କନକ ବ୍ୟୁରୋ : ସରକାରଙ୍କ ବିଭିନ୍ନ ଯୋଜନା ସହ ଆଧାର କାର୍ଡ଼ ସଂଯୋଗ କରିବା ଡେଡଲାଇନକୁ ଘୁଞ୍ଚାଇ ଦିଆଯାଇଛି । ୨୦୧୮ , ମାର୍ଚ୍ଚ ୩୧ ପର୍ଯ୍ୟନ୍ତ ଘୁଞ୍ଚିଲା ସଯୋଗ ସମୟ । ଆଜି ଏନେଇ କେନ୍ଦ୍ର ସରକାର ସର୍ବୋଚ୍ଚ ନ୍ୟୟାଳୟକୁ ସୂଚନା ଦେଇଛନ୍ତି । ତେବେ ଏହି ନିଷ୍ପତ୍ତି ଯୋଗୁଁ ଲୋକଙ୍କୁ ଟିକିଏ ଆଶ୍ୱସ୍ତି ମିଳିଛି । କାରଣ ସରକାରଙ୍କ ଯୋଜନା ଗୁଡ଼ିକରେ ଆଧାରକାର୍ଡ ନମ୍ବରକୁ ଯୋଡ଼ିବା ବାଧ୍ୟତାମୂଳକ ଥିଲା ଓ ଏଥି ପାଇଁ ପୂର୍ବରୁ ନିର୍ଦ୍ଧାରିତ ସମୟ ଦିଆଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
କିନ୍ତୁ ହିତାଧିକାରୀ ସେମାନଙ୍କର ଆଧାରକାର୍ଡକୁ ସରକାରୀ ଯୋଜନା ସହିତ ଆଶାନୁରୂପକ ସଂଖ୍ୟାରେ ଯୋଡ଼ିପାରି ନଥିବାରୁ ସରକାରଙ୍କ ପକ୍ଷରୁ ବୁଧବାର ତାରିଖ ବଢ଼ାଇ ଦିଆଯାଇ ୨୦୧୮ ମାର୍ଚ୍ଚ ୩୧ ରଖାଯାଇଛି ବୋଲି କେନ୍ଦ୍ର ସରକାର ସୁପ୍ରିମକୋର୍ଟଙ୍କୁ କହିଛନ୍ତି । ଏହାସହ ଆଡ଼ଭୋକେଟ୍ ଜେନେରାଲ କେ କେ ବେଣୁଗୋପାଲ କହିଛନ୍ତି ଯେଉଁ ମାନେ ୩୧ ମାର୍ଚ୍ଚ ପର୍ଯ୍ୟନ୍ତ ଆଧାର ସଂଯୋଗ କରିପାରୁ ନାହାନ୍ତି ତାଙ୍କ ବିରୋଦରେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ନାହିଁ । ଏବଂ ସେମାନେ ଯଦି କୌଣସି ଯୋଜନାରୁ ସରକାରୀ ସୟାହତା ପାଉଛନ୍ତି ସେଥିରୁ ସେମାନେ ବଞ୍ଚିତ ହେବେ ନାହିଁ ।
ଆଜିର ଦିନରେ ଆଧାରକାର୍ଡ ସବୁ କାମରେ ଗୁରୁତ୍ୱପୂର୍ଣ୍ଣ କାମ କରୁଛି । ରାଜ୍ୟ ହେଉ ବା କେନ୍ଦ୍ର ସରକାରଙ୍କ ପାଖରେ ଆଧାରକାର୍ଡ ବ୍ୟକ୍ତିର ଅସଲ ପରିଚୟ ପତ୍ର ଭାବରେ ସାହାଯ୍ୟ କରୁଛି । ଏଥି ପାଇଁ ସରକାର ମଧ୍ୟ କାମ କରୁଛନ୍ତି। ବିନା ଆଧାରକାର୍ଡରେ ପାସପୋର୍ଟ ପ୍ରସ୍ତୁତ କରିବା, ବ୍ୟାଙ୍କ ଆକାଉଣ୍ଟ ଖୋଲିବା ଟେଲିଫୋନ୍ ଓ ମୋବାଇଲ୍ କନେକ୍ସନ ନେବା, ରେଳ ଟିକେଟ କାଟିବା ସହଜ ହେଉ ନାହିଁ । ନିିକଟରେ ନିର୍ବାଚନ ଆୟୋଗ ଆଧାରକାର୍ଡକୁ ଭୋଟ ପରିଚୟ ପତ୍ର ସହିତ ତୁଳନା କରିଥିଲେ ।
ଏହାରି ମାଧ୍ୟମରେ କର୍ମଚାରୀ ଜମା ଟଙ୍କାରୁ ପିଏଫ୍ ସିଧାସଳଖ ଟ୍ରାନ୍ସଫର କରି ପାରିବ । ସେହିପରି ଆଧାରଲିଙ୍କ ଆୟକର ରିଟର୍ଣ୍ଣରେ ଗୁରୁତ୍ୱପୂର୍ଣ୍ଣ ଭୂମିକା ନେଇଛି । କେବଳ ସେତିକି ନୁହେଁ ପ୍ରଧାନମନ୍ତ୍ରୀ ଉଜ୍ଜଳା ଯୋଜନାରେ ଗ୍ୟାସ ସଂଯୋଗ କରିବା ପାଇଁ ଆଧାରକାର୍ଡକୁ ବାଧ୍ୟତାମୂଳକ କରି ଦିଆଯାଇଛି । ଡିଜିଟାଲ ପେମେଣ୍ଟରେ ମଧ୍ୟ ଆଧାରକାର୍ଡ କାମ କରୁଛି ।