ୍ର ପ୍ରଧାନ ନିଜର ବୟାନରେ ମୁଖ୍ୟମନ୍ତ୍ରୀଙ୍କୁ ଅନୁରୋଧ କରି କହିଛନ୍ତି , ଏତେ ନିର୍ଦ୍ଦୟ ହେବା ଭଲ ନୁହେଁ । ଧମକାଇବା , ଦାଦାଗିରି କରିବା ଏହା ଆଦୌ ଗ୍ରହଣୀୟ ନୁହେଁ ।
ଗ୍ରାମ୍ୟ ସେବକ ସଂଘ ଉପରେ ଧର୍ମେନ୍ଦ୍ର ଦେଇଥିବା ମନ୍ତବ୍ୟ ଉପରେ ପ୍ରତିକ୍ରିୟା ରଖିଛନ୍ତି ପଂଚାୟତରାଜ ମନ୍ତ୍ରୀ । ବିଜେପି ଆନ୍ଦୋଳନ ପାଇଁ ଉସକାଉଛି । ଧର୍ମେନ୍ଦ୍ର ପ୍ରଧାନ ଜିଆରଏସ ମାନଙ୍କର ପ୍ରେସିଡେଂଟ ହୋଇ ଆସନ୍ତୁ । ପିପିଲି କାହିଁକି ପାଲଲହଡାରେ ତାଙ୍କ ସହ ଆଲୋଚନା କରନ୍ତ ସେ ଆଲୋଚନା ପାଇଁ ସବୁବେଳେ ପ୍ରସ୍ତୁତ ଅଛନ୍ତି ବୋଲି ମହାରଥୀ କହିଛନ୍ତି । ଜିଆରଏସ ମାନଙ୍କ ଦାବି ସଂପର୍କରେ ସରକାର ସହାନୂଭିତର ସହ ଆଲୋଚନା କରୁଛନ୍ତି । ସେମାନଙ୍କ ସହ ୩ ଥର ଆଲୋଚନା ସରିଛି । ଧର୍ମେନ୍ଦ୍ରଙ୍କ ଟିପ୍ପଣୀକୁ ଗୁରୁତ୍ୱ ଦେଉନାହିଁ ବୋଲି ସେ କହିଛନ୍ତି ।