ଡନ୍ ଘରେ ଡକାୟତି : ମୋଷ୍ଟ ୱାଣ୍ଟେଡ୍ ଦାଉଦର ୪୦ କୋଟି ନେଇ ଫେରାର୍ ସହଯୋଗୀ
ଡନ୍ ଘରେ ଡକାୟତି । ସମସ୍ତଙ୍କୁ ଲୁଟୁଥିବା ମୋଷ୍ଟ ୱାଣ୍ଟେଡ୍ ଡନ୍ ଦାଉଦ୍ ଇବ୍ରାହିମ୍ ନିଜେ ହୋଇଛି ଲୁଟର ଶିକାର । ଆଉ ତାକୁ ଲୁଟିଥିବା ବ୍ୟକ୍ତି ଆଉ କେହି ନୁହେଁ ତାର ନିଜ ସହଯୋଗୀ ଖାଲିକ୍ ଅହମ୍ମଦ୍ । ଖାଲିକ୍ ଦିଲ୍ଲୀରୁ ଦାଉଦର ପ୍ରାୟ ୪୦ କୋଟି ଟଙ୍କା ଲୁଟ୍ କରି ଫେରାର୍ ହୋଇଯାଇଛି । ଆଉ ଯାହାକୁ ଏବେ ପାଗଳ ପରି ଖୋଜୁଛି ଡନ୍ ଦାଉଦ୍ । ତେବେ କୁହାଯାଉଛି ଖାଲିକ୍ ଏବେ ମଣିପୁରରେ ଲୁଚିଛି । ଏହି ୪୦ କୋଟି ମଧ୍ୟରୁ ଅଧା ପାନାମା ବ୍ୟାଙ୍କରେ ରଖିଥିବା ବେଳେ ଆଉ ଅଧା ବିଜନେସରେ ଲଗାଇଛି ଖାଲିକ୍।
Kanak News is now on WhatsApp
Join and get latest news updates delivered to you via WhatsApp
ତେବେ ଦାଉଦ ଘରେ ଡକାୟତି ହୋଇଥିବାର ପ୍ରମାଣ ସେତେବେଳେ ଜଣାପଡିଲା ଯେତେବେଳେ ଖାଲିକ୍ ଓ ପାକିସ୍ତାନରେ ଥିବା ଦାଉଦର ଆଉ ଜଣେ ସହଯୋଗୀ ଜବୀର ମୋତିଙ୍କ ସହ ହୋଇଥିବା କଥାବାର୍ତ୍ତା ଶୁଣିଥିଲା ଭାରତୀୟ ଏଜେନ୍ସି ।