ଭୟଙ୍କର ଖରାରେ ଗରୀବଙ୍କ ଦେବତା ପାଲଟିଛନ୍ତି ୬୯ ବର୍ଷୀୟ ନଟରାଜନ୍ : ପ୍ରତିଦିନ ୭୦ଟି ମାଠିଆ ଯୋଗେ ତୃଷାର୍ତ୍ତଙ୍କୁ ମାଗଣାରେ ଯୋଗାନ୍ତି ଥଣ୍ଡା ପାଣି
ଭୟଙ୍କର ଗରମରେ ଦିଲ୍ଲୀର ଗଳିରେ ରିକ୍ସାବାଲା, ଫେରିବାଲା ଓ ସଫେଇକର୍ମୀଙ୍କ ଗୋଟିଏ ଇଚ୍ଛା ଥାଏ, କିଏ ଗୋଟିଏ ଗ୍ଲାସ ପାଣି ପିଆଇ ତାଙ୍କର ଶୋଷ ମେଣ୍ଟାଉ । କାହିଁକିନା ତାଙ୍କ ପାଖରେ ଏତେ ଟଙ୍କା ନଥାଏ କି ସେମାନେ କିଣିକି ପାଣି ପିଇପାରିବେ । ଦିଲ୍ଲୀର ଅନେକ ସ୍ଥାନରେ ପାଣି ଭର୍ତ୍ତି ମାଠିଆ ଦେଖିବାକୁ ମିଳେ, ଯେଉଁଠି ଯେକେହି ନିଜର ଶୋଷ ମେଣ୍ଟାଇପାରିବ । ଏହି ମାଠିଆ ଗୁଡିକୁ ୬୯ ବର୍ଷୀୟ ଜଣେ ବୃଦ୍ଧଙ୍କ ସୈାଜନ୍ୟରେ ରଖାଯାଇଛି, ଯିଏ ପ୍ରତିଦିନ ସୂର୍ଯ୍ୟୋଦୟ ପୂର୍ବରୁ ଉଠନ୍ତି ଓ ନିଜ ଭ୍ୟାନରେ ଏହି ଅଂଚଳକୁ ଯାଇ ୭୦ଟି ମାଠିଆରେ ପାଣି ଭରନ୍ତି । କୈାଣସି ଗରୀବ ବ୍ୟକ୍ତି ଶୋଷିଲା ନରହୁ ସେଥିପାଇଁ ସେ ସହରର ବିଭିନ୍ନ ଅଂଚଳରେ ମାଠିଆ ରଖନ୍ତି ।
Kanak News is now on WhatsApp
Join and get latest news updates delivered to you via WhatsApp
ଦିଲ୍ଲୀରେ ମାଠିଆବାଲା ନାମରେ ପରିଚିତ ଅଲଗରତ୍ନମ ନଟରାଜନଙ୍କୁ ଯେତେବେଳେ ଅନୁଭୂତ ହେଲା କି ଦେଶର ରାଜଧାନୀରେ ସମସ୍ତଙ୍କୁ ପିଇବା ପାଇଁ ଥଣ୍ଡା ପାଣି ଉପଲବ୍ଧ ନାହିଁ । ସେଥିପାଇଁ ସେ ନିଜ ଘର ବାହାରେ ଏକ ୱାଟର-କୁଲର୍ ଲଗାଇଦେଲେ । ନଟରାଜନ୍ ବ୍ରିଟେନରୁ ଦିଲ୍ଲୀ ଆସି ଏହି ସାମାଜିକ ସେବା କାର୍ଯ୍ୟରେ ଜଡିତ ଅଛନ୍ତି । ସେ ଲଣ୍ଡନର ଅକ୍ସଫୋର୍ଡ ଷ୍ଟ୍ରିଟ୍ ରେ କାର୍ନର ଷ୍ଟୋର ଚଳାନ୍ତି ।
ତାଙ୍କ ପାଇଁ ଏହା ନିତିଦିନିଆ କାମ କି ସେ ସକାଳେ ମାଠିଆରେ ପାଣି ଭରିବା । ପ୍ରାରମ୍ଭିକ ଦିନରେ ଲୋକ ଭାବୁଥିଲେ କି ତାଙ୍କୁ ଦିଲ୍ଲୀ ସରକାର ଏହି କାମ ପାଇଁ ନିଯୁକ୍ତ କରିଛନ୍ତି । ହେଲେ ନଟରାଜନଙ୍କୁ ନା ଏନଜିଓ ଠାରୁ ସହାୟତା ମିଳୁଛି ନା ତାଙ୍କର କୈାଣସି ସରକାର ପ୍ରାୟାଜିତ ସଂସ୍ଥା । ସେ ନିଜର ପେନସନ୍ ଓ ଜମା ପାଣ୍ଠିରେ ଏହି କାମ କରୁଛନ୍ତି । ନଟରାଜନ୍ ଗରୀବଙ୍କୁ କେବଳ ପାଣି ହିଁ ଯୋଗାଇ ଦିଅନ୍ତିନି ବରଂ ଭୋଜନ ଓ ଫଳ ମଧ୍ୟ ବାଣ୍ଟନ୍ତି ।