ରାଲି ଆଗରେ ଫିକା ପଡିଲା ସିଆରପିଏଫ୍ ଇନ୍ସପେକ୍ଟରଙ୍କ ବଳିଦାନ ! ଫୁଲ ଚଢ଼ାଇବା ପାଇଁ ପହଂଚିଲେନି କୌଣସି ମନ୍ତ୍ରୀ
ଜାମ୍ମୁ-କାଶ୍ମୀରର ହିନ୍ଦୱାଡାରେ ଆତଙ୍କବାଦୀଙ୍କ ସହିତ ଏନକାଉଣ୍ଟରରେ ସହିଦ ହୋଇଥିବା ସିଆରପିଏଫ୍ ଇନ୍ସପେକ୍ଟର ପିଣ୍ଟୁ ସିଂହଙ୍କ ଶବ ରବିବାର ଦିନ ପାଟନା ପହଂଚିଲା । ପାଟନା ଏୟାରପୋର୍ଟରେ ପିଣ୍ଟୁଙ୍କ ପାର୍ଥିବ ଶରୀର ସକାଳ ୮ଟା ୧୫ ମିନିଟରେ ଅଣାଗଲା, କିନ୍ତୁ ଏହି ସମୟରେ ଶାସକ ଦଳର କୌଣସି ବି ଚେହେରା ଶବକୁ ଫୁଲ ଚଢ଼ାଇବା ପାଇଁ ଆସିଲେନି ।
Kanak News is now on WhatsApp
Join and get latest news updates delivered to you via WhatsApp
ପାଟନା ଏୟାରପୋର୍ଟରେ ସହିଦ ପିଣ୍ଟୁ ସିଂହଙ୍କୁ ଏସଏସପି ଗରିମା ମଲ୍ଲିକଙ୍କ ସମେତ ସିଆରପିଏଫର ଅନ୍ୟ ବଡ ଅଧିକାରୀ ଶ୍ରଦ୍ଧାଂଜଳି ଦେଲେ, ଯାହା ପରେ ତାଙ୍କ ଶବ ହେଲିକପ୍ଟରରେ ତାଙ୍କ ପୈତୃକ ଗାଁ ବେଗୁସରାୟ ପଠାଗଲା । ପାଟନା ଏୟାରପୋର୍ଟରେ ସହିଦଙ୍କ ଶବକୁ ଶ୍ରଦ୍ଧାଜଂଳି ଦେବା ପାଇଁ ନା ମୁଖ୍ୟମନ୍ତ୍ରୀ ନା ତାଙ୍କ କ୍ୟାବିନେଟର କୌଣସି ସହଯୋଗୀ ସେଇଠି ଉପସ୍ଥିତ ଥିଲେ । ବିରୋଧର ଦଳରୁ କଂଗ୍ରେସ ପ୍ରଦେଶ ମଦନ ମୋହନ ଝାଙ୍କୁ ଛାଡି କୌଣସି ଅନ୍ୟ ନେତା ସେଇଠି ଉପସ୍ଥିତ ନଥିଲେ । ସହିଦ ପିଣ୍ଟୁଙ୍କ ଶବକୁ ନେବା ପାଇଁ ତାଙ୍କ ଭଉଣୀ ଓ ଭାଉଜ ଏୟାରପୋର୍ଟରେ ଉପସ୍ଥିତ ଥିଲେ ।