ଟ୍ରେନର ଏସି ବଗି ଛାତରୁ ପଡିଲା ରକ୍ତ ! ଯାଞ୍ଚ ପରେ ସାମ୍ନାକୁ ଆସିଲା ଭୟଙ୍କର ସତ ।
ନୂଆଦିଲ୍ଲୀରୁ ହାଇଦ୍ରାବାଦ ଯାଉଥିବା ତେଲେଙ୍ଗାନା ଏକ୍ସପ୍ରେସରେ ରାତି ଅଧରେ ମିଳିଲା ଏକ ମୃତ ଦେହ । କିଛି ସମୟ ଧରି ଟ୍ରେନରେ ଖେଳିଯାଇଥିଲା ଆତଙ୍କ । ମୃତଦେହଟି ଦୁଇଟି ଏସି ବଗିର ମଝିରେ ବଫର ଉପରେ ଏକ ଅଖା ଭିତରେ ବନ୍ଦ କରାଯାଇ ରଖାଯାଇଥିଲା । ସୂଚନା ଅନୁଯାୟୀ, ୧୨୭୨୪ ତେଲେଙ୍ଗାନା ଏକ୍ସପ୍ରେସ ସୋମବାର ରାତି ୧୨ ଟାରେ ଝାନ୍ସି ଷ୍ଟେସନରୁ ଭୋପାଳ ଅଭିମୁଖେ ବାହାରିଥିଲା । ଏହା ମଧ୍ୟରେ ନିଜ ପତ୍ନୀଙ୍କ ସହ ଏସି କୋଚ ବି ୪ରେ ଯାତ୍ରା କରୁଥିବା ଫରିଦାବାଦର ଜଣେ ବ୍ୟକ୍ତି ସେହି କୋଚରେ ଥିବା ଆଉ ଜଣେ ବ୍ୟକ୍ତିଙ୍କ ଉପରେ ବ୍ୟାଗ ଚୋରିର ଅଭିଯୋଗ ଆଣିଥିଲେ ।
Kanak News is now on WhatsApp
Join and get latest news updates delivered to you via WhatsApp
ପ୍ୟାସେଞ୍ଜର ମାନଙ୍କର ସୂଚନା ଅନୁଯାୟୀ, ଝାନ୍ସି ପୂର୍ବରୁ କରାରୀ ଷ୍ଟେସନ ପାଖରେ ଆଉଟର ଠାରେ କିଛି ବ୍ୟକ୍ତି ତିନିଟି ସୁନା ମୁଦି ଏବଂ କପଡା ଥିବା ଏକ ବ୍ୟାଗ ଚୋରି କରିନେଇଥିଲେ । ଯେତେବେଳେ ସେ ଚୋରମାନଙ୍କ ପଛରେ ଦୌଡିଥିଲେ, ସେତେବେଳେ ଚୋରି କରିଥିବା ଅଭିଯୁକ୍ତ ମାନେ ତାଙ୍କୁ ଗୁଳି ମାରିଦେବା ନେଇ ଧମକ ମଧ୍ୟ ଦେଇଥିଲେ । ଏହାପରେ ଟ୍ରେନରେ ଉପସ୍ଥିତ ଥିବା ରେଳବାଇ ପୋଲିସ ଚୋରଙ୍କୁ ଧରିବା ପାଇଁ ଯାଇଥିଲେ ।
ଏହା ମଧ୍ୟରେ ଏସି କୋଚ ବି୪ ଏବଂ ବି୩ କୁ ଯୋଡୁଥିବା କପଲିଙ୍ଗ ବଫରରୁ ରକ୍ତ ବୁନ୍ଦା ପଡୁଥିବା ଯାତ୍ରୀମାନେ ଦେଖିବାକୁ ପାଇଥିଲେ । ଏହାପରେ ସେମାନେ ସାଙ୍ଗେ ସାଙ୍ଗେ ରେଳବାଇ ପୋଲିସକୁ ଏନେଇ ସୂଚନା ଦେଇଥିଲେ । ଏହାପରେ ପୋଲିସ କଣ୍ଟ୍ରୋଲ ରୁମକୁ ଖବର ଦେବା ପରେ ବିଳମ୍ବିତ ରାତିରେ ଲଳିତପୁର ଷ୍ଟେସନ ଠାରେ ଟ୍ରେନକୁ ଅଟକାଯାଇଥିଲା । ଏହାପରେ ବଗି ଉପରେ ଏକ ଧଳା ରଙ୍ଗର ଅଖା ଥିବା ରେଳବାଇ ପୋଲିସ ଦେଖିବାକୁ ପାଇଥିଲେ । ଯେଉଁଥିରେ ରକ୍ତ ଲାଗିଥିଲା । ଯେତେବେଳେ ଅଖାଟିକୁ ଖୋଲାଯାଇଥିଲା, ସେତେବେଳେ ରକ୍ତରେ ଭିଜିଥିବା ଜଣେ ବ୍ୟକ୍ତିଙ୍କ ମୃତଦେହ ମିଳିଥିଲା । ଏବଂ ସମ୍ପୃକ୍ତ ବ୍ୟକ୍ତିଙ୍କର ମୁହଁ ଦେଖିଲେ ତାଙ୍କୁ ଚିହ୍ନି ହେଉନଥିଲା । ଲଳିତପୁର ଜିଆରପି ଥାନା ଅଧିକାରୀ ସଞ୍ଜୟ ସିଂହ କହିଛନ୍ତି, ସିଟିଆଇର ସୂଚନା ଆଧାରରେ ମାମଲା ଦାୟର କରାଯାଇ ଏହାର ତଦନ୍ତ କରାଯାଉଛି ।