ବିକାଶର ବହୁ ଦୂରରେ ଉମରକୋଟ: ଆସିଲାନି ଆମ୍ବୁଲାନ୍ସ କି ଶବବାହକ ଗାଡି, ବାପାର ଶବକୁ ବାଇକରେ ବୋହିଲେ ପୁଅ

299

କନକ ବ୍ୟୁରୋ: ପୁଣି ବାଇକରେ ବୁହାହେଲା ଶବ । ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି ନବରଙ୍ଗପୁର ଜିଲ୍ଲା ଉମରକୋଟରେ । ଗତକାଲି ରାତି ପ୍ରାୟ ୧୨ଟା ୩୦ରେ ଉମରକୋଟର ଗୋପବନ୍ଧୁ ଛକରେ ଏକ ବାଇକ ଉପରେ ଶବ ବାନ୍ଧି ଦୁଇ ଜଣ ବୋହି ନେଉଥିବା ଦେଖିବାକୁ ମିଳିଥିଲା । ସୂଚନା ଅନୁଯାୟୀ ଜଣାପଡିଛି ଯେ ରାଇଘର ବ୍ଲକର କୁଡୁମୁଁଧରା ଗ୍ରାମର ବଳି ଶାନ୍ତା ଭାଇସବନ୍ଧା ଗାଁକୁ ଯାଇଥିଲେ ।

ସେଠାରେ ବଳିଙ୍କ ସ୍ୱାସ୍ଥ୍ୟ ଅବସ୍ଥା ଖରାପ ହେବାରୁ ଆମ୍ବୁଲାନ୍ସକୁ ଯୋଗାଯୋଗ କରିଥିଲେ । କିନ୍ତ ଆମ୍ବୁଲାନ୍ସ ଠିକ୍ ସମୟରେ ପହଞ୍ଚି ନଥିଲା। ଫଳରେ କିଛି ସମୟ ପରେ ବଳିଙ୍କର ମୃତ୍ୟୁ ହୋଇଥିଲା । ବଳିଙ୍କ ଶବକୁ ଭାଇସବନ୍ଧଠାରୁ କୁଡୁମୁଧରାକୁ ନେବାକୁ ଶବବାହାକ ଗାଡିକୁ ଯୋଗାଯୋଗ କରିଥିଲେ । ହେଲେ ଶବ ବାହାକ ଗାଡି ମଧ୍ୟ ଆସିନଥିଲା । ଫଳରେ ବାଧ୍ୟ ହୋଇ ତାଙ୍କ ପୁଅ ସମ୍ପର୍କୀୟ ଏକ ବାଇକ୍ ଯୋଗେ ମୃତ ଦେହକୁ ଗାଁକୁ ବୋହି ନେଉଥିଲେ ।

Comments are closed.