ଭଦ୍ରାଙ୍କ ଗୁମର ଖୋଲିବାକୁ ୧୬ ଘଣ୍ଟା ଧରି ଚାଲିଲା ରେଟ୍ ! ରାତି ଅନିଦ୍ରା ହୋଇ କାଗଜପତ୍ର ଖୋଜିଲା ଇଡି ଟିମ୍ ।
ରବର୍ଟ ଭଦ୍ରାଙ୍କ ସହଯୋଗୀଙ୍କ ବାସଭବନରେ ପ୍ରବର୍ତନ ନିର୍ଦ୍ଦେଶାଳୟର ଚଢାଉ । ସୋନିଆ ଗାନ୍ଧିଙ୍କ ଜ୍ୱାଇଁ ଭଦ୍ରାଙ୍କ ତିନି ଘନିଷ୍ଟ ସôହଯୋଗୀଙ୍କ କାର୍ଯ୍ୟାଳୟରେ ଇଡି ଚଢାଉ କରିଛି । ଗତକାଲି ଦିଲ୍ଲୀ ଏନସିଆର ଓ ବେଙ୍ଗାଲୁରର ୬ଟି ସ୍ଥାନରେ ଏକକାଳୀନ ଇଡି ଅଧିକାରୀ ଚଢାଉ କରିଛନ୍ତି । ସ୍କାଏଲାଇଟ ହସ୍ପିଟାଲିଟର ସୁଖଦେବ ବିହାର ସ୍ଥିତ କାର୍ଯ୍ୟାଳୟରେ ଚଢାଉ ହୋଇଛି । ୟୁପିଏ ଶାସନ ସମୟରେ ପ୍ରତିରକ୍ଷା ଡିଲକୁ ନେଇ ହୋଇଥିବା କମିସନି କରିବାର ଲିଙ୍କ୍ ସନ୍ଦେହରେ ଚଢାଉ କରିଛି ଇଡି । କାର୍ଯ୍ୟାଳୟରୁ କିଛି ଦସ୍ତାବିଜ ଇଡି ଜବତ କରିଥିବା ବେଳେ ଚଢାଉ ନେଇ କୌଣସି ସୂଚନା ଦେଇନାହିଁ । ପୂର୍ବରୁ ଲାଣ୍ଡ ସ୍କାମ ମାମଲାରେ ରବର୍ଟ ଭଦ୍ରାଙ୍କ ବିରୋଧରେ ପ୍ରବର୍ତନ ନିର୍ଦ୍ଦେଶାଳୟ ତଦନ୍ତ କରୁଛି । ଏନେଇ ଇଡି ଭଦ୍ରାଙ୍କୁ ତୃତୀୟ ଥର ପାଇଁ ସମନ ମଧ୍ୟ ଜାରି କରି ସାରିଛି । ତେବେ ଏହାକୁ ନେଇ କଂଗ୍ରେସ ପଲଟିକାଲ ଭେଣ୍ଡେଟା ଅଭିଯୋଗ ଆଣିଛି କଂଗ୍ରେସ । ଭଦ୍ରାଙ୍କ କଂପାନୀ ଓ ସହଯୋଗୀଙ୍କ କାର୍ଯ୍ୟାଳୟରେ ଚଢାଉ କରି ମିଥ୍ୟା ଦସ୍ତାବିଜକୁ ପ୍ରମାଣିତ କରିବାରୁ ମୋଦି ସରକାର ଉଦ୍ୟମ କରୁଥିବା କଂଗ୍ରେସ ଅଭିଯୋଗ କରିଛି । ଅନ୍ୟପଟେ ବିଜେପି କହିଛି ଏହା ଭଦ୍ରାଙ୍କ ବିରୋଧରେ କାର୍ଯ୍ୟାନୁଷ୍ଠାନ ନୁହେଁ । ତେବେ ଇଡିର ଏହି ରେଟ୍ ୧୬ ଘଣ୍ଟା ପର୍ଯ୍ୟନ୍ତ ଚାଲିଥିଲା । ତେବେ କିଭଳି ଚାଲିଥିଲା ଏହି ୧୬ ଘଣ୍ଟାର ରେଟ୍ ଆସନ୍ତୁ ଜାଣିବା ।
Kanak News is now on WhatsApp
Join and get latest news updates delivered to you via WhatsApp
ସ୍କାଏଲାଇଟ ହସ୍ପିଟାଲିଟି କମ୍ପାନୀର ଓକିଲ ତବରେଜ୍ ଙ୍କ ଆରୋପ ହେଲା ଇଡି ସୁଖଦେବ ବିହାର ସ୍ଥିତ ବାଡାର ଅଫିସରେ କବାଟ ଭାଙ୍ଗି ଭି୍ତରକୁ ପଶିଥିଲେ ଏବଂ କର୍ମଚାରୀଙ୍କୁ ୧୩ ରୁ ୧୪ ଘଣ୍ଟା ଧରି ବନ୍ଦ କରି ରଖିଥିଲେ । ତାଙ୍କ କହିବାନୁସାରେ ଇଡି ଗେଟ୍ ରେ ଲାଗିଥିବା ସିସିଟିଭି କ୍ୟାମେରାକୁ ଭାଙ୍ଗି ଥିଲା । ଅଫିସକୁ ପୁରା ତନ୍ନତନ୍ନ କରି ଦେଖାଗଲା ଏବଂ ସବୁ ତାଲାକୁ ବି ଭାଙ୍ଗି ଦିଆଗଲା । ତବରେଜ୍ ଙ୍କ ଆରୋପ ଅନୁସାରେ ଇଡି ଟିମ୍ ଯେତେବେଳେ ଅଫିସକୁ ଆସିଲେ ସେତେବେଳେ ନିଜ ପରିଚୟ ବି ଦେଇନଥିଲେ ।
ଇଡି ସୁତ୍ରାନୁସାରେ ଏହି ରେଟ୍ କୁ ଭଦ୍ରାଙ୍କ ଓକିଲ ସୁମନ୍ ଜ୍ୟୋତି ଖେତାନ୍ ରେଟ୍ ବଦଳରେ ରାଜନୀତି ଏବଂ ଦୁର୍ବାଭ କହିଥିଲେ । ଖେତାନ୍ ଙ୍କ କହିବାନୁସାରେ, ପାଞ୍ଚ ବର୍ଷରୁ ସରକାର ଭଦ୍ରାଙ୍କୁ ଡରାଇବା ଏବଂ ତାଙ୍କ ଛବିକୁ ସମାଜ ଆଗରେ ଖରାପ କରିବାକୁ ଯଥାସମ୍ଭବ ଚେଷ୍ଟା କରିଛନ୍ତି । ସରକାର ଭଦ୍ରା ଏବଂ ତାଙ୍କ ପରିବାର ,ପରିଜନକୁ କ୍ଷତି ପହଚାଂଇବା ପାଇଁ ଇଡି,ସିବିଆଇ,ଆୟକର ବିଭାଗ ସମେତ ସବୁ ଏଜେନ୍ସୀଙ୍କ ବ୍ୟବହାର କରୁଛନ୍ତି ।
ଚଢାଉ ଉପରେ କ୍ଷୋଭ ପ୍ରକାଶ କଲା କଂଗ୍ରେସ :
ଇଡିର ଚଢାଉରେ କଂଗ୍ରେସର କ୍ଷୋଭ ଆହୁରି ବଢି ଯାଇଥିଲା । କ୍ଷୋଭରେ ଥିବା କଂଗ୍ରେସ ମୋଦି ସରକାରକୁ ବେଆଇନ୍ ଉପାୟରେ ଚଢାଉ କରିଥିବା ନେଇ ଆରୋପ ଲଗାଇଛନ୍ତି । କଂଗ୍ରେସ ପ୍ରବକ୍ତା ରଣଦୀପ ସୁରଜେବାଲାଙ୍କ ମତରେ , ‘ ମୋଦି ସରକାରଙ୍କ ଗୋଡ କବରରେ ଲଟକି ରହିଛି,କିନ୍ତୁ ବେଲଗାମ ବାଦଶାହଙ୍କୁ ଶାସନର ଏଭଳି ମୋହ ଚଢିଛି ଯେ ନିୟମ ,କାନୁନ ଏବଂ ସମ୍ବିଧାନକୁ ଉପରେ ରହି ନିଷ୍ପତି ନେଉଛନ୍ତି । ଇଡି,ସିବିଆଇ,ଆୟକର ବିଭାଗ ଏବେ ସ୍ୱତନ୍ତ୍ର ଜାଞ୍ଚ୍ ଏଜେନ୍ସୀର ଭୁମିକା ବଦଳରେ ମୋଦିଙ୍କ ବ୍ୟକ୍ତିଗତ ଗୁଲାମୀ କରୁଛନ୍ତି । ସେମାନଙ୍କୁ ନା ନିୟମର ସମ୍ମାନ ରହିଛି ନା ରାଜନୀତିକ ସୁଚିତାର ଚିନ୍ତା କରୁଛନ୍ତି । ଏବେ ମୋଦିଜୀ ପ୍ରଧାନମନ୍ତ୍ରୀ ବଦଳରେ ଜଣେ ଡନ୍ ର ଭୂମିକା ନିଭାଉଛନ୍ତି ଏବଂ ନିଜ ପଦର ଦୁରୁପଯୋଗ କରୁଛନ୍ତି ।