କନକ ବ୍ୟୁରୋ : କନ୍ଧମାଳରେ ପୁଲିସ ଡିଜି ରାଜେନ୍ଦ୍ର ପ୍ରସାଦ ଶର୍ମା । ବାଲିଗୁଡା ବାରଖମାରେ ଦୁଇ ଦିନ ତଳେ ପୁଲିସ-ମାଓବାଦୀଙ୍କ ମଧ୍ୟରେ ହୋଇଥିବା ଏନକାଉଂଟର ଘଟଣାର ସମୀକ୍ଷା କରିଛନ୍ତି ପୁଲିସ ଡିଜି । ରାଜେନ୍ଦ୍ର ଶର୍ମା, ପବନ ହଂସ ହେଲିକପ୍ଟର ଯୋଗେ ବାଲିଗୁଡାରେ ପହଂଚିଥିଲେ । ସେଠାରୁ ସେ ବାରଖମା ଫାଣ୍ଡିରେ ପହଂଚି ଯବାନଙ୍କ ସହ ଆଲୋଚନା କରିବା ପରେ ବାଲିଗୁଡାରେ ବରିଷ୍ଠ ଅଧିକାରୀଙ୍କ ସହ ଏକ ଗୁପ୍ତ ବୈଠକ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏହି ବୈଠକରେ କନ୍ଧମାଳ ଏସପି, ଦକ୍ଷିଣାଂଚଳ ଆଇଜି, ଅପରେସନ୍ ଆଇଜି, ଗୁଇନ୍ଦା ବିଭାଗର ଆଇଜିଙ୍କ ସମେତ ସିଆରପିଏଫ, ଡିଭିଏଫ ଓ ଏସଓଜିର ବରିଷ୍ଠ ଅଧିକାରୀ ଉପସ୍ଥିତ ଅଛନ୍ତି । ବାଲିଗୁଡା ବାରଖମାରେ ପୁଲିସ ମାଓବାଦୀ ମୁହାଁମୁହିଁରେ ଲାଲବାହିନୀର ନୂଆ ସଂଗଠନ କେ.କେ.ବି.ଏନ ମାଓ ଡିଭିଜନର ମାଓ ନେତ୍ରୀର ମୃତ୍ୟୁ ହୋଇଥିଲା । ଏହାସହ ବହୁ ଅସ୍ତ୍ରଶସ୍ତ୍ର ଜବତ କରିଥିଲେ ସୁରକ୍ଷା କର୍ମୀ ।