ମଦୁଆଙ୍କ ପାଖେ ନଗଦ ନାହିଁ ! ବିମୁଦ୍ରାକରଣ ପରେ କମିଲା ମଦ ବିକ୍ରି
କନକ ବ୍ୟୁରୋ : ବିମୁଦ୍ରାକରଣର ପ୍ରଭାବ ମଦ ବିକ୍ରି ଉପରେ ବି ପଡ଼ିଛି । ଗତବର୍ଷ ତୁଳନାରେ ଚଳିତ ମାସରେ ବିକ୍ରିରୁ ଆୟ ପ୍ରାୟ ୨୦ କୋଟି ଟଙ୍କା କମିଯାଇଛି । ଏକଥା ଆଜି କହିଛନ୍ତି ଅବକାରୀ ବିଭାଗ ସଚିବ ବିଷ୍ଣୁପଦ ସେଠୀ । ନଭେମ୍ବର ୮ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନୋଟବନ୍ଦୀ ନେଇ ଘୋଷଣା କରିବା ପରେ ପ୍ରଥମେ ପ୍ରଥମେ ବିକ୍ରି ପ୍ରାୟ ଅଧା କମିଯାଇଥିଲା । ମାତ୍ର ଏବେ ସ୍ଥିତିରେ ସାମାନ୍ୟ ଉନ୍ନତି ଘଟିଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ଚଳିତ ଆର୍ଥିକ ବର୍ଷରେ ଏପର୍ଯ୍ୟନ୍ତ ଅବକାରୀ ରାଜସ୍ୱ ସଂଗ୍ରହ ୧୧ ପ୍ରତିଶତ ବଢ଼ିଛି ବୋଲି ସେ କହିଛନ୍ତି । ରାଜ୍ୟରେ ୩,୮୪୩ଟି ମଦ ଦୋକାନ ଥିବା ବେଳେ ଗତ ବର୍ଷ ଅବକାରୀ ବିଭାଗ ୨,୫୬୮ କୋଟି ଟଙ୍କାର ରାଜସ୍ୱ ସଂଗ୍ରହ କରିଥିଲା । ଚଳିତ ବର୍ଷ ୩,୩୦୦ କୋଟି ଟଙ୍କାର ଅବକାରୀ ରାଜସ୍ୱ ପାଇଁ ସରକାର ଲକ୍ଷ୍ୟ ରଖିଛନ୍ତି ।