ପ୍ରଚାରରେ କମ୍ପୁଛି ବିଜେପୁର ମୈଦାନ: ଏପଟେ ମୁଖ୍ୟମନ୍ତ୍ରୀ, ସେପଟେ କେନ୍ଦ୍ରମନ୍ତ୍ରୀ; ଦଳୀୟ ପ୍ରାର୍ଥୀଙ୍କ ପାଇଁ କରୁଛନ୍ତି ଜୋରଦାର୍ କ୍ୟାମ୍ପେନିଂ
ଦ୍ୱିତୀୟ ଦିନରେ ମୁଖ୍ୟମନ୍ତ୍ରୀଙ୍କ କ୍ୟାମ୍ପେନିଂ, ଗାଇସିଲଟ୍ ବ୍ଲକରେ ରୋଡ ସୋ’; ବରପାଲି ଓ ବିଜେପୁର ବ୍ଲକରେ ଧର୍ମେନ୍ଦ୍ର ପ୍ରଧାନଙ୍କ କ୍ୟାମ୍ପେନିଂ
କନକ ବ୍ୟୁରୋ: ବିଜେପୁରରେ ଚାଲିଛି ହାଇଭୋଲଟେଜ୍ ପ୍ରଚାର । ବିଜେପୁରରେ ବିଜେଡି ପ୍ରାର୍ଥୀ ରୀତା ସାହୁଙ୍କ ପାଇଁ ଦ୍ୱିତୀୟ ଦିନରେ ପ୍ରଚାର କରୁଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଗାଇସିଲଟ ବ୍ଲକ, କେନ୍ଦୁଭଟା ଛକ, ଗୌରିମୁଣ୍ଡା ଛକ, ଗାଇସିଲଟ୍, କେନ୍ଦୁମୁଣ୍ଡା, କଠଉମାଲ, ବଡ଼ ସାହାଜବାହାଲ, ଜଗଦଲପାଟ, ଭଂଗାମୁଣ୍ଡା, ଡାଙ୍ଗବାହାଲ, ସରଧାପାଲି, କରଞ୍ଜାପାଲି, କିର୍ମେଲି ଛକ, କୁଣ୍ଡାଖାଇ, ଗୁନ୍ଦେରପାଲି ପର୍ଯ୍ୟନ୍ତ ରୋଡ୍ ସୋ କରିଛନ୍ତି । ହାଇଟେକ ବସରେ ବୁଲି ପ୍ରଚାର କରିବା ସହ ପ୍ରାର୍ଥୀ ରୀତା ସାହୁଙ୍କ ପାଇଁ ଭୋଟ ନିବେଦନ କରୁଛନ୍ତି । ଗତକାଲି ବିଜେପୁରରେ ପ୍ରଚାର କରିଥିଲେ ନବୀନ । ଆଜି ପ୍ରଚାର ସାରି ଭୁବନେଶ୍ୱର ଫେରି ଆସିବେ । ମୁଖ୍ୟମନ୍ତ୍ରୀଙ୍କ ଏହି ପ୍ରଚାର ଭିତରେ ବିଜେପୁରରେ ଡେରା ପକାଇଛନ୍ତି ଦଳର ବରିଷ୍ଠ ନେତା ଓ ମନ୍ତ୍ରୀ ।
Kanak News is now on WhatsApp
Join and get latest news updates delivered to you via WhatsApp
ବରଗଡର ତଳପାଲିରୁ ଗୁଡରପାଲି ପର୍ଯ୍ୟନ୍ତ ନିର୍ବାଚନୀ ଶୋଭାଯାତ୍ରାରେ ଆପଣମାନଙ୍କ ବିପୁଳ ସମାଗମ ଦେଖି ମୁଁ ଉତ୍ସାହିତ। ବିଜୁ ଜନତା ଦଳକୁ ଏହିଭଳି ସମର୍ଥନ କରି ଶଙ୍ଖ ଚିହ୍ନରେ ଆଶୀର୍ବାଦ କରନ୍ତୁ। ଆସନ୍ତୁ, ବିଜେପୁରରେ ବିକାଶ ଧାରାକୁ ଆହୁରି ତ୍ୱରାନ୍ୱିତ କରିବା। #ବିଜେପୁରରେଶଙ୍ଖନାଦ pic.twitter.com/U0wnLprhSk
— Naveen Patnaik (@Naveen_Odisha) October 18, 2019
ଏପଟେ ବିଜେପୁର ପ୍ରଚାର ମୈଦାନକୁ ଓହ୍ଲାଇଛନ୍ତି କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ବିଜେପି ପ୍ରାର୍ଥୀ ସନତ ଗଡତିଆଙ୍କ ପାଇଁ ଭୋଟ ନିବେଦନ କରିଛନ୍ତି ଧର୍ମେନ୍ଦ୍ର ପ୍ରଧାନ । ପ୍ରଥମେ ବିଜେପୁର ଏନ୍ଏସିରେ ପ୍ରଚାର କରୁଛନ୍ତି କେନ୍ଦ୍ର ମନ୍ତ୍ରୀ । ଏହା ପରେ ବରପାଲି ବ୍ଲକର ବନ୍ଧପାଲି ପଂଚାୟତ, ଗୋପେଇପାଲି ପଂଚାୟତ ଏବଂ ବରପାଲି ଏନ୍ଏଏସି ଅଂଚଳରେ ରୋଡ୍ ସୋ କରିବେ । କେନ୍ଦ୍ରମନ୍ତ୍ରୀ ଆଜି ପ୍ରଚାର ମୈଦାନକୁ ଓହ୍ଲାଇଥିବା ବେଳେ ରାଜ୍ୟ ବିଜେପି ସଭାପତି ବସନ୍ତପଣ୍ଡାଙ୍କ ସମେତ ଦଳର ଅନେକ ନେତା ବିଜେପୁରରେ ଡେରା ପକାଇଛନ୍ତି । ବସନ୍ତ ପଣ୍ଡା ଅଭିଯୋଗ କରି କହିଛନ୍ତି ମୁଖ୍ୟମନ୍ତ୍ରୀ ବିଜେପୁରବାସୀଙ୍କୁ ପ୍ରତାରିତ କରିଛନ୍ତି । ଆଉ ଏହାର ଜବାବ୍ ବିଜେପୁରବାସୀ ନିର୍ବାଚନରେ ଦେବେ ।