କନକ ବ୍ୟୁରୋ : ବୌଦ୍ଧରେ ହଜିଗଲା ମାନବିକତା । ସଦର ବ୍ଲକ କୃଷ୍ଣପାଲି ଗାଁରେ ଶବକୁ ମିଳିଲାନି କାନ୍ଧ । ସାଇକେଲରେ ମହିଳାଙ୍କ ମୃତଦେହ ବୋହି ଶ୍ମଶାନକୁ ନେଲେ ସଂପର୍କୀୟ ।ଏଭଳି ଏକ ଅଭାବନୀୟ ଘଟଣା ଆଜି ବୌଦ୍ଧରେ ଦେଖିବାକୁ ମିଳିଛି । ଯାହା ସଭ୍ୟ ସମାଜର ମୁଣ୍ଡକୁ ତଳକୁ କରି ଦେଇଛି । ବାରମ୍ବାର ଏଭଳି ଘଟଣା ଦେଖିବାକୁ ମିଳୁଥିଲେ ମଧ୍ୟ ପ୍ରଶାସନ ଚୁପ୍ ବସିଛି ।
Kanak News is now on WhatsApp
Join and get latest news updates delivered to you via WhatsApp
ଘଟଣା ଅନୁଯାୟୀ, କୃଷ୍ଣପାଲିର ପାଂଚ ମହାକୁଡ ଦୁଇ ଦିନ ହେବ ଡାଇରିଆରେ ଆକ୍ରାନ୍ତ ହୋଇ ଡାକ୍ତରଖାନାରେ ଚିକିତ୍ସିତ ହେଉଥିଲେ । ତେବେ ଚିକିତ୍ସାଧିନ ଅବସ୍ଥାରେ ତାଙ୍କର ମୃତ୍ୟୁ ହୋଇଥିଲା । କିନ୍ତୁ ତାଙ୍କର ମୃତ୍ୟୁ ପରେ ସକ୍ରାର ପାଇଁ ଶ୍ମଶାନକୁ ନେବା ପାଇଁ କାନ୍ଧ ମିଳିନଥିଲା । ତେଣୁ ମୃତ ମହିଳାଙ୍କ ଭିଣୋଇ ଶବକୁ ସାଇକେଲରେ ବୋଲି ଶ୍ମଶାନକୁ ନେଇଥିଲେ ।