ଇଣ୍ଡୋନେସିଆରେ ତାଣ୍ଡବ ରଚିଲା ପ୍ରକୃତି ! ଭୂକମ୍ପ ପରେ ସୁନାମୀ ଯୋଗୁଁ ୧୮ ଫୁଟ୍ ଉଠିଗଲା ସମୁଦ୍ର, ବୁଡିଲା ସହର, ଭସାଇନେଲା ଘରଦ୍ୱାର ।
କନକ ବ୍ୟୁରୋ : ସୁନାମୀର ଦେଶ ଭାବେ ପରିଚିତ ଇଣ୍ଡୋନେସିଆ, ପୁଣି ସାମ୍ନା କରିଛି ଏକ ଭୟଙ୍କର ସୁନାମୀକୁ । ପ୍ରଥମେ ଭୂକମ୍ପ ଏବଂ ପରେ ଆସିଥିବା ସୁନାମୀ, ଦେଶରେ ମହାପ୍ରଳୟ ଆଣିଛି । ୭ ଦଶମିକ ୭ ତୀବ୍ରତାର ଭୂକମ୍ପ ଏବଂ ସୁନାମୀରେ ୧୮ ଫୁଟର ଜୁଆର ସବୁ ଛାରଖାର କରିଦେଇଛି । ମିଳିଥିବା ସୂଚନା ଅନୁସାରେ ଏଯାଏଁ ୩ ଶହ ୮୪ ଜଣଙ୍କ ମୃତ୍ୟୁ ହେଲାଣି । ଅନେକ ନିଖୋଜ ଅଛନ୍ତି । ତେଣୁ ମୃତ୍ୟୁସଂଖ୍ୟା ଆହୁରି ବଢିବା ଆଶଙ୍କା କରାଯାଉଛି । ସୁନାମୀରେ ସଂପୂର୍ଣ୍ଣ ବୁଡିଯାଇଛି ଇଣ୍ଡୋନେସିଆର ‘ପାଲୁ’ ସହର । ସୁନାମୀ ପ୍ରଭାବିତ ଅଂଚଳରେ ଏବେ ଜୋରଦାର ହୋଇଛି ଉଦ୍ଧାରକାର୍ଯ୍ୟ ।
Kanak News is now on WhatsApp
Join and get latest news updates delivered to you via WhatsApp
ଇଣ୍ଡୋନେସିଆରେ ସୁନାମିର ମହାପ୍ରଳୟ । ଭୂକମ୍ପ ପରେ ବିପର୍ଯ୍ୟୟ ଆଣିଲା ଭୟଙ୍କର ସୁନାମୀ । ଜନବସତିକୁ ମାଡି ଆସୁଛି ସମୁଦ୍ର । ବିଶାଳ ଢେଉ ଗର୍ଜନ କରି ଭସାଇ ନେଉଛି ସହରକୁ । ଆଖି ପିଛୁଳାକେ ପାଣିର ସୁଅରେ ଭାସିଯାଉଛି ସବୁକିଛି । ବଡ ବଡ ବିଲଡିଂ, ଗାଡି ମୋଟର , ଘରଦ୍ୱାର ନିଶ୍ଚିହ୍ନ ହୋଇଯାଉଛି । ଶହ ଶହ ଲୋକଙ୍କ ଜୀବନ ଯାଇଛି । ଅନେକଙ୍କ ପତା ମିଳୁନି । ହଜାର ହଜାର ଘର ଭାସିଯାଇଛି ।