ଜୟପୁର ନାବାଳିକା ଗଣଦୁଷ୍କର୍ମ ମାମଲାରେ ଅପରାଧୀଙ୍କ ସୁରାକ ପାଉନି ପୋଲିସ : ଡିଜି କହିଲେ, ସୁରକ୍ଷାକର୍ମୀଙ୍କ କ୍ୟାମ୍ପରେ ଚାଲିଛି ଯାଂଚ
କନକ ବ୍ୟୁରୋ : କୋରାପୁଟ କୁନ୍ଦୁଲିଠାରେ ହୋଇଥିବା ନାବାଳିକାକୁ ଗଣଦୁଷ୍କର୍ମ ମାମଲାରେ କ୍ରାଇମବ୍ରାଂଚ ଜାରି ରଖିଛି ଛାନଭିନ୍ । ଯବାନ ପୋଷାକରେ ଥିବା ବଲାକ୍ରାରୀ ଦୁର୍ବୃତଙ୍କୁ ଖୋଜିବାରେ ଲାଗି ପଡିଛି ପୁଲିସ । କ୍ୟାମ୍ପରୁ କ୍ୟାମ୍ପ ବୁଲି ସୁରକ୍ଷାକର୍ମୀଙ୍କୁ ତଦନ୍ତକାରୀ ଦଳ ପଚରାଉଚରା କରୁଥିବା କହିଛନ୍ତି ପୁଲିସ ମହାନିର୍ଦେଶକ ରାଜେନ୍ଦ୍ର ପ୍ରସାଦ ଶର୍ମା । ପୁଲିସ ମଧ୍ୟ ତଦନ୍ତ ଜାରି ରଖିଥିବା କହିଛନ୍ତି କୋରାପୁଟ ଏସପି ଡାକ୍ତର କନୱର ସିଂହ । ଏହା ଏକ ସମ୍ବେଦନଶୀଳ ଘଟଣା ହୋଇଥିବାରୁ ଅଗ୍ରାଧିକାର ଭିତିରେ ତଦନ୍ତ ଚାଲିଛି । ଖୁବଶ୍ରୀଘ୍ର ପୀଡିତାଙ୍କ ମେଡିକାଲ ରିପୋର୍ଟ ହସ୍ତଖତ ହେବ ବୋଲି ସେ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କୋରାପୁଟଠାରେ କ୍ରାଇମବ୍ରାଂଚ ଟିମ୍ ସହାୟତାରେ ତଦନ୍ତ ଆଗକୁ ଯିବ ଏବଂ ଖୁବଶୀଘ୍ର ଅଭିଯୁକ୍ତଙ୍କୁ ଗିରଫ କରାଯିବ ବୋଲି ଏସପି କହିଛନ୍ତି । ଫୋରସେନିକ ଟିମ୍ ଓ ବ୍ରହ୍ମପୁର ଏଫଏମଟି ବିଶେଷଜ୍ଞମାନେ ଘଟଣାସ୍ଥଳରେ ବିଭିନ୍ନ ଦିଗକୁ ନେଇ ଛାନଭିନ୍ କରୁଛନ୍ତି । ଗଣଦୁଷ୍କର୍ମ ଘଟଣାରେ କୁନ୍ଦୁଲିଠାରେ ଚାଲିଥିବା ୩୩ ଘଂଟାର ରାସ୍ତାରୋକ ଗତକାଲି ରାତିରେ ହଟିଥିଲା । କ୍ରାଇମବ୍ରାଂଚ ଓ ଜିଲ୍ଲାପାଳଙ୍କ ସହ ଆଲୋଚନା ପରେ ଆନ୍ଦୋଳନକାରୀମାନେ ରାସ୍ତାରୋକରୁ ହଟିିଥିଲେ ।