ସାବାଡ ହେବ ଚୀନ ଓ ପାକିସ୍ତାନ । ଭାରତୀୟ ନୌସେନାକୁ ମିଳିବ ୧୧୧ଟି ନୂଆ ହେଲିକପ୍ଟର, ୨୧ ହଜାର କୋଟି ମଞ୍ଜୁର କଲା ପ୍ରତିରକ୍ଷା ମନ୍ତ୍ରାଳୟ
ସାବାଡ ହେବେ ଚୀନ ଓ ପାକିସ୍ତାନ । ଆହୁରି ଶକ୍ତିଶାଳୀ ହେବ ଭାରତୀୟ ନୌସେନା । ଏଥିପାଇଁ ଏକ ବଡ ଘୋଷଣା କରିଛି ଭାରତୀୟ ପ୍ରତିରକ୍ଷା ମନ୍ତ୍ରାଳୟ । ନୌସେନା ପାଇଁ ୧୧୧ଟି ବହୁଉଦ୍ଦେଶୀୟ ହେଲିକପ୍ଟର କିଣିବାକୁ ମଞ୍ଜୁରୀ ପ୍ରଦାନ କରିଛି ପ୍ରତିରକ୍ଷା ମନ୍ତ୍ରାଳୟ । ଆଉ ଏଥିପାଇଁ ପାଖାପାଖି ୨୧,୦୦୦ କୋଟିରୁ ଅଧିକ ଟଙ୍କା ଖର୍ଚ୍ଚ ହେବ ବୋଲି ଜଣାପଡିଛି ।
Kanak News is now on WhatsApp
Join and get latest news updates delivered to you via WhatsApp
ରକ୍ଷା ମନ୍ତ୍ରାଳୟର ଏକ ବରିଷ୍ଠ ଅଧିକାରୀଙ୍କ କହିବା ଅନୁଯାୟୀ, ଆବଶ୍ୟକୀୟ ଯୁଦ୍ଧ ସାମଗ୍ରୀ କିଣିବା ପାଇଁ ପାଖାପାଖି ୪୬,୦୦୦ କୋଟି ଟଙ୍କା ମଞ୍ଜୁର କରାଯାଇଛି ।ଯେଉଁଥିରେ ହେଲିକପ୍ଟର ବ୍ୟତୀତ ଅନ୍ୟ ଯୁଦ୍ଧ ସରଞ୍ଜାମ କିଣାଯିବ ବୋଲି ଡିଏସି ବୈଠକରେ ନିଷ୍ପତି ନିଆଯାଇଛି । ସ୍ଥ୍ଳସେନା ପାଇଁ ୧୫୦ଟି ସ୍ୱଦେଶୀ ଜ୍ଞାନକୌଶଳ ଓ ଡିଜାଇନର ୧୫୫ ଏମଏମର ତୋପ କିଣିବାକୁ ପ୍ରସ୍ତାବ ଦିଆଯାଇଛି ।ଯାହାର ଆନୁମାନିକ ମୂଲ୍ୟ ୩,୩୬୪ କୋଟି ଟଙ୍କା ରହିଛି ।
ଏହାପୂର୍ବରୁ ଗତବର୍ଷ ରକ୍ଷା ମନ୍ତ୍ରାଳୟ ଭାରତୀୟ ନୌସେନା ପାଇଁ ୧୧୧ଟି ହେଲିକପ୍ଟର ପାଇଁ ୨୧,୦୦୦ ହଜାର କୋଟି ଟଙ୍କାର ପ୍ରସ୍ତାବକୁ ମଞ୍ଜୁରୀ ମିଳିଥିଲା । ଏହାସହ ଯୁଦ୍ଧପୋତ ନିମନ୍ତେ ୪୫୦ କୋଟି ଟଙ୍କାର ପ୍ରସ୍ତାବ ଉପରେ ମଧ୍ୟ ମୋହର ମାରିଥିଲା ରକ୍ଷା ମନ୍ତ୍ରାଳୟ । ଦୀର୍ଘ ଦିନ ଧରି ଅଟକି ରହିଥିବା ଏହି ପ୍ରସ୍ତାବ ଉପରେ ନିର୍ମଳା ସୀତାରମଣଙ୍କ ଅଧ୍ୟକ୍ଷତାରେ ବସିଥିବା ବୈଠକରେ ମୋହର ବାଜିଥିଲା ।