କନକ ବ୍ୟୁରୋ: ବିମୁଦ୍ରାକରଣ ନେଇ ଆରବିଆଇ ତଥ୍ୟ ଜାରି କରିବା ପରେ ତେଜିଛି ରାଜନୀତି । ମୁହାଁମୁହିଁ ହୋଇଛନ୍ତିି ବିରୋଧୀ ଓ ସରକାର । ଗତକାଲି କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧି ବିମୁଦ୍ରାକରଣରେ ମୋଦୀ ସରକାରଙ୍କୁ ଟାର୍ଗେଟ କରିବା ପରେ କେନ୍ଦ୍ର ଓ ରାଜ୍ୟ ରାଜନୀତିରେ ମଧ୍ୟ ସରଗରମ ହୋଇଉଠିଛି । ରାହୁଲ ଗାନ୍ଧିଙ୍କ ପ୍ରତିକ୍ରିୟାର ଜବାବରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ କହିଛନ୍ତି ଯେ, ସ୍ୱାଧୀନତା ପରେ ଜିଏସଟି ଓ ବିମୁଦ୍ରାକରଣ ମୋଦି ସରକାରଙ୍କ ଦୁଇଟି ବଡ ପଦକ୍ଷେପ ଥିଲା । ଏହା ଭାରତର ଅର୍ଥନୈତିକ ସ୍ଥିତିକୁ ସୁଦୃଢ କରିବ ବୋଲି ଧର୍ମେନ୍ଦ୍ର କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସେପେଟେ ରାଜ୍ୟସଭା ସାଂସଦ ସୌମ୍ୟରଂଜନ ପଟ୍ଟନାୟକ କହିଛନ୍ତି ଯେ, ବିମୁଦ୍ରାକରଣ ଯୋଗୁଁ ଦେଶର ଭଲ ହୋଇଛି କି ଖରାପ ତାହା ଲୋକମାନେ ବର୍ତ୍ତମାନ ଅନୁଭବ କରୁଛନ୍ତି । ଗଣତନ୍ତ୍ରରେ ଲୋକମାଙ୍କର ଅନୁଭବର ପରୀକ୍ଷା ଆଉ କିଛି ମାସ ବାକି ଅଛି । ତେବେ ଲୋକମାନେ ଲୋକ କଣ ଅନୁଭବ କରିଛନ୍ତି ତାହା ଜଣାପଡିବ ବୋଲି କହିଛନ୍ତି ସୌମ୍ୟରଂଜନ ।
ଗତକାଲି କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧି ବିମୁଦ୍ରାକରଣ ପ୍ରସଙ୍ଗରେ ମୋଦୀ ସରକାରଙ୍କୁ ଟାର୍ଗେଟ କରିଥିଲେ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତାଙ୍କର ୨୦-୨୫ଜଣ ଶିଳ୍ପପତି ବନ୍ଧୁଙ୍କୁ ଫାଇଦା ଦେବା ପାଇଁ ଦେଶର ଯୁବକ, ମହିଳା, କୃଷକ ଏବଂ କ୍ଷୁଦ୍ର ବ୍ୟବସାୟୀଙ୍କ ପ୍ରତି ଘୋର ଅନ୍ୟାୟ କରିଛନ୍ତି । ଏହି ବିମୁଦ୍ରୀକରଣ ପଦକ୍ଷେପ ଦେଶର ଏକ ବଡ ଦୁର୍ନୀତି ବୋଲି କହି ମୋଦିଙ୍କୁ ସମାଲୋଚନା କରିଥିଲେ ରାହୁଲ ।