ରାବଣ ପୋଡି ବେଳେ ବରଗଡ ସୋହେଲାରେ ଅଭାବନୀୟ ଘଟଣା : ମାଗଣାରେ ମଦ ନଦେବାରୁ ଗଣ୍ଡଗୋଳ, ବ୍ୟବସାୟୀଙ୍କ ଭୁଜାଲି ଆକ୍ରମଣରେ ଜଣେ ମୃତ
କନକ ବ୍ୟୁରୋ : ମଦ ପାଇଁ ଗଡିଲା ମୁଣ୍ଡ । ଏହି ଘଟଣା ଘଟିଛି ବରଗଡର ସୋହେଲାରେ । ମାଗଣାରେ ମଦ ନଦେବାରୁ ଗଣ୍ଡଗୋଳ ଘଟି ମଦ ବ୍ୟବସାୟୀଙ୍କ ଆକ୍ରମଣରେ ଜଣେ ଯୁବକଙ୍କ ମୃତ୍ୟୁ ଘଟିଛି ଓ ଅନ୍ୟ ଜଣ ୩ ଯୁବକ ଗୁରୁତର ଆହତ ହୋଇଛନ୍ତି । ମୃତକ ହେଲେ ଛତିଶଗଡର ସଂଜୀବ ପ୍ରଧାନ । ଆହତ ଯୁବକ ବିଜେପୁର ଥାନା ବାଦିପାଲି ଗାଁର । ଘଟଣା ପରେ ମଦ ବ୍ୟବସାୟୀ ଓ ଅନ୍ୟ ଯୁବକ ଫେରାର ହୋଇଯାଇଛନ୍ତି । ପୋଲିସ ତନାଘନା ଆରମ୍ଭ କରିଛି ।
Kanak News is now on WhatsApp
Join and get latest news updates delivered to you via WhatsApp
ଖବର ଅନୁସାରେ, ବାଦୀପାଲ ଗାଁର କିଛି ଯୁବକ ମଦ ପିଇବାକୁ ନିକଟସ୍ଥ ଦୋକାନକୁ ଯାଇଥିଲେ । ମାଗଣାରେ ମଦ ଦେବାକୁ କହିବାକୁ ବ୍ୟବସାୟୀଙ୍କ ସହ ଗଣ୍ଡଗୋଳ ହୋଇଥିଲା । ମଦ ବ୍ୟବସାୟୀଙ୍କ ଆକ୍ରମଣରେ ବାଦୀପାଲା ଗାଁର ୩ ଯୁବକ ଗୁରୁତର ଆହତ ହୋଇଛନ୍ତି । ଘଟଣା ସମୟରେ ପାଖରେ ଥିବା ଛତିଶଗଡର ସଂଜୀବ ପ୍ରଧାନଙ୍କୁ ମଧ୍ୟ ଭୁଜାଲିରେ ଆକ୍ରମଣ ହୋଇଥଲା । ଗୁରୁତର ଅବସ୍ଥାରେ ସଂଜୀବଙ୍କୁ ସୋହେଲା ଡାକ୍ତରଖାନାରେ ଭର୍ତ୍ତି କରାଯାଇଥିଲେ ବି ସେଠାରେ ତାଙ୍କର ମୃତ୍ୟୁ ହୋଇଥିଲା । ଏହାକୁ ନେଇ ସୋହେଲାରେ ଉତ୍ତଜେନା ଦେଖାଦେଇଛି ।