ରତ୍ନଭଣ୍ଡାର ଚାବି ହଜିବା ଘଟଣା : କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ କହିଲେ, ଘଟଣା ସତ ହୋଇଥିଲେ ସାଂଘାତିକ
କନକ ବ୍ୟୁରୋ : ରତ୍ନଭଣ୍ଡାରରେ ଚାବି ହଜିବା ପ୍ରସଙ୍ଗ ଦିନକୁ ଦିନ ଘନେଇବାରେ ଲାଗିଛି । ଆଜି ଏ ନେଇ ମୁହଁ ଖୋଲିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ସେ କହିଛନ୍ତି , କଥା ସତ ହୋଇଥିଲେ ସାଂଘାତିକ । ଏ ବାବଦରେ ମୁଖ୍ୟମନ୍ତ୍ରୀ କାହିଁ ଚୁପ ରହିଛନ୍ତି ବୋଲି ସେ ପ୍ରଶ୍ନ କରିଛନ୍ତି । ଏହି ପ୍ରସଙ୍ଗରେ କମିଶନ ବସାଇ ଆଖିରେ ଧୂଳି ଦେବା ପାଇଁ ଉଦ୍ୟମ କରାଯାଉଛି ବୋଲି ଧର୍ମେନ୍ଦ୍ର ଅଭିଯୋଗ ଆଣିଛନ୍ତି । ରତ୍ନଭଣ୍ଡାର ଚାବି ହଜିବା ପରେ ସରକାର ଏହାର ନ୍ୟାୟିକ ତଦନ୍ତ ପାଇଁ ନିର୍ଦ୍ଦେଶ ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ ଶ୍ରୀମନ୍ଦିର ରତ୍ନଭଣ୍ଡାରର ଯାଞ୍ଚ ସମୟରେ ମୁହଁ ଖୋଲିବାକୁ ବାରଣ କରିଥିଲା ପ୍ରଶାସନ ବୋଲି ଗତକାଲି ମନ୍ତବ୍ୟ ଦେଇଥିଲେ ଏଏସଆଇ କମିଟିର ସଦସ୍ୟ ଜି.ସି ମିତ୍ର । ଏପ୍ରିଲ ମାସରେ ରତ୍ନଭଣ୍ଡାର ଯାଂଚ ପାଇଁ ଏକ କମିଟି ମନ୍ଦିର ଭିତରକୁ ଯିବାବେଳେ ପ୍ରଶାସନ ଏଭଳି ରାଣ ଦେଇଥିଲା । ପ୍ରଫେସର ମିତ୍ର କହିଥିଲେ, ରତ୍ନଭଣ୍ଡାରକୁ ଯିବାବେଳେ ଲୋକନାଥଙ୍କୁ ଛୁଆଁଇ ବାହାରେ ମୁହଁ ନ ଖୋଲିବାକୁ କୁହାଯାଇଥିଲା । ରତ୍ନଭଣ୍ଡାର ଭିତରେ ଯାହା ଦେଖିଲୁ, ଯାହା ଶୁଣିଲୁ ଓ ଯାହା କାଥାବାର୍ତା କଲୁ ତାହା ନ କହିବା ପାଇଁ ପ୍ରଶାସନ ରାଣ ଦେଇଥିଲା । ଫଳରେ ଏ ନେଇ କିଛି କହିବାକୁ ସେମାନେ ଠିକ ମଣିନଥିଲେ । ଏହାଛଡ଼ା ସେ କହିଛନ୍ତି, ରତ୍ନଭଣ୍ଡାର ନୀରିକ୍ଷଣ କରିବାକୁ ଯିବାବେଳେ ଚାବିକଥା ଆମେ ଜାଣିନଥିଲୁ । ରତ୍ନଭଣ୍ଡାର ଚାବି ଥିଲା କି ନାହିଁ ତାହା ଆମକୁ ଜଣା ନଥିଲା ।