‘ଦେବଦାସ’କୁ ୧୫ ବର୍ଷ ! ଅଭିନୟକୁ ଜୀବନ୍ତ କରିବାକୁ ସୁଟିଂ ପୂର୍ବରୁ ମଦ ପିଉଥିଲେ ଶାହାରୁଖ୍
ସଂଜୟ ଲୀଲା ଭନସାଲୀଙ୍କ ସୁପରହିଟ୍ ସିନେମା ‘ଦେବଦାସ’କୁ ପୁରିଲା ୧୫ ବର୍ଷ । ୨୦୦୨ରେ ରିଲିଜ୍ ହୋଇଥିବା ଏହି ସିନେମାରେ ଶାହାରୁଖ୍ ଖାନ୍, ମାଧୁରୀ ଦିକ୍ଷୀତ୍ ଏବଂ ଐଶ୍ୱର୍ଯ୍ୟା ରାୟ ବଚ୍ଚନ ଅଭିନୟ କରିଥିଲେ । ସିନେମାର ପ୍ରତିଟି ଚିତ୍ର, ଚରିତ୍ର ଏବଂ ଡାଇଲଗ୍ ଆଜି ବି ସ୍ମରଣୀୟ ।
Kanak News is now on WhatsApp
Join and get latest news updates delivered to you via WhatsApp
ଟ୍ରାଜେଡି କିଙ୍ଗ୍ ଦିଲ୍ଲୀପ୍ କୁମାରଙ୍କ ପରେ ଶାହାରୁଖଙ୍କ ହିଁ ବଡ ପରଦାର ସେହି ଦେବଦାସ୍ ବନି ଯାଇଥିଲେ ଯିଏ ଦର୍ଶକଙ୍କ ମନ ଆଉ ମୁଣ୍ଡରେ ଛାଇ ଯାଇଥିଲେ । ସିନେମାରେ ଶାହାରୁଖଙ୍କ ସହ ଐଶ୍ୱର୍ଯ୍ୟାଙ୍କ କେମେଷ୍ଟ୍ରି ଏବଂ ମାଧୁରୀଙ୍କ ଏକ ତରଫା ପ୍ରେମର ଭିନ୍ନ ଏକ ରଙ୍ଗ ପରଦା ଉପରେ ଦେଖାଇଥିଲେ ନିର୍ଦ୍ଦେଶକ ସଂଜୟ ଲୀଲା ଭନସାଲୀ ।
ସିନେମାରେ ଶାହାରୁଖଙ୍କ ଅଭିନୟ ଖୁବ୍ ପ୍ରଶଂସିତ ହୋଇଥିଲା । କିନ୍ତୁ କିଙ୍ଗ୍ ଖାନଙ୍କ ପାଇଁ ଏହି ଚରିତ୍ରକୁ ପରଦା ଉପରେ ନିଖୁଣ ଭାବରେ ଦେଖାଇବା ଏତେ ସହଜ ନଥିଲା । ସିନେମାର ଅନେକ ସିନରେ ସେ ଜଣେ ମଦ୍ୟପ ଭାବରେ ନଜର ଆସିଛନ୍ତି । ତେଣୁ ଏହି ସବୁ ସିନ୍ ଗୁଡିକ ରିୟଲ୍ ଲାଗିବା ପାଇଁ ସୁଟିଂ ପୂର୍ବରୁ ମଦ ପିଉଥିଲେ ଶାହାରୁଖ୍ । ତେବେ ଏଥିରୁ ସ୍ୱଷ୍ଟ ପ୍ରମାଣତ ହେଉଛି ଅଭିନେତା ହେବା ଏବଂ ନିଜ ଅଭିନୟକୁ ଜୀବନ୍ତ କରିବା ସହଜ କଥା ନୁହେଁ । ସେଥିପାଇଁ ତ ବଲିଉଡର କିଛି ତାରକାଙ୍କୁ ସଲାମ୍ କରନ୍ତି ଦେଶବାସୀ ।