ପ୍ରତିଭା ବାଛିବେ ଦେବାଶିଷ ମହାନ୍ତି ! ଜାତୀୟ ଜୁନିୟର କ୍ରିକେଟ ଦଳର ହେଲେ ଚୟନକର୍ତା ।
କନକ ବ୍ୟୁରୋ : କ୍ରିକେଟର ଦେବାଶିଷ ମହାନ୍ତିଙ୍କୁ ଭାରତୀୟ କନିଷ୍ଠ ଦଳର ଚୟନକର୍ତା ଭାବେ ନୂଆ ନିଯୁକ୍ତି ମିଳିଛି । ଏନେଇ ଦେବାଶିଷଙ୍କୁ ଫୋନ ଯୋଗେ ଜଣାଇ ଦିଆଯାଇଛି । ଭେଙ୍କଟେଶ ପ୍ରସାଦ ଗତ ମାର୍ଚ୍ଚ ମାସରେ ମୁଖ୍ୟ ଚୟନକର୍ତା ପଦରୁ ଇସ୍ତଫା ଦେବାପରେ ଏହି ପଦବୀ ଖାଲି ପଡିଥିଲା । ସେହି ସ୍ଥାନରେ ଦେବାଶିଷଙ୍କୁ ଚୟନ କରାଯାଇଛି । ପୂର୍ବରୁ ଲୋଧା କମିଟିର ନିର୍ଦ୍ଦେଶନାମା ଅନୁସାରେ ଏହି ସଦସ୍ୟ ସଂଖ୍ୟାକୁ ୩ ରଖାଯାଇଥିବା ବେଳେ ଗତ ଅଗଷ୍ଟ ୯ତାରିଖରେ ସୁପ୍ରିମକୋର୍ଟ ଏହାକୁ ୫କୁ ବୃଦ୍ଧି କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ଦେବାଶିଷଙ୍କ ସହିତ ଆଶିଷ କପୁର, ରାକେଶ ପାରିଖ, ଜ୍ଞାନେନ୍ଦ୍ର ପାଣ୍ଡେ ଏବଂ ଅମିତ ଶର୍ମା କନିଷ୍ଠ କ୍ରିକେଟରଙ୍କ ଚୟନ କରିବେ । ସେପ୍ଟେମ୍ବର ୯ତାରିଖରୁ ୧୯ବର୍ଷରୁ କମ ଚତୁଃରାଷ୍ଟ୍ରୀୟ ପ୍ରତିଯୋଗିତା ଖେଳାଯିବ । ଏହାପରେ ସେପ୍ଟେମ୍ବର ୨୭ରୁ ଢାକାରେ କନିଷ୍ଠ ଏସିଆ କପ ଖେଳାଯିବ । ଏହାପୂର୍ବରୁ ନୂଆ କନିଷ୍ଠ ଚୟନ ସମିତି ଭାରତୀୟ ଦଳର ଚୟନ କରିବ । ଏହାକୁ ନେଇ ଦେବାଶିଷ ଉତ୍ସାହିତ ଥିବା କହିଛନ୍ତି । ଏହା ତାଙ୍କ ପାଇଁ ଏକ ବଡ ଦାୟିତ୍ୱ ବୋଲି ଦେବାଶିଷ କହିଛନ୍ତି । ଏହିଠାରୁ ଭାରତୀୟ ବରିଷ୍ଠ ଦଳର ଖେଳାଳିମାନେ ତିଆରି ହେଉଥିବାରୁ ଚୟନ ପ୍ରକ୍ରିୟା ନିଶ୍ଚିତ ଭାବେ ବଡ ଆହ୍ୱାନ ହେବ ବୋଲି ସେ କହିଛନ୍ତି ।