ମୁଁ ହଲିଉଡର ୩ଟି ପ୍ରୋଜେକ୍ଟକୁ ମନା କରିଦେଇଥିଲି : ଅଭିନେତା ଧନୁଷ୍
ନିଜର ୧୭ ବର୍ଷର ଲମ୍ବା କ୍ୟାରିୟରରେ ଅଭିନେତା ଧନୁଷ୍ ପାଇଛନ୍ତି ଅନେକ ସଫଳତା । ନିଜର ନୂଆ ତାମିଲ୍ ଫିଲ୍ମ ‘ଭିଆଇପି-୨’ର ସଫଳତାରେ ଖୁବ୍ ଖୁସି ଥିବା ଧନୁଷ କହିଛନ୍ତି, ସେ ନିଜ ଫିଲ୍ମ ଜରିଆରେ ସକରାତ୍ମକ,ପ୍ରେମ ଓ ଇଚ୍ଛା ଜନ୍ମାଇବାକୁ ଚାହାଁନ୍ତି ।
Kanak News is now on WhatsApp
Join and get latest news updates delivered to you via WhatsApp
ଧନୁଷ ନିଜ ଅତୀତକୁ ମନେପକାଇ କହିଛନ୍ତି, ’୧୬ ବର୍ଷ ବୟସରେ ମୋ ବାପା ମୋତେ ଅଭିନୟ ଦୁନିଆକୁ ଛାଡିଦେଇଥିଲେ । ମୁଁ ଅଭିନେତା ହେବା ପାଇଁ ଯୋଗ୍ୟ ନଥିଲି । ମୋ ମନରେ ଆଉ କିଛି ଅଲଗା କରିବାକୁ ଇଚ୍ଛା ଥିଲା । ମୁଁ କେବେ ଭାବିନଥିଲି କି ମୁଁ ଆଜି ଯେଉଁଠି ଠିଆ ହୋଇଛି , ସେ ସ୍ଥାନରେ ଠିଆ ହେବି ବୋଲି । ଏହା ଭାବିଲେ ମୋତେ ଆଶ୍ଚର୍ଯ୍ୟ ଲାଗୁଛି ।’
ଧନୁଷ୍ ୨୦୦୨ରେ ନିଜର ପିତା କସ୍ତୁରୀ ରାଜାଙ୍କ ଫିଲ୍ମ ‘ଥୁଲ୍ଲୁବାଥୋ ଇଲମଇ’ରୁ ତାମିଲ୍ ଫିଲ୍ମରେ ପାଦ ଦେଇଥିଲେ । ଧନୁଷ୍ ସାକ୍ଷାତକାରରେ କହିଛନ୍ତି , ‘ମୁଁ ଏକ କଂଚା ଧାତୁ ପରି ଥିଲି । ମୋ ପିତା ଓ ମୋ ଭାଇ ମୋତେ ଚିକ୍କଣ କରିଥିଲେ । ମୁଁ ଏବେବି ଭାବି ପାରେନି, ସେମାନେ ମୋ ଏମିତି କଣ ଦେଖିଲେ , ଯାହା ମୁଁ ଜାଣିପାରିନଥିଲି । ମୁଁ ନିଜକୁ ବହୁତ ଭାଗ୍ୟଶାଳୀ ମନେକରେ ।
ଧନୁଷ୍ କେବଳ ଜଣେ ଅଭିନେତା ନୁହଁନ୍ତି ଏହା ସହ ଜଣେ ଲେଖକ ,ନିର୍ଦ୍ଦେଶକ ଓ ଗାୟକ ରୂପରେ ସଫଳତା ପାଇଛନ୍ତି । ଲେଖକ ଓ ନିର୍ଦ୍ଦେଶକଙ୍କ ପରିବାରରୁ ଆସିଥିବା ଧନୁଷ୍ ସବୁବେଳେ ଲେଖାଲେଖିରେ ରୁଚି ଥିଲା । ଧନୁଷଙ୍କ ଦ୍ୱାରା ନିର୍ଦ୍ଦେଶିତ ଫିଲ୍ମ ‘ପାୱର ପଣ୍ଡି’ ଚଳିତ ବର୍ଷ ବକ୍ସ ଅଫିସରେ ଖୁବ୍ ସଫଳତା ପାଇଛି । ଧନୁଷ ନିଜର ହଲିଉଡ୍ ଫିଲ୍ମ ‘ଦ ଏକ୍ସଟ୍ରା ଅଡିନାରୀ ଜର୍ଣ୍ଣି ଅଫ୍ ଦ ଫକିର୍’ ବିଷୟରେ କହିଛନ୍ତି ଯେ, ମୁଁ ଏହି ଫିଲ୍ମ ପୂର୍ବରୁ ହଲିଉଡର ୩ଟି ପ୍ରୋଜେକ୍ଟକୁ ମନା କରିଛି । ମୋତେ ଏହି ଫିଲ୍ମଟିର କାହାଣୀ ଖୁବ୍ ପସନ୍ଦ ଆସିଥିଲା । ଏହି ଫିଲ୍ମରେ ମୁଁ ଏକ ଯାଦୁକର ଭୂମିକାରେ ନିଭାଇଛି ।