ସୁପ୍ରିମକୋର୍ଟଙ୍କ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ! ଭାରତରେ କାଏମ ରହିବ ମୃତ୍ୟୁ ଦଣ୍ଡାଦେଶ ।
ସୁପ୍ରିମକୋର୍ଟ ଏକ ଗୁରୁତ୍ୱପୂର୍ଣ୍ଣ ରାୟ ଶୁଣାଇଛନ୍ତି । ଭାରତରେ ମୃତ୍ୟୁ ଦଣ୍ଡ ଜାରି ରହିବ ବୋଲି ସୁପ୍ରିମକୋର୍ଟ ସ୍ପଷ୍ଟ କରିଛନ୍ତି । ସୁପ୍ରିମକୋର୍ଟରେ ବହୁମତ ମିଳିବା ପରେ, ମୃତ୍ୟୁ ଦଣ୍ଡକୁ କାଏମ ରଖିବା ପାଇଁ ନିଷ୍ପତ୍ତି ନେଇଛନ୍ତି ସୁପ୍ରିମକୋର୍ଟ । ବିଚାରପତି କୁରିୟନ ଜୋସେଫ ଏହି ମାମଲାରେ ସମୀକ୍ଷା କରିବା ପାଇଁ କହିଥିଲେ । ଏହା ପରେ ବିଚାରପତି ଦୀପକ ଗୁପ୍ତା ଏବଂ ହେମନ୍ତ ଗୁପ୍ତା ମୃତ୍ୟୁ ଦଣ୍ଡକୁ ଜାରି ରଖିବା ନିଷ୍ପତ୍ତିକୁ ନେଇ ସହମତି ଜଣାଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁଯାୟୀ, ଛତିଶଗଡରେ ତ୍ରିପଲ୍ ହତ୍ୟା ଅଭିଯୋଗ ନେଇ ଜଣେ ଅଭିଯୁକ୍ତଙ୍କ ଶୁଣାଣୀ ବେଳେ ସୁପ୍ରିମକୋର୍ଟ ଏହି ଗୁରୁତ୍ୱପୂର୍ଣ୍ଣ ନିଷ୍ପତ୍ତି ଶୁଣାଇଛନ୍ତି । ଅଭିଯୁକ୍ତ ଛନ୍ନୁ ଲାଲ୍ ବର୍ମାଙ୍କୁ କୋର୍ଟ ମୃତ୍ୟୁଦଣ୍ଡ ଶୁଣାଇଥିଲେ । ମାମଲାର ଶୁଣାଣୀ ସମୟରେ ଅଭିଯୁକ୍ତ ମୃତ୍ୟୁ ଦଣ୍ଡକୁ କମ କରିବା ପାଇଁ କୋର୍ଟଙ୍କ ନିକଟରେ ଗୁହାରି କରିଥିଲେ । ଏହା ପୂର୍ବରୁ ମଧ୍ୟ ସୁପ୍ରିମକୋର୍ଟ କହିଥିଲେ ଯେ, ଅନ୍ୟ କେତେକ ଦେଶରେ ମୃତ୍ୟୁଦଣ୍ଡ ଉଚ୍ଛେଦ କରାଯିବା ଭାରତୀୟ ଆଇନ୍ ବ୍ୟବସ୍ଥା ସହ କୌଣସି ସମ୍ବନ୍ଧ ନାହିଁ । ତେଣୁ ଭାରତରେ ମୃତ୍ୟୁ ଦଣ୍ଡାଦେଶ ଆଗକୁ ଜାରି ରହିବ ।