ଭୁବନେଶ୍ୱର ମେୟରଙ୍କ ବିରୋଧରେ ଯୌନ କେଳେଙ୍କାରୀ ଅଭିଯୋଗ ପ୍ରସଙ୍ଗ: ମାନହାନି ମକଦ୍ଦମା କଲେ ମେୟର
ଭୁବନେଶ୍ୱର : ବିଏମସି ମେୟରଙ୍କ ବିରୋଧରେ ହତ୍ୟା ଓ ସେକ୍ସ ଭିଡିଓକୁ ନେଇ ମାମଲା ପହଂଚିଛି କୋର୍ଟରେ । ଭିଡିଓ ଜାରି କରିଥିବା ନିଆଁଖୁଂଟାର ମୁଖ୍ୟ ଓ ଛାତ୍ର କଂଗ୍ରେସ ସଭାପତିଙ୍କ ବିରୋଧରେ ମାମଲା ରୁଜୁ କରିଛନ୍ତି ମେୟର ଅନନ୍ତ ନାରାୟଣ ଜେନା । ମିଥ୍ୟା ଭିଡିଓ ଜାରି କରି ତାଙ୍କ ସମ୍ମାନ ହାନୀ କରାଯାଇଛି ସେ କହିଛନ୍ତି । ଏଥିପାଇଁ ଭୁବନେଶ୍ୱର ଏସଡିଜେଏମ କୋର୍ଟରେ ମାନହାନୀ ଓ ଫୌଜଦାରୀ ମକଦ୍ଦମା କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ତାଙ୍କ ବିରୋଧରେ ସମସ୍ତ ଅଭିଯୋଗ ମିଛ ଏବଂ କପୋଳକଳ୍ପିତ ବୋଲି କହିବା ସହ ଭିଡିଓକୁ ଭାଇରାଲ କରିଥିବା ବ୍ୟକ୍ତିଙ୍କ ଗିରଫ ଦାବି କରିଛନ୍ତି ମେୟର । ଏଥିସହ ଛାତ୍ର କଂଗ୍ରେସ ସଭାପତି ଇତିଶ ପ୍ରଧାନ ଓ ନିଆଁଖୁଂଟାର ସମ୍ପାଦକ ପ୍ରଦୀପ ପାଣ୍ଡେଙ୍କ ଗିରଫ ଦାବି କରିଛନ୍ତି । ୨୪ ଘଂଟା ମଧ୍ୟରେ ଏମାନଙ୍କୁ ଗିରଫ କରାନଗଲେ ମେୟର ଅନନ୍ତ ନାରାୟଣ ଜେନା ଓ ତାଙ୍କ ସମର୍ଥକ ଆନ୍ଦୋଳନକୁ ଓହ୍ଲାଇବେ କହିଛନ୍ତି ।