ବଲାଙ୍ଗିର : ବଲାଙ୍ଗିର ସହରରେ ଏପରି ଏକ ଅମାନବୀୟ ଦୃଶ୍ୟ ଦେଖିବାକୁ ମିଳିଛି । ଯାହାକୁ ଦେଖିଲେ ହୃଦୟ ବିଚଳିତ ହୋଇ ପଡିବ । ସହରର ଜନଗହଳି ପୂର୍ଣ୍ଣ ରାସ୍ତାରେ ଅତି ଅମାନବୀୟ ଭାବେ ଶବକୁ ପରିବାର ଲୋକ ରିକ୍କାରେ ବୋହି ନେଇଛନ୍ତି । ଶବକୁ ବି ସମ୍ମାନ ମିଳିଲା ନାହିଁ । ଏହାକୁ ଦେଖି ଲୋକମାନେ ହତଚକିତ ହୋଇ ଯାଇଥିଲେ । ବଲାଙ୍ଗିର ଡାକ୍ତରଖାନା ଶବ ବ୍ୟବଚ୍ଛେଦ ଗୃହ ନିକଟରୁ ବଲାଙ୍ଗିର ହାଟପଦାପଡା ଠାରେ ଥିବା ମଶାଣିକୁ ଶବ ଶସ୍କାର ପାଇଁ ନିଆଯାଉଥିଲା । ବଲାଙ୍ଗିର ସହରର ଜୁନାଡିହ ପଡାର ୩୫ ବର୍ଷୀୟ ଗଣେଶ ମାଝୀ ପାରିବାରିକ କଳହ ଯୋଗୁଁ ଟ୍ରେନ ଆଗକୁ ଡେଇଁ ଆତ୍ମହତ୍ୟା କରିଥିଲେ । ଆଜି ସକାଳୁ ପରିବାର ଲୋକ ଖୋଜାଖୋଜି କରିବା ପରେ ଟ୍ରେନ ଲାଇନ କଡରେ ଗଣେଶଙ୍କ ମୃତଦେହ ପଡିଥିଲା । ଏନେଇ ବଲାଙ୍ଗିର ଜିଆରପି ତଦନ୍ତ ଆରମ୍ଭ କରିଥିଲା । ଶବ ବ୍ୟବଚ୍ଛେଦ ପାଇଁ ବଲାଙ୍ଗିର ଡାକ୍ତରଖାନାରେ ଦାୟିତ୍ୱରେ ଥିବା ଡାକ୍ତର ବ୍ୟବଚ୍ଛେଦ କରିବାକୁ ମନା କରିଦେବାରୁ ମୃତଦେହ ବହୁ ସମୟ ଧରି ବାହାରେ ପଡି ରହିଥିଲା । ଶେଷରେ ବାଧ୍ୟ ହେଇ ଗଣେଣଙ୍କ ସଂପର୍କୀୟମାନେ ଏକ ରିକ୍କା ଭଡା କରି ମଶାଣିକୁ ଶବଦାହ କରିବାକୁ ନେଇଥିଲେ । ଏହି ଦୃଶ୍ୟ ଦେଖି ବିଚଳିତ ହୋଇ ପଡିଥିଲେ ଦେଖଣାହାରି ।
Kanak News is now on WhatsApp
Join and get latest news updates delivered to you via WhatsApp
ଆର୍ଥିକ ଅନଟନ ଯୋଗୁଁ ରିକ୍କାରେ ମୃତଦେହ ଦାହ ପାଇଁ ନେଉଥିଲୁ ବୋଲି କହିଛନ୍ତି ଗଣେଶଙ୍କ ପରିବାର ।ରାଜ୍ୟ ସରକାରଙ୍କ ହରିଚନ୍ଦ୍ର ଯୋଜନା ଭଲି ବହୁ ଗୁଡାଏ ଯୋଜନା ଗରିବ ଲୋକଙ୍କ ପାଇଁ ରହିଛି । ତେବେ ଜଣେ ଗରିବ ଲୋକ ମଲା ପରେ କି ସମ୍ମାନ ପାଉଛି ତାହାର ନଜିର ବଲାଙ୍ଗିର ସହରରେ ଦେଖାଦେଇଛି । ଗଣେଶ ଆତ୍ମହତ୍ୟା କରିଛନ୍ତି ନା ତାଙ୍କୁ କେହି ହତ୍ୟା କରି ଟ୍ରେନ ଲାଇନ କଡକୁ ଫୋପାଡି ଦେଇଛି ତାହାକୁ ନେଇ ମଧ୍ୟ ସାଧାରଣରେ ପ୍ରଶ୍ନବାଚୀ ସୃଷ୍ଟି ହୋଇଛ ।