ସ୍କୁଲ୍ ପରିସରରେ ବିକ୍ରି କରନାହିଁ ବହି କିମ୍ବା ୟୁନିଫର୍ମ ! ସିବିଏସଇକୁ ଦିଲ୍ଲୀ ହାଇକୋର୍ଟଙ୍କ ନିର୍ଦ୍ଦେଶ
କନକ ବ୍ୟୁରୋ : ସ୍କୁଲ ପରିସରରେ ବିକ୍ରି ହୋଇପାରିବ ନାହିଁ ବହି ଏବଂ ୟୁନିଫର୍ମ । ସ୍କୁଲକୁ ଏକ ବ୍ୟବସାୟିକ ପ୍ରତିଷ୍ଠାନ ଭାବରେ ବ୍ୟବହାର କରିପାରିବ ନାହିଁ । କେନ୍ଦ୍ରୀୟ ମାଧ୍ୟମିକ ଶିକ୍ଷା ବୋର୍ଡ ବା ସିବିଏସ୍ଇ ନିଜ ଅନୁବନ୍ଧିତ ସ୍କୁଲ ଗୁଡ଼ିକୁ ଏଭଳି ଏକ ନିର୍ଦ୍ଦେଶନାମା ଜାରି କରିଛନ୍ତି । ସିବିଏସ୍ଇ ଦ୍ୱାରା ଅନୁବନ୍ଧିତ ସ୍କୁଲ ଗୁଡ଼ିକରେ ବହି କିମ୍ବା ୟୁନିଫର୍ମ ବିକ୍ରି ନ କରିବା ପାଇଁ ଦିଲ୍ଲୀ ହାଇକୋର୍ଟ ସିବିଏସ୍ଇକୁ ନିର୍ଦ୍ଦେଶ ଦେବା ପରେ ଏଭଳି ଏକ ସର୍କୁଲାର ଜାରି ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଶିକ୍ଷା ପାଇଁ ଆବଶ୍ୟକ ହେଉଥିବା ପାଠ୍ୟପୁସ୍ତକ ଏବଂ ପିଲାଙ୍କ ୟୁନିଫର୍ମ ପାଇଁ ସିବିଏସ୍ଇ, ସ୍କୁଲ ଗୁଡ଼ିକୁ ଏସବୁର ବିକ୍ରି ପାଇଁ ବ୍ୟବହାର କରିପାରିବ ନାହିଁ ବୋଲି କୋର୍ଟ କହିଛନ୍ତି । ସୁନିଲ ପୋଖରିଆଲଙ୍କ ପକ୍ଷରୁ ହୋଇଥିବା ଜନସ୍ୱାର୍ଥ ମାମଲାର ଶୁଣାଣି କରି ଦିଲ୍ଲୀ ହାଇକୋର୍ଟ ଏହି ରାୟ ଦେଇଛନ୍ତି । ସ୍କୁଲ ପରିସରକୁ ଏକ ବ୍ୟବସାୟ କେନ୍ଦ୍ର ଭାବରେ ବ୍ୟବହାର କରାଯାଉଥିବା ନେଇ ସୁନିଲ କୋର୍ଟର ଆଶ୍ରୟ ନେଇଥିଲେ ।
ଗତ ଏପ୍ରିଲ ୧୯ ତାରିଖରେ ଆଇନର ଉଲଂଘନ ହେଉଥିବା ଦର୍ଶାଇ ସ୍କୁଲରେ ବହି, ୟୁନିର୍ଫମ ଏବଂ ପାଠ୍ୟ ଉପକରଣ ବିକ୍ରି ଉପରେ କଟକଣା ଜାରି କରିଥିଲେ । ତେବେ ସ୍କୁଲ କର୍ତୃପକ୍ଷଙ୍କ ଜାଣତରେ କ୍ୟାମ୍ପସ ଭିତରେ ବିକ୍ରି ହେଉଥିବା ନଜର ଆସିବା ପରେ ଏକ ଜନସ୍ୱାର୍ଥ ମାମଲା ହୋଇଥିଲା ।