ପୁରୀ ଜିଲ୍ଲା ଯକ୍ଷ୍ମା ମେଡିକାଲରେ ଅଭାବନୀୟ ସ୍ଥିତି ! ତିନି ଦିନ ଧରି ପଡି ରହିଲା ଅଜଣା ଶବ
କନକ ବ୍ୟୁରୋ : ପୁଣି ଚର୍ଚ୍ଚାରେ ସ୍ୱାସ୍ଥ୍ୟ ବିଭାଗ । ଚିକିତ୍ସା ଅବହେଳା ନୁହେଁ ମେଡିକାଲ ଭିତରେ ତିନି ଦିନ ଧରି ପଡିରହିଛି ମୃତଦେହ । ୱାର୍ଡ ଭିତରେ ମୃତଦେହ ପଡି ରହିଥିବା ବେଳେ ଚିକିତ୍ସିତ ହେଉଥିବା ରୋଗୀ ଏହାକୁ ନେଇ ଅସନ୍ତୋଷ ପ୍ରକାଶ କରିଛନ୍ତି । ଏନେଇ ଡାକ୍ତରଙ୍କୁ ଜଣାଇଥିଲେ ମଧ୍ୟ ବିଭାଗୀୟ ଅଧିକାରୀ ପଦକ୍ଷେପ ନେବାରେ ବିଳମ୍ବ କରିଥିବା ଅଭିଯୋଗ ହୋଇଛି । ଅଜଣା ମୃତଦେହ ବୋଲି ଏହାକୁ କେହି ଗୁରୁତ୍ୱ ଦେଇନଥିବା ୱାର୍ଡରେ ଥିବା ରୋଗୀଙ୍କ ସଂପର୍କୀୟ କହିଛନ୍ତି । ଫଳରେ ପୁରୀ ଜିଲ୍ଲା ଯକ୍ଷ୍ମା ହସ୍ପିଟାଲରେ ଅଭାବନୀୟ ପରିସ୍ଥିତି ସୃଷ୍ଟି ହୋଇଛି । ତେବେ ଆଜି ଦିନ ପ୍ରାୟ ୯ଟା ବେଳେ ଏହି ଶବକୁ ଶବଗୃହକୁ ସ୍ଥାନାନ୍ତର କରାଯାଇଛି । ତେବେ କାହିଁକି ଅଜଣା ଶବ ବୋଲି ଏମିତି ୱାର୍ଡରେ ଦିନ ଦିନ ଧରି ପଡି ରହିଲା ବୋଲି ସାଧାରଣରେ ପ୍ରଶ୍ନ ଉଠିଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ ସରକାର ଅପରିଚିତଙ୍କ ପାଇଁ ସ୍ୱତନ୍ତ୍ର ବ୍ୟବସ୍ଥା କରିଥିବା ବେଳେ ଶବ ଦାହ ପାଇଁ ମଧ୍ୟ ହରିଶ୍ଚନ୍ଦ୍ର ଯୋଜନା କରିଛନ୍ତି । ତେବେ ଏ ନେଇ କର୍ତ୍ତୃପକ୍ଷ ଜିଲ୍ଲା ମୁଖ୍ୟ ଚିକିତ୍ସାଧିକାରୀଙ୍କୁ ଲିଖିତ ଭାବେ ଅବଗତ କରାଇଛନ୍ତି । କିଛିଦିନ ତଳେ ତାଙ୍କୁ ରାସ୍ତାକଡ଼ରୁ ଗୁରୁତର ଅବସ୍ଥାରେ ଉଦ୍ଧାର କରି ଏଠାରେ ଚିକିତ୍ସା ଲାଗି ଭର୍ତ୍ତି କରାଯାଇଥିଲା । ଗତକାଲି ରାତିରେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ଘଟିଥିଲା । ହେଲେ ଆଜି ସୁଦ୍ଧା ତାଙ୍କୁ ସେଠାରୁ ନିଆଯାଇ ନାହିଁ ।