ସର୍ବ ପ୍ରଥମେ ଏଠାରେ ଆମେ ସ୍ପଷ୍ଟ କରିବାକୁ ଚାହିଁବୁ କି ଭାରତର ରାଜଧାନୀ ଦିଲ୍ଲୀରେ ଏହା କାର୍ଯ୍ୟକାରୀ ହେବାକୁ ଯାଉଛି । ଖୁବ୍ ଶୀଘ୍ର ଦିଲ୍ଲୀରେ ଶସ୍ତା ହୋଇପାରେ ମାଦକ ଦ୍ରବ୍ୟ । ଦିଲ୍ଲୀ ସରକାର ଏଥିପାଇଁ ସମସ୍ତ ଯୋଜନା ମଧ୍ୟ ପ୍ରସ୍ତୁତ କରିସାରିଛନ୍ତି । ତେବେ ଦିଲ୍ଲୀ ସରକାର ଚାହୁଛନ୍ତି କି ଅନ୍ୟ ବସ୍ତୁଗୁଡିକ ଭଳି ମାଦକ ଦ୍ରବ୍ୟକୁ ବି ଜିଏସଟି ପରିସରରେ ଅଣାଯାଉ ।
Kanak News is now on WhatsApp
Join and get latest news updates delivered to you via WhatsApp
ଦିଲ୍ଲୀ ବିଧାନସଭାରେ ଉପସ୍ଥାପନା କରାଯାଇଥିବା ପଂଚମ ଆର୍ଥିକ ଆୟୋଗ ରିପୋର୍ଟରେ, ମଦକୁ ଜିଏସଟି ପରିସରରେ ଆଣିବାକୁ ସୁପାରିସ କରାଯାଇଛି । ଯାହାକୁ ଖୁବ୍ ଶୀଘ୍ର ଦିଲ୍ଲୀ ସରକାର ଲାଗୁ କରିପାରନ୍ତି । ତେବେ ବର୍ତ୍ତମାନ ଦିଲ୍ଲୀରେ ମଦ ବିକ୍ରି ଉପରେ ୨୦ ପ୍ରତିଶତ ଭାଟ ଲଗାଯାଉଛି, କିନ୍ତୁ ଜିଏସଟି ପରିସରରେ ଆସିବା ଦ୍ୱାରା ମଦ ଉପରେ ୧୮ ପ୍ରତିଶତ ଜିଏଟି ଲାଗିବ । ଅର୍ଥାତ୍ ଏହାଦ୍ୱାରା ମଦ ଉପରେ ଦୁଇ ପ୍ରତିଶତର ଆଶ୍ୱସ୍ତି ମିଳିବ ।
ଜିଏସଟି କାଉନସିଲ ଲଗାତର ମଦକୁ ଜିଏସଟି ପରିସରରେ ଆଣିବାକୁ ଯୁକ୍ତି ବାଢୁଥିଲେ, ହେଲେ ରାଜ୍ୟମାନଙ୍କ ସହମତି ନମିଳିବା କାରଣରୁ ଏହି ମାମଲାଟି ଝୁଲି ରହୁଥିଲା । ତେବେ ଦିଲ୍ଲୀ ସରକାର ଏହି ମାମଲାରେ ଆଗୂୁଆ ପଦକ୍ଷେପ ନେଇ ମଦକୁ ଜିଏସଟି ପରିସରରେ ଆଣିବାର ସୁପାରିସକୁ ସ୍ୱୀକାର କରଛନ୍ତି ।