ଦିଲ୍ଲୀ ସନ୍ଥନଗର ଗଣଆତ୍ମହତ୍ୟା ମାମଲାର ନୂଆ ଖୁଲାସା : ଶେଷ ମୂହୂର୍ତ୍ତରେ ଜୀବନ ବଂଚାଇବାକୁ ଉଦ୍ୟମ କରିଥିଲେ ଲଳିତଙ୍କ ବଡ ଭାଇ ଭବନେଶ୍ ଭାଟିଆ
କନକ ବ୍ୟୁରୋ : ଦିଲ୍ଲୀ ସନ୍ଥନଗର ବୁରାରୀ ପରିବାରର ଗଣ ଆତ୍ମହତ୍ୟା ପ୍ରସଙ୍ଗରେ ଆଉ ଏକ ନୂଆ ତଥ୍ୟ ସାମନାକୁ ଆସିଛି । ତଦନ୍ତକାରୀ ପୋଲିସ୍ କହିଛି ପରିବାରର ୧୧ ଜଣ ମୋକ୍ଷ ପ୍ରାପ୍ତି ପାଇଁ ଆତ୍ମହତ୍ୟା କରିଥିବା ବେଳେ ଜଣେ ଶେଷ ମୂହୂର୍ତ୍ତରେ ଜୀବନ ବଂଚାଇବା ପାଇଁ ପ୍ରୟାସ କରିଥିଲେ । ସେ ହେଉଛନ୍ତି ନାରାୟଣୀ ଦେବୀଙ୍କ ବଡ ପୁଅ ତଥା ଲଳିତ ଭାଟିଆଙ୍କ ବଡ ଭାଇ ଭବନେଶ ଭାଟିଆ । ଝୁଲନ୍ତା ମୃତଦେହ ଉଦ୍ଧାର ବେଳେ ଭବନେଶଙ୍କ ଗୋଟିଏ ହାତ ତାଙ୍କ ବେକ ପାଖରେ ଥିଲା, ଅର୍ଥାତ ସେ ଶ୍ୱାସରୁଦ୍ଧ ହେବା ସମୟରେ ଗଳାରୁ ରଶି ଖୋଲିବା ପାଇଁ ପ୍ରୟାସ କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ଏଥିସହ ଗୋଡ ସାହାଯ୍ୟରେ ତଳେ ଠିଆ ହୋଇଯିବା ପାଇଁ ମଧ୍ୟ ସେ ସଂଘର୍ଷ କରିଥିବା ପାରିପାର୍ଶ୍ୱିକ ପରିସ୍ଥିତିରୁ ପୋଲିସ ଜାଣିବାକୁ ପାଇଛି । ୫୦ ବର୍ଷିୟ ଭବନେଶ ଶେଷ ଯାଏଁ ନିଜ ଗଳାକୁ ରଶିରୁ ମୁକ୍ତ ପାଇଁ ଉଦ୍ୟମ କରି ବିଫଳ ହୋଇଥିଲେ । ପୋଲିସ୍ ଏହି ଗଣଆତ୍ମହତ୍ୟା ସଂପର୍କରେ ଯୋରଦାର ତଦନ୍ତ ଜାରି ରଖିଥିବା ବେଳେ ବର୍ତ୍ତମାନ ସୁଦ୍ଧା ୧୩୦ ଜଣ ସଂପର୍କୀୟ, ପଡୋଶୀ ଓ ବ୍ୟବସାୟ ସହଯୋଗୀଙ୍କୁ ପଚରା ଉଚରା କରିସାରିଲାଣି ।
ବର୍ତ୍ତମାନ ପର୍ଯ୍ୟନ୍ତ ହୋଇଥିବା ଯାଞ୍ଚରୁ ଏହି ସାମୂହିକ ଆତ୍ମହତ୍ୟା ପଛରେ ଧାର୍ମିକ ଅନ୍ଧବିଶ୍ୱାସ, ତନ୍ତ୍ରମନ୍ତ୍ର ଏବଂ ମୋକ୍ଷ ମୁଖ୍ୟ କାରଣ ରହିଥିବା ଜଣାପଡ଼ିଛି । ଆତ୍ମହତ୍ୟା କରିବା ପୂର୍ବରୁ ସମସ୍ତ ସଦସ୍ୟ ମୃତ୍ୟୁର ରହିର୍ସାଲ କରୁଥିବାନେଇ କେତେକ ନୂଆ ପ୍ରମାଣ ମିଳିଛି । ପୁଲିସ ଜବତ କରିଥିବା ଡାଏରୀ ଛାନ୍ଭିନ୍ରୁ ଏ ସଂପର୍କିତ ତଥ୍ୟ ମିଳିଛି । ୩୦ ଜୁନ୍ ପୂର୍ବରୁ ଭାଟିଆ ପରିବାର ଲଗାତାର ୬ ଦିନ ଧରି ଫାଶୀରେ ଝୁଲିବା ଅଭ୍ୟାସ କରୁଥିଲେ ବୋଲି ଜଣାପଡ଼ିଛି । ସମସ୍ତେ ସମୂହ ଭାବେ କିଭଳି ଏହି ଅଭ୍ୟାସ କରିବେ ସେ ସଂପର୍କରେ ମଧ୍ୟ ତଥ୍ୟ ଉଲ୍ଲେଖ ରହିଛି ।