ଫେରିଲା ବିମୁଦ୍ରାକରଣ ପ୍ରସଙ୍ଗ ! ସଂସଦରେ ହଙ୍ଗାମା
କନକ ବ୍ୟୁରୋ : ସଂସଦକୁ ପୁଣି ଫେରିଛି ବିମୁଦ୍ରାକରଣ ପ୍ରସଙ୍ଗ । ଆଜି ଏହି ପ୍ରସଙ୍ଗରେ ହୋହଲ୍ଲା କରିଛନ୍ତି ବିରୋଧୀ । ବିମୁଦ୍ରାକରଣକୁ ନେଇ ପ୍ରଧାନମନ୍ତ୍ରୀ କାହିଁକି ଆଲୋଚନା କରୁନାହାନ୍ତି ବୋଲି ମାୟାବତୀ ପ୍ରଶ୍ନ କରିଛନ୍ତି । ତେବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଲୋଚନା କରିବାକୁ ପ୍ରସ୍ତୁତ ବୋଲି ବିଜେପି କହିଛି । ସେପଟେ ବ୍ୟାଙ୍କ ଓ ଏଟିଏମରେ ଯଦି ଟଙ୍କା ଉପଲବ୍ଧ ରହିଛି ତେବେ ଟଙ୍କା ଉଠାଣ ପାଇଁ କାହିଁକି ବ୍ୟାଙ୍କ ଓ ଏଟିଏମରେ ଲୋକଙ୍କ ଲମ୍ବା ଲାଇନ ଲାଗୁଛି ବୋଲି ଗୁଲାମ ନବୀ ଆଜାଦ ପ୍ରଶ୍ନ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏହାସହ ବିମୁଦ୍ରାକରଣ ଯୋଗୁଁ ୮୪ ଜଣଙ୍କ ମୃତ୍ୟୁ ପାଇଁ କିଏ ଦାୟୀ ବୋଲି ଗୁଲାମ ନବୀ ଆଜାଦ କହିଛନ୍ତି । ବିମୁଦ୍ରାକରଣକୁ ନେଇ ହଙ୍ଗାମା ପରେ ପ୍ରତିକ୍ରିୟା ରଖିଛନ୍ତି ଅର୍ଥମନ୍ତ୍ରୀ ଅରୁଣ ଜେଟଲି । ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଏଡାଇବା ସହ ମିଡିଆ କଭରେଜ ପାଇଁ ବିରୋଧୀ ବିମୁଦ୍ରାକରଣ ପ୍ରସଙ୍ଗ ଉଠାଉଛନ୍ତି ବୋଲି ଜେଟଲି ପାଲଟା ଆକ୍ରମଣ କରିଛନ୍ତି ।